Eksodas 28:39 - Pijin Bible

³⁹ “Yu mas somap wanfala spesol longfala kaleko fo hem, long nambawan waet kaleko. An yu mas somap tu wanfala spesol hat blong hae prist long disfala sem kaen nambawan waet kaleko. An yu mas wakem tu wanfala spesol strap an somap olketa piksa long hem fo dekoretem.

Pijin Deuterocanon

³⁹ “Yu mas somap wanfala spesol longfala kaleko fo hem, long nambawan waet kaleko. An yu mas somap tu wanfala spesol hat blong hae prist long disfala sem kaen nambawan waet kaleko. An yu mas wakem tu wanfala spesol strap an somap olketa piksa long hem fo dekoretem.

Eksodas 28:39 ပူးပေါင်းရင်းမြစ်များ

Eksodas 26:36

“Yu mas wakem wanfala bikfala kaleko moa long barava nambawan waet kaleko, an yu mas somap olketa piksa long hem, long blu koton, an papol koton, an red koton. Disfala bikfala kaleko nao hemi fo satem frant blong haostent ya.

Eksodas 27:16

“An yu mas wakem wanfala kaleko wea longfala blong hem hemi kasem 9 mita fo satem disfala doa ya. Yu mas wakem long nambawan waet kaleko, an somap olketa piksa long hem long blu koton, an papol koton, an red koton. An hemi mas garem fofala pos wetem fofala spesol botom fo olketa stanap long hem.

Eksodas 28:4

Yu mas talem olketa fo somap wanfala spesol paos fo hangem long sest blong hem, wetem wanfala spesol kaleko wea olketa kolem efod, an wanfala longfala kaleko fo werem antap, an wanfala spesol kaleko fo werem andanit long hem. An olketa mas wakem wanfala spesol hat, an wanfala longfala strap long kaleko. Olketa mas somap olketa kaleko ya fo brata blong yu wetem olketa san blong hem, mekem olketa save waka fo mi olsem prist.

Eksodas 29:5

Yu mas tekem olketa spesol kaleko fo Eron hemi werem. Olketa kaleko ya nao i olsem: spesol longfala kaleko, an disfala kaleko wea hemi werem andanit long efod, an efod, an paos ya. An yu mas taemap disfala efod long strap blong hem.

Eksodas 29:6

Yu mas putum spesol hat blong hae prist long hed blong hem, an yu mas tekem disfala tambu gol medol an fasenem long frant blong hat ya.

Eksodas 29:8

“An yu mas tekem kam olketa san blong hem, mekem olketa werem olketa spesol kaleko ya. Hem nao olketa spesol longfala kaleko ya,

Eksodas 39:27

Nao olketa somap olketa spesol longfala kaleko fo Eron an olketa san blong hem, long nambawan waet kaleko.

Levitikas 16:4

Hemi mas suim gudfala fastaem, an hemi mas putum olketa spesol kaleko blong hem wea olketa wakem long nambawan kaleko. Hem nao spesol longfala kaleko blong hem, an sot trasis blong hem, an spesol strap blong hem, an spesol hat blong hem.

Levitikas 6:10

Oraet, long moning, wanfala prist hemi mas werem spesol kaleko blong hem wetem sot trasis blong hem an hemi mas go fo tekemaot asis wetem olketa gris long hem, an putum go long saet blong olta.