Eksodas 14:27 - Pijin Bible

²⁷ So Mosis hemi liftimap han blong hem antap long solwata ya, an taem san hemi jes stat fo saen kam, solwata ya hemi fulap moa long ples blong hem. Nomata olketa soldia blong Ijip i trae fo ranawe, bat Yawe hemi mekem solwata ya fo hemi kavaremap olketa,

Pijin Deuterocanon

²⁷ So Mosis hemi liftimap han blong hem antap long solwata ya, an taem san hemi jes stat fo saen kam, solwata ya hemi fulap moa long ples blong hem. Nomata olketa soldia blong Ijip i trae fo ranawe, bat Yawe hemi mekem solwata ya fo hemi kavaremap olketa,

Eksodas 14:27 ပူးပေါင်းရင်းမြစ်များ

Nehemaea 9:11

Yu bin mekem rod hemi gotru long solwata fo olketa pipol blong yu, an yu lidim olketa falom rod ya long drae graon nomoa. Bat olketa hu i aftarem olketa pipol ya blong yu, olketa draon long dip solwata olsem wea ston hemi singdaon long dipsi.

Sams 106:11

Olketa enemi ya i draon finis insaet long wata, an no eniwan long olketa i laef.

Sams 136:15

Bat hemi draonem king blong Ijip wetem olketa soldia blong hem long Red Si. Ya, bikos hemi tinghevi long yumi olowe.

Sams 78:53

Olketa nating fraet bikos hemi lidim olketa sef nomoa, bat, olketa enemi blong olketa ya, solwata nao hemi draonem olketa.

Aesaea 10:26

Bae Yawe hu hemi garem evri paoa hemi wipim olketa olsem wea hemi bin duim bifoa long olketa pipol blong Midian, kolsap long bikfala ston ya wea olketa kolem Oreb. Ya, bae mi panisim olketa pipol blong Asiria olsem wea mi bin panisim olketa pipol blong Ijip.

Diutronomi 11:4

An olketa pikinini blong yufala no bin lukim wei wea Yawe hemi spoelem ami blong Ijip taem i gohed fo ronem yufala. Yufala nomoa lukim dat Yawe hemi spoelem ami ya wetem olketa hos an olketa kaat fo faet blong hem taem hemi mekem olketa draon long Red Si.

Hibrus 11:29

Olketa pipol blong Israel i biliv long God, an dastawe olketa save katkros long disfala solwata long Red Si ya, olsem olketa wakabaot long drae ples nomoa. Bat taem ami blong Ijip olketa trae fo katkros olsem tu, solwata ya i kavaremap evriwan long olketa nao.

Josua 24:7

olketa olo blong yufala i krae kam long mi mekem mi helpem yufala, nao mi putum bikfala tudak long midol long yufala an olketa man blong Ijip. Mi mekem bikfala solwata ya fo kavaremap olketa man ya blong Ijip hu i ronem yufala. An solwata ya hemi draonem olketa evriwan nao. Yufala lukim finis olketa samting wea mi bin duim long olketa man blong Ijip long datfala taem. ‘Longfala taem nao yufala bin stap kam long drae eria,