Eksodas 28:11 - Pijin Bible

¹¹ Yu mas mekem wanfala man wea hemi save hao fo duim fo katem olketa nem antap long tufala ston ya. An yu mas yusim nambawan gol fo mekem tufala spesol samting olsem smolfala flaoa fo holem tufala ston ya.

Pijin Deuterocanon

¹¹ Yu mas mekem wanfala man wea hemi save hao fo duim fo katem olketa nem antap long tufala ston ya. An yu mas yusim nambawan gol fo mekem tufala spesol samting olsem smolfala flaoa fo holem tufala ston ya.

Eksodas 28:11 ပူးပေါင်းရင်းမြစ်များ

Stori abaotem Job 19:24

Ya, mi laekem samwan fo tekem wanfala sisel, an katem go toktok blong mi antap long wanfala ston, mekem hemi no save lus enitaem.

Eksodas 28:10

Stat long fasbon go kasem lasbon, yu mas katem nem blong siksfala san long wanfala ston, an olketa nem blong nara siksfala san long narafala ston.

Eksodas 28:12

Nao yu mas putum tufala ston ya long tufala solda strap blong efod ya, mekem hemi somaot olketa tuelfala traeb blong Israel. Long disfala wei, taem Eron hemi kam frant long mi, Yawe, bae hemi gohed fo karim olketa nem blong olketa traeb blong yufala long solda blong hem, an bae mi tingim yufala olowe.

Eksodas 28:21

Long wei ya nao, yu mas fasenem tuelfala ston wea hemi fitim namba long olketa san blong Jekob, wea i olsem tuelfala traeb blong Israel. An antap long olketa tuelfala ston ya, yu mas katem nem blong olketa tuelfala san blong Jekob, mekem evri ston hemi garem wanfala nem long hem.

Eksodas 28:25

An yu mas fasenem narafala en blong tufala gol rop ya go long tufala smolfala samting olsem flaoa wea i stap long solda strap blong efod.

Eksodas 28:36

“An yu mas tekem wanfala smolfala pis long nambawan gol, an wakem wanfala medol long hem. Yu mas hamarem flat gudfala, an katem toktok olsem antap long hem, ‘Mektambu fo Yawe.’

Eksodas 39:13

An long mekfoa laen, olketa fasenem wanfala yalo ston olketa kolem tasis, an wanfala red ston olketa kolem soham, an wanfala grin ston olketa kolem yasefe. An olketa yusim nambawan gol fo mekem tuelfala spesol samting olsem smolfala flaoa fo holem olketa ston ya.

Eksodas 39:18

An olketa fasenem narafala en blong tufala gol rop ya go long tufala smolfala samting olsem flaoa wea i stap long solda strap blong efod.

Eksodas 39:6

Olketa tekem tufala nambawan red ston olketa kolem soham, an katem nem blong olketa tuelfala san blong Jekob long tufala ston ya. An olketa yusim nambawan gol fo mekem tufala spesol samting olsem smolfala flaoa fo holem tufala ston ya.

Jeremaea 22:24

Yawe hemi gohed fo talemaot mesij blong hem. Hemi tok olsem, “King Jehoeakin, san blong Jehoeakim, king blong Jiuda. Mi mekem disfala strongfala promis long nem blong mi seleva nao. Nomata yu olsem wanfala gol ring wea hemi stap long fingga long raet han blong mi, wea hemi saen blong paoa blong mi, bat mi bae mi pulumaot yu from fingga ya.

Sekaraea 3:9

!Lukim! Mi putum wanfala ston finis long frant long Josua. Disfala ston hemi garem sevenfala saet long hem, an bae mi raetem wanfala toktok long hem. An long wanfala de nomoa, bae mi tekemaot olketa sin blong pipol long disfala lan.

Efesas 1:13

An yufala tu, yufala kamap pipol blong God taem yufala herem disfala tru toktok wea hem nao disfala Gudnius wea hemi sevem yufala. Yufala bin biliv long Kraes ya, an fo somaot dat hemi onam yufala, God hemi givim yufala disfala Holi Spirit wea hemi bin promisim.

Efesas 4:30

An yufala mas no mekem Holi Spirit blong God fo filsore. God hemi givim Holi Spirit long yufala olsem wanfala mak fo somaot dat hemi onam yufala an wea bae hemi mekem yufala fo kamap fri long Lasde.

2 Timoti 2:19

Bat nomata olsem, God hemi putum finis gudfala faondesin long sios, an diswan hemi gohed fo stanap strong. An olketa toktok wea olketa raetem long faondesin ya hemi sei, “Masta hemi savegud long olketa pipol blong hem,” an nara toktok hemi sei olsem, “Olketa pipol hu i sei olketa nao pipol blong Masta, olketa mas lusim olketa ravis wei blong olketa.”

Revelesin 7:2

Nao mi lukim nara enjel wea hemi stat kamap long saet long ist, an hemi holem samting fo putum mak long pipol blong God hu hemi laef. Enjel ya hemi singaot go long nara fofala enjel ya, wea God hemi givim paoa long olketa finis, mekem olketa save spoelem graon wetem si ya.