Eksodas 28:33 - Pijin Bible

^33-34 Raonem botom blong disfala kaleko, yu mas somap olketa piksa long frut olketa kolem pomegranet. Yu mas wakem olketa piksa ya long blu koton, an papol koton, an red koton. An yu mas wakem tu olketa smolfala bel long gol, an yu mas hangem olketa smolfala bel raonem botom blong disfala kaleko. Oraet, yu mas hangem wanfala bel long midol long evri tufala piksa blong pomegranet.

Pijin Deuterocanon

^33-34 Raonem botom blong disfala kaleko, yu mas somap olketa piksa long frut olketa kolem pomegranet. Yu mas wakem olketa piksa ya long blu koton, an papol koton, an red koton. An yu mas wakem tu olketa smolfala bel long gol, an yu mas hangem olketa smolfala bel raonem botom blong disfala kaleko. Oraet, yu mas hangem wanfala bel long midol long evri tufala piksa blong pomegranet.

Eksodas 28:33 ပူးပေါင်းရင်းမြစ်များ

1 Kings 7:18

An hemi dekoretem tu wetem tufala laen long kaving blong frut blong pomegranet.

2 Kings 25:17

Tufala bikfala pos ya, hae blong tufala i kasem eit mita. Tufala pos ya i garem hed wea olketa wakem long bras. Hae blong hed blong wanfala pos hemi wan mita teti sentemita. Olketa bin dekoretem hed ya wetem bras waea wea olketa mekem hem fo luk olsem net wea hemi goraonem. An olketa bin dekoretem tu wetem kaving blong frut blong pomegranet. Hed blong mektu pos hemi semsem olsem narafala hed ya.

Sams 133:2

Diswan hemi barava gud tumas olsem holi oel wea hemi smel naes tumas. Diskaen oel nao olketa kapsaetem go long hed blong Eron wea hemi ran godaon long biad blong hem go-go kasem kaleko blong hem.

Eksodas 28:32

Yu mas somap wanfala longfala kaleko wea hemi garem hol long midol antap long kaleko ya fo nek blong prist. An yu mas somap wanfala strongfala pis kaleko raonem nek blong disfala longfala kaleko, mekem hemi no save brek kuiktaem.

Sekaraea 14:20

Long datfala de, olketa bel wea i hang long olketa strap blong olketa hos, bae olketa raetem disfala toktok long olketa olsem, ?Mektambu fo Yawe.? An olketa sospen wea i stap insaet long Tambuhaos, bae i kamap tambu, barava olsem olketa tambu besin wea i stap kolsap long olta.