Eksodas 17:4 - Pijin Bible

⁴ So, Mosis hemi kraeaot long Yawe olsem, “?Wanem nao bae mi duim long olketa pipol ya? !No longtaem, bae olketa sutim mi dae long ston!”

Pijin Deuterocanon

⁴ So, Mosis hemi kraeaot long Yawe olsem, “?Wanem nao bae mi duim long olketa pipol ya? !No longtaem, bae olketa sutim mi dae long ston!”

Eksodas 17:4 ပူးပေါင်းရင်းမြစ်များ

Sams 99:6

Mosis an Eron i tufala long olketa prist blong Yawe, an Samuel hemi wanfala long olketa hu hemi prea go long hem. Olketa ya i bin prea go long Yawe, an hemi bin ansarem olketa.

Eksodas 14:15

Yawe hemi tok olsem long Mosis, “?Waswe nao yu krae kam long mi? Yu go talem olketa fo gohed nomoa.

Eksodas 15:25

Mosis hemi krae go long Yawe, an Yawe hemi som hem wanfala stik. Mosis hemi tekem disfala stik, an hemi torowem go long wata ya, nao wata ya hemi kamap gudfala moa fo dringim. Taem olketa stap long ples ya, Yawe hemi talemaot olketa lo blong hem an olketa tingting blong hem fo olketa, mekem hemi save faendemaot wea olketa obeim hem o nomoa.

Nambas 11:11

So hemi tok olsem long Yawe, “!Mi barava filnogud tumas! !Hemi luk olsem wea yu nating laekem mi nao! ?Waswe nao yu putum mi fo lukaftarem olketa pipol ya?

Nambas 14:10

Den olketa pipol i stanap an laek fo sutim Mosis an Eron dae long ston. Bat wea, saen blong paoa blong Yawe hemi kam long Tambu Haostent, an hemi saenaot kam long olketa pipol.

Nambas 16:19

Oraet, Kora hemi kolem olketa man fo kam stanap long datfala ples, an olketa fesim Mosis an Eron long doa blong Tambu Haostent. Seknomoa, saen blong paoa blong Yawe hemi saen kam long olketa evriwan.

Gudnius abaotem Jisas Kraes wea Jon hemi raetem 10:31

Long taem ya moa, olketa Jiu ya i pikimap ston nao fo sutim Jisas dae long hem.

Gudnius abaotem Jisas Kraes wea Jon hemi raetem 8:59

Long taem ya, olketa lukaotem kam olketa ston fo sutim hem dae nao ya. Bat Jisas hemi go haed nomoa, an hemi lusim Tambuhaos ya nao.

Aposol 14:19

Nao bihaen diswan, samfala bikman blong Jiu blong Antiok long Pisidia an blong Aekoniam, olketa kam an mekem olketa pipol blong Listra fo falom toktok blong olketa nao. An olketa sutim Pol dae long ston an olketa pulum hem go aotsaet long taon. Olketa tingse hemi dae finis.

Aposol 7:50

!Mi nao mi mekem evrisamting long han blong mi nomoa ya!” ’

1 Samuel 30:6

Nao bikfala trabol hemi kasem Deved, bikos olketa man blong hem i lusim olketa pikinini blong olketa so olketa kros tumas an talem dat bae olketa sutim hem long ston. Bat Yawe, God blong Deved, hemi mekem tingting blong hem fo kamap strong moa.