Eksodas 25:31 - Pijin Bible

³¹ Yawe hemi gohed fo tok olsem, “Bae yu mas yusim nambawan gol fo wakem wanfala spesol frem fo putum olketa lam. An yu mas hamarem gol ya fo mekem botom an pos blong hem. Olketa kap fo putum oel lam antap long hem, yu mas mekem olketa kap ya fo luk olsem flaoa, mekem evri pat long hem long wanfala pis gol nomoa.

Pijin Deuterocanon

³¹ Yawe hemi gohed fo tok olsem, “Bae yu mas yusim nambawan gol fo wakem wanfala spesol frem fo putum olketa lam. An yu mas hamarem gol ya fo mekem botom an pos blong hem. Olketa kap fo putum oel lam antap long hem, yu mas mekem olketa kap ya fo luk olsem flaoa, mekem evri pat long hem long wanfala pis gol nomoa.

Eksodas 25:31 ပူးပေါင်းရင်းမြစ်များ

1 Kings 6:18

Long evri ples insaet long Tambuhaos, olketa kavarem evri pat long wolston blong hem wetem timba blong sida. An olketa mekem olketa kaving long flaoa an pamken long olketa timba ya.

1 Kings 7:24

Long aotsaet blong tangk ya, long saet long mamana blong hem, hemi garem olketa kaving blong melen long tufala laen wea i goraonem hem. Olketa kaving ya i barava joen olsem wan pis wetem tangk, an hemi wakem levenfala kaving blong melen long evri haf mita.

1 Kings 7:49

Tenfala spesol frem blong olketa lam. Olketa putum faefala long saet long saot, an faefala long saet long not long frant long Barava Tambu Rum. Olketa kaving long olketa flaoa, an olketa lam, an olketa sisis fo holem faea,

1 Kronikols 28:15

Hem nao haomas gol fo wakem olketa gol lam, an olketa gol frem fo putum olketa lam, an hem nao haomas silva fo wakem olketa silva lam an olketa silva frem fo putum olketa lam, fitim wea nao olketa yusim olketa lam.

2 Kronikols 13:11

Evri de, long moning an long ivining, olketa gohed fo bonem insens an mekem sakrifaes wea hemi barava bone fo wosipim Yawe. Olketa gohed fo tekem bred, an putum long tambu Tebol fo givim go long Yawe, an evri de long ivining, olketa laetem olketa lam long Spesol Frem fo Putum Olketa Lam wea olketa wakem long gol. Mifala nao mifala duim evrisamting wea Yawe hemi talem, bat yufala lusim hem finis.

2 Kronikols 4:20

Tenfala spesol frem blong olketa lam, wetem olketa lam, olketa putum long frant long Barava Tambu Rum olsem Lo hemi talem.

2 Kronikols 4:7

Olketa wakem tenfala spesol frem blong lam falom plan blong olketa. An olketa wakem tenfala tebol. Nao olketa putum tenfala ya insaet long Tambuhaos ya. Olketa putum faefala spesol frem blong lam an faefala tebol long saet long saot, an faefala spesol frem blong lam an faefala tebol long saet long not. An olketa wakem 100 smolfala besin long gol.

Eksodas 25:34

An long pos ya, yu mas mekem fofala flaoa long gol wea i luk olsem flaoa blong amon tri.

Eksodas 25:36

Yu mas hamarem disfala Spesol Frem fo putum Lam wetem olketa flaoa an olketa brans long wanfala pis gol nomoa.

Eksodas 31:8

Olketa narafala samting nao i Tebol blong Tambu Bred wetem olketa samting blong hem, an Spesol Frem fo putum Lam wetem olketa samting blong hem, wea yu mas wakem olketa long nambawan gol, an Olta fo Bonem Insens,

Eksodas 35:14

An Spesol Frem fo putum Lam wetem olketa samting blong hem, an olketa lam blong hem wetem oel fo olketa.

Eksodas 39:37

Spesol Frem fo putum Lam wea olketa wakem long nambawan gol, wetem olketa samting blong hem, an olketa lam blong hem wetem oel fo olketa.

Levitikas 24:4

So Eron hemi mas lukaftarem olketa lam long disfala Spesol Frem fo putum Lam wea olketa wakem long nambawan gol wea hemi stap frant long mi Yawe.”

Sekaraea 4:2

Hemi askem mi olsem, ??Wanem nao yu lukim?? An mi tok olsem long hem, ?Mi lukim wanfala spesol frem fo putum olketa lam wea olketa bin wakem long nambawan gol. Antap long frem ya hemi garem wanfala baol fo putum oel an sevenfala lam. An evri lam ya hemi garem sevenfala ples fo putum wik.

Nambas 3:31

Waka blong olketa fo lukaftarem Tambu Boks long Spesol Agrimen blong Yawe, wetem Tebol fo Tambu Bred, an Spesol Frem fo putum Lam, an tufala Olta, an olketa samting wea olketa prist i yusim long Tambu Haostent ya, an bikfala kaleko wea hemi satem disfala Barava Tambu Rum. Waka long olketa samting ya hemi long han blong olketa nao.

Nambas 4:10

Den trifala mas tekem wanfala skin blong jiukong, an rolemap olketa samting ya long hem, bifoa trifala putum long wanfala frem fo karim.

Nambas 4:9

“An trifala mas tekem narafala blu kaleko, an kavaremap Spesol Frem fo putum Lam an samting fo kilim laet, an olketa trei, an olketa botol oel.

Nambas 8:1

Oraet, Yawe hemi tok olsem long Mosis,

Nambas 8:4

Olketa bin hamarem gol fo mekem evri pat blong disfala Spesol Frem fo putum Lam, stat long botom blong hem go kasem evri flaoa antap long hem falom plan wea Yawe hemi som long Mosis bifoa.

Hibrus 9:2

Olketa wakem wanfala haostent ya wea fas rum blong hem olketa kolem “Tambu Rum”. An insaet long disfala rum ya olketa putum wanfala spesol frem fo putum olketa lam an wanfala tebol wea disfala tambu bred hemi stap antap long hem.

Revelesin 1:12

Nao mi taneraon fo lukim hu nao hemi tok kam long mi, an taem mi luk go, mi lukim sevenfala bikfala lam wea olketa wakem long gol.

Revelesin 1:20

Yu lukim sevenfala sta wea mi holem long raet han blong mi, an sevenfala bikfala gol lam. Olketa garem mining wea hemi haed. Olketa sevenfala sta ya hemi minim olketa enjel blong sevenfala sios ya. An sevenfala bikfala lam ya hemi minim sevenfala sios ya nomoa.”

Revelesin 2:5

Yufala mas tingimbaek gudfala wei wea yufala bin stap long hem fastaem. Nao yufala mas lusim olketa ravis wei blong yufala, an yufala mas gohed moa fo duim wanem yufala bin duim kam fastaem. Bat sapos yufala no lusim olketa ravis wei blong yufala, bae mi kam an tekemaot disfala bikfala lam blong yufala.

Revelesin 4:5

Nao long tron ya, mi lukim tu laetning hemi gohed fo laet kam long hem, an mi herem bikfala noes blong tanda wea hemi bosta. Long frant long tron ya, mi lukim moa sevenfala lam olketa gohed fo laet. Olketa ya nao seven gudfala spirit blong God.

1 Samuel 3:3

an Samuel hemi slip long tambuhaos blong Yawe wea Tambu Boks blong Spesol Agrimen hemi stap. Long naet, taem wea i no brek delaet yet an Lam blong Tambu Rum hemi laet yet,