Eksodas 21:33 - Pijin Bible

³³ “Sapos wanfala man hemi garem wanfala wel bat hemi no satem, o hemi digim wanfala hol bat hemi no kavarem, an sapos wanfala buluka o wanfala dongki hemi foldaon insaet long hol o wel an hemi dae,

Pijin Deuterocanon

³³ “Sapos wanfala man hemi garem wanfala wel bat hemi no satem, o hemi digim wanfala hol bat hemi no kavarem, an sapos wanfala buluka o wanfala dongki hemi foldaon insaet long hol o wel an hemi dae,

Eksodas 21:33 ပူးပေါင်းရင်းမြစ်များ

Sams 119:85

Olketa praod pipol hu i nating obeim olketa gudfala tising blong yu, i trae had tumas fo mekem mi falom olketa nogud wei blong olketa.

Sams 9:15

Olketa hiden pipol i bin digim wanfala hol, bat olketa seleva nomoa i foldaon insaet. Trap blong olketa seleva nao, hemi kasem olketa moa.

Eksodas 21:32

An sapos disfala man buluka hemi kilim dae wanfala man slev o woman slev, bae ona blong disfala man buluka mas peim teti silva seleni go long masta blong slev ya, an yufala mas sutim dae disfala man buluka long ston tu.

Eksodas 21:34

oraet, bae man ya mas peimaot disfala animol long ona blong hem. Bat animol wea hemi dae hemi blong hem nao.

Provebs 28:10

Yu lidim stretfala man long wei nogud, bae yu kasem trap wea yu mekem. Bat man hemi barava gud tumas, bae hemi kasem gudfala samting.

Eklesiastes 10:8

Man wea hemi digim hol fo mekem trap, bae hemi save foldaon insaet. An man wea hemi brekem wol blong haos, poesen snek wea hemi stap insaet long wol ya, bae hemi save baetem hem.

Jeremaea 18:20

?Waswe, hemi stret fo sensimbaek ravis samting fo gudfala samting? Plis yu tingim dat mi bin gohed fo kam long yu fo askem yu fo no kros long olketa, mekem yu no panisim olketa. Bat olketa ya laek fo finisim mi nao, olsem wea man hemi digim hol olsem trap fo kasholem animol an kilim hem dae.

Jeremaea 18:22

!Letem olketa sore an krae bikfala taem yu sendem olketa ravis man fo kam kuiktaem an spoelem olketa! Plis yu duim olsem bikos olketa bin digim hol mekem mi foldaon long hem, an olketa bin mekem trap fo kasholem mi.

Levitikas 24:18

Bat sapos eniwan hemi kilim dae eni animol blong narafala man, hemi mas sensimbaek animol ya wetem narafala animol wea hemi laef.