Eksodas 25:13 - Pijin Bible

¹³ An bae yu mas wakem tufala longfala stik fo karim long timba blong akesia tri, an yu mas kavaremap tufala long gol.

Pijin Deuterocanon

¹³ An bae yu mas wakem tufala longfala stik fo karim long timba blong akesia tri, an yu mas kavaremap tufala long gol.

Eksodas 25:13 ပူးပေါင်းရင်းမြစ်များ

1 Kings 8:8

Tufala spesol stik ya i longfala tumas, an sapos eniwan hemi stanap long bikfala Tambu Rum, hemi save lukim en blong tufala spesol stik ya. Bat sapos hemi stanap aotsaet long Tambuhaos hemi no save lukim. Tufala spesol stik ya i stap yet long dea kam kasem tude.

1 Kronikols 15:15

An taem olketa Livaet i karim Tambu Boks ya, olketa karim hem long tufala longfala timba long solda blong olketa. Hem nao olsem wea Yawe hemi bin talem long Mosis bifoa.

Eksodas 25:12

Bae yu mas wakem fofala ring long gol, an yu mas hangem fofala ring ya long olketa fofala lek blong boks ya, tufala long wanfala saet, an nara tufala long narafala saet.

Eksodas 25:14

Den yu mas pusum go tufala stik ya insaet long olketa ring long tufala saet blong boks fo karim long hem.

Eksodas 25:5

skin blong man sipsip wea olketa mekem red, skin blong jiukong, timba blong akesia tri,

Eksodas 27:6

Yu mas wakem tufala stik fo karim olta ya long timba blong akesia tri, an kavarem long bras.

Eksodas 30:5

Yu mas wakem tufala stik long timba blong akesia tri, an yu mas kavarem tufala stik ya long gol.

Eksodas 37:4

An hemi wakem tufala longfala stik fo karim long timba blong akesia tri, an hemi kavaremap tufala long gol.

Eksodas 40:20

Mosis hemi tekem tufala flat ston wea Tenkomanmen i stap long tufala, an hemi putum go insaet long Tambu Boks long Spesol Agrimen blong Yawe. An hemi tekem tufala spesol stik fo karim Tambu Boks, hemi pusum go long olketa ring blong hem, an hemi putum go kava long Boks ya.

Nambas 4:11

“An narafala samting, trifala mas tekem wanfala blu kaleko fo kavaremap olta wea olketa wakem long gol, an trifala mas tekem wanfala skin blong jiukong fo kavaremap olta ya moa. Den trifala mas putumbaek tufala spesol stik fo karim disfala olta.

Nambas 4:14

Oraet, trifala mas putum evrisamting wea olketa yusim fo waka long disfala olta antap long hem. Hem nao olketa tul fo mekem faea, an olketa huk, an savol, an besin. Nao trifala mas tekem wanfala skin blong jiukong an kavaremap disfala olta moa. An bihaen, trifala mas putumbaek tufala spesol stik fo karim disfala olta.

Nambas 4:6

Den trifala mas tekem wanfala skin blong jiukong, an kavaremap moa Tambu Boks ya. An bihaen, trifala mas tekem wanfala blu kaleko, an kavaremap moa long hem. Den trifala mas putumbaek tufala spesol stik fo karim Tambu Boks ya.

Nambas 4:8

An trifala mas tekem wanfala red kaleko, an kavaremap disfala Tebol wetem olketa samting long hem, an trifala mas kavaremap moa long wanfala skin blong jiukong. An bihaen, trifala mas putumbaek tufala spesol stik fo karim disfala Tebol.