Eksodas 21:20 - Pijin Bible

²⁰ “Sapos wanfala man hemi hitim man slev o woman slev blong hem long stik an hemi dae long semtaem, yufala mas panisim man ya.

Pijin Deuterocanon

²⁰ “Sapos wanfala man hemi hitim man slev o woman slev blong hem long stik an hemi dae long semtaem, yufala mas panisim man ya.

Eksodas 21:20 ပူးပေါင်းရင်းမြစ်များ

Jenesis 4:15

Bat Yawe hemi tok olsem long Kein, “Nomoa ya. Sapos eni man hemi kilim yu dae, bae sevenfala man nao i mas dae fo sensim laef blong yu.” Nao Yawe hemi putum wanfala mak long hem, mekem eni man wea i faendem hem bae hemi no kilim dae.

Jenesis 4:24

Sapos sevenfala man nao i mas dae fo sensim laef blong Kein bae seventi-seven man nao i mas dae fo sensim laef blong mi sapos eniwan hemi kilim mi dae.”

Jenesis 9:6

Man wea i kilim dae narafala man, bae olketa mas kilim hem dae tu, bikos mi mekem man fo hemi olsem mi seleva.

Eksodas 21:21

Bat sapos slev ya hemi dae bihaen wanfala o tufala de, yufala mas no panisim man ya, bikos hemi lusim finis slev blong hem ya, wea i olsem bikfala seleni blong hem nao.

Provebs 29:19

Nomata wakaman blong yu hemi smat, toktok nomoa no save stretem hem.

Leta wea Pol hemi raetem go long sios long Rom 13:4

Bikos olketa ya i wakaman blong God fo duim gudfala samting fo yufala. Bat sapos yufala duim samting nogud, yufala mas fraetem olketa ya, bikos olketa no holem paoa fo nating. Olketa i wakaman blong God, fo panisim pipol hu i duim olketa rong samting.

Diutronomi 19:21

“Yufala mas no sore long eniwan hu hemi laea long kot fo spoelem narafala man. Kaen panis hemi laekem narafala man fo garem, yufala mas panisim hem long semkaen wei. “Sapos panis ya hemi dae blong man, den man hu hemi laea mas dae. Sapos panis ya hemi fo spoelem ae blong man, den yufala mas spoelem ae blong man hu hemi laea. Sapos panis ya hemi fo brekem tit blong man, den yufala mas brekem tit blong man hu hemi laea. Sapos panis ya hemi fo spoelem han blong man, den yufala mas spoelem han blong man hu hemi laea. An sapos panis ya hemi fo spoelem lek blong man, den yufala mas spoelem lek blong man hu hemi laea.”