Eksodas 28:37 - Pijin Bible

³⁷ An yu mas tekem wanfala pis blu rop an fasenem medol ya long hem fo hangem long frant blong spesol hat blong hae prist.

Pijin Deuterocanon

³⁷ An yu mas tekem wanfala pis blu rop an fasenem medol ya long hem fo hangem long frant blong spesol hat blong hae prist.

Eksodas 28:37 ပူးပေါင်းရင်းမြစ်များ

Eksodas 28:28

Nao yu mas tekem tufala blu rop, an fasenem tufala ring long daon blong paos ya fo hemi joen long tufala ring long efod. Blu rop ya hemi mekem disfala paos fo sidaon gudfala antap long strap blong efod mekem hemi no save muv.

Eksodas 28:31

Yawe hemi gohed fo tok olsem, “Bae yu mas wakem narafala spesol kaleko moa fo Eron, wea bae hemi werem fastaem, an hemi jes werem efod ya antap long hem. Yu mas wakem kaleko ya long nambawan blu kaleko.

Eksodas 28:36

“An yu mas tekem wanfala smolfala pis long nambawan gol, an wakem wanfala medol long hem. Yu mas hamarem flat gudfala, an katem toktok olsem antap long hem, ‘Mektambu fo Yawe.’

Eksodas 28:38

Hem nao Eron save werem disfala medol ya long fohed blong hem. An hemi somaot dat hem nao hemi karim olketa rong samting wea olketa pipol blong Israel i maet duim taem olketa mekem sakrifaes o ofaring long mi. Hemi mas duim diswan mekem mi hapi long olketa tambu samting wea olketa givim kam long mi.

Eksodas 28:4

Yu mas talem olketa fo somap wanfala spesol paos fo hangem long sest blong hem, wetem wanfala spesol kaleko wea olketa kolem efod, an wanfala longfala kaleko fo werem antap, an wanfala spesol kaleko fo werem andanit long hem. An olketa mas wakem wanfala spesol hat, an wanfala longfala strap long kaleko. Olketa mas somap olketa kaleko ya fo brata blong yu wetem olketa san blong hem, mekem olketa save waka fo mi olsem prist.

Eksodas 29:6

Yu mas putum spesol hat blong hae prist long hed blong hem, an yu mas tekem disfala tambu gol medol an fasenem long frant blong hat ya.

Levitikas 8:9

An hemi tekem spesol hat blong hae prist an putum long hed blong Eron, an long frant long hat hemi hangem disfala tambu gol medol. Evrisamting nao, hemi duim barava olsem wea Yawe hemi bin talem long hem.

Sekaraea 3:5

Den mi tu mi tok olsem, ?Letem olketa putum spesol hat blong hae prist long hed blong hem.? So olketa putum spesol hat long hed blong hem, an mekem hae prist fo werem niufala kaleko ya, an Enjel blong Yawe hemi lukim.

Nambas 15:38

“Talem pipol blong Israel, evriwan mas somapem tugeta samfala sotfala rop fo hangem long olketa kona blong kaleko blong olketa. An wanfala blu rop mas stap long evriwan long olketa sotfala rop wea olketa somapem. Olketa mas duim disfala samting olowe.