Eksodas 25:12 - Pijin Bible

¹² Bae yu mas wakem fofala ring long gol, an yu mas hangem fofala ring ya long olketa fofala lek blong boks ya, tufala long wanfala saet, an nara tufala long narafala saet.

Pijin Deuterocanon

¹² Bae yu mas wakem fofala ring long gol, an yu mas hangem fofala ring ya long olketa fofala lek blong boks ya, tufala long wanfala saet, an nara tufala long narafala saet.

Eksodas 25:12 ပူးပေါင်းရင်းမြစ်များ

Eksodas 25:11

Bae yu mas kavaremap evri pat insaet long hem an aotsaet long hem long barava nambawan gol. An bae yu mas wakem wanfala smolfala strap long gol fo goraonem boks ya fo dekoretem.

Eksodas 25:13

An bae yu mas wakem tufala longfala stik fo karim long timba blong akesia tri, an yu mas kavaremap tufala long gol.

Eksodas 25:15

An bae yu mas letem tufala stik ya fo stap olowe long olketa ring, an yu mas no tekemaot moa.

Eksodas 25:26

Yu mas wakem fofala ring long gol fo tebol ya, an yu mas hangem long fofala kona, kolsap long olketa lek blong hem.

Eksodas 26:29

Yu mas kavarem olketa timba frem long gol. An yu mas putum olketa ring long gol long olketa frem fo holem olketa longfala pis timba ya. An yu mas kavarem olketa longfala pis timba long gol tu.

Eksodas 27:7

Nao taem yu laek fo karim, yu mas pusum go tufala stik ya insaet long olketa ring long tufala saet blong olta ya fo karim.

Eksodas 37:5

Den hemi pusum go tufala stik ya insaet long olketa ring long tufala saet blong boks fo karim long hem.

Eksodas 38:7

Nao olketa pusum go tufala stik ya fo gotru long olketa ring ya long saet blong olta ya. Olketa wakem olta ya long timba, an hemi open olsem boks.

Eksodas 39:16

An olketa wakem tufala spesol samting olsem smolfala flaoa fo holem tufala ston ya, an olketa wakem tufala ring long gol, an fasenem tufala ring ya long tufala kona long antap blong disfala paos.