Eksodas 25:14 - Pijin Bible

¹⁴ Den yu mas pusum go tufala stik ya insaet long olketa ring long tufala saet blong boks fo karim long hem.

Pijin Deuterocanon

¹⁴ Den yu mas pusum go tufala stik ya insaet long olketa ring long tufala saet blong boks fo karim long hem.

Eksodas 25:14 ပူးပေါင်းရင်းမြစ်များ

1 Kronikols 15:15

An taem olketa Livaet i karim Tambu Boks ya, olketa karim hem long tufala longfala timba long solda blong olketa. Hem nao olsem wea Yawe hemi bin talem long Mosis bifoa.

1 Kronikols 15:2

Nao hemi tok olsem, “Olketa Livaet nomoa i garem raet fo karim Tambu Boks blong God, bikos Yawe hemi bin siusim olketa ya fo karim hem, an duim olketa waka blong hem olowe.”

Eksodas 25:13

An bae yu mas wakem tufala longfala stik fo karim long timba blong akesia tri, an yu mas kavaremap tufala long gol.

Eksodas 25:15

An bae yu mas letem tufala stik ya fo stap olowe long olketa ring, an yu mas no tekemaot moa.

Eksodas 25:27

Olketa ring ya i fo holem tufala stik wea yu mas yusim fo karim tebol ya, an olketa mas stap kolsap long disfala smolfala reil. An yu mas wakem tufala longfala stik fo karim tebol ya long timba blong akesia tri, an kavaremap long gol.

Eksodas 30:4

An yu mas wakem fofala ring long gol, an yu mas hangem tufala long wanfala saet blong hem, an nara tufala long narafala saet. Putum fofala ring ya andanit long strap wea hemi goraon long olta. Olketa ring ya i fo holem tufala stik fo karim olta ya.

Josua 6:6

So Josua hemi kolem olketa prist fo kam tugeta, an hemi tok olsem long olketa, “Distaem, sevenfala prist long yufala hu i holem olketa trampet wea olketa wakem long hon blong sipsip, bae i maas go fastaem long olketa narawan long yufala hu i karim Tambu Boks long Spesol Agrimen blong Yawe.”