Eksodas 14:21 - Pijin Bible

²¹ Long taem ya, Mosis hemi liftimap han blong hem antap long solwata, an long datfala naet Yawe hemi mekem ist win hemi blou strong, an hemi divaedem solwata ya long tufala haf. Win ya hemi gohed fo blou strong olsem, mekem ples long midol long tufala haf long solwata ya hemi kamap barava drae.

Pijin Deuterocanon

²¹ Long taem ya, Mosis hemi liftimap han blong hem antap long solwata, an long datfala naet Yawe hemi mekem ist win hemi blou strong, an hemi divaedem solwata ya long tufala haf. Win ya hemi gohed fo blou strong olsem, mekem ples long midol long tufala haf long solwata ya hemi kamap barava drae.

Eksodas 14:21 ပူးပေါင်းရင်းမြစ်များ

Jenesis 8:1

Bat God hemi tingim Noa yet, wetem evrisamting ya wea i stap wetem hem long sip ya, nao hemi sendem wanfala win fo blou long wata ya, an wata hemi stat fo godaon moa.

2 Kings 2:8

Den Profet Elaeja hemi tekemaot longfala kaleko blong hem an rolemap. Hemi hitim wata long hem, an semtaem nomoa, wata ya hemi divaed long tufala haf. So tufala wakabaot long drae graon fo go long narasaet.

Nehemaea 9:11

Yu bin mekem rod hemi gotru long solwata fo olketa pipol blong yu, an yu lidim olketa falom rod ya long drae graon nomoa. Bat olketa hu i aftarem olketa pipol ya blong yu, olketa draon long dip solwata olsem wea ston hemi singdaon long dipsi.

Stori abaotem Job 26:12

God hemi yusim paoa blong hem fo mekem solwata hemi stap kuaet. An long save blong hem, hemi kilim dae jaean krokodael Rehab.

Stori abaotem Job 38:24

?Waswe, yu kasem finis ples wea laetning hemi kamaot long hem? ?Waswe, yu kasem finis ples wea ist win hemi kamap long hem?

Sams 136:13

Hemi mekem Red Si hemi divaed, an drae graon hemi kamaot. Ya, bikos hemi tinghevi long yumi olowe.

Sams 148:8

Yufala laetning an olketa ston long aes, snou an olketa klaod, yufala mas preisim hem. Ya, yu saekloun wea yu obeim toktok blong hem, yu mas preisim hem.

Sams 66:6

Hemi mekem si fo divaed long tufala haf, an ples ya hemi kamap drae, an hemi mekem riva fo drae, nao olketa grani blong yumi bifoa i wakabaot nomoa fo katkros go long narasaet. Hem nao yumi hapi tumas long samting ya wea hemi bin duim.

Sams 74:13

Long bikfala paoa blong yu, yu bin divaedem solwata fo stap long barava ples blong olketa, an yu bin spoelem finis hed blong olketa bikfala wael si snek.

Sams 78:13

Hemi divaedem solwata long tufala haf, wea hemi stanap olsem tufala bikfala wolston, an hemi tekem olketa fo gotru long narasaet.

Eksodas 14:16

Yu liftimap wokingstik blong yu, an holem antap long solwata ya, mekem hemi divaed long tufala haf, an bae olketa pipol save katkros go long drae graon.

Eksodas 14:20

Hemi stap long midol long ami blong Ijip an ami blong Israel. Fulnaet nao, bikfala klaod ya hemi mekem saet blong olketa blong Ijip hemi barava tudak tumas, bat hemi gohed fo givim laet long olketa pipol blong Israel. So long naet ya, klaod ya hemi mekem tufala ami ya i no save kam kolsap.

Eksodas 15:8

Wanfala blou blong yu nomoa long solwata, hemi divaedem long tufala haf. Hemi barava stanap olsem tufala wolston, an botom blong hem long daon hemi kamap strong an drae.

Eksodas 7:19

Yawe hemi tok moa olsem long Mosis, “Yu talem Eron fo hemi tekem wokingstik ya, an hemi liftimap antap long wata blong Ijip, mekem evri riva, an evri leik, an evri suam, an evri narafala wata moa long ples ya, mekem evri wata long evri ples bae hemi kamap blad. An nomata samfala wata hemi insaet long wanfala besin o botol, bat bae hemi kamap blad.”

Aesaea 23:11

Yawe hemi liftimap han blong hem antap long solwata, an hemi spoelem samfala kingdom an hemi haemapem olketa narafala. Hemi tokstrong mekem olketa enemi i kam fo spoelem olketa taon an olketa strongfala sefples long Fonisia.

Aesaea 43:16

(Profet) Yawe nao bin mekem rod fo gotru bikfala si ya, an hemi letem strongfala ami wetem evri hos an kaat blong olketa fo faet, fo go long rod ya. Hemi mekem olketa fo dae, olsem kandol wea hemi dae an no save laet moa. Yawe hu hemi garem paoa fo duim olketa samting ya, hem nao hemi tok olsem,

Aesaea 44:27

Mi save tok nomoa, an dip si an olketa riva tu i kamap drae nao.

Aesaea 50:2

?Waswe nao no eniwan hemi kam long mi, taem mi kam fo sevem yufala? ?Waswe nao no eniwan hemi ansarem mi, taem mi kolem yufala? ?Yufala tingse mi no garem naf paoa fo sevem yufala? Mi save tok nomoa, an dipsi save kamap barava drae. Olketa riva tu save kamap wanfala bikfala drae eria, an olketa fis bae i dae evriwan.

Aesaea 51:10

Yu nao yu divaedem si fo kamap drae. An yu nao yu mekem rod botom long si ya. Hem nao olketa pipol wea yu bin mekem olketa fri, save katkros go fo narasaet long drae graon.

Aesaea 51:15

Mi nao Yawe, an mi nao God blong yufala. Nem blong mi nao Yawe hu mi garem evri paoa. Mi nao mi mekem si an olketa wev fo mekem bikfala noes.

Aesaea 63:12

?Wea nao disfala Yawe, hu hemi givim paoa long Mosis fo duim olketa bikfala samting ya? Hemi bin mekem si fo divaed, an hemi lidim olketa pipol blong hem fo go akros long drae graon, mekem olketa pipol tinghae long nem blong hem olowe nao.” (Profet) Taem Yawe hemi bin lidim olketa, olketa save long gogo blong olketa, an olketa no save foldaon, olsem wael hos hemi save long rod blong hem, an hemi no save foldaon.

Habakuk 3:8

Lod Yawe. ?Taem yu bin stopem olketa riva an divaedem si, waswe, yu bin kros long olketa ya? !Nomoa nao! Bat yu bin kam olsem soldia long kaat blong hem fo faet, fo helpem olketa pipol blong yu fo win.

Aposol 7:36

Mosis hemi lidim olketa pipol ya fo goaot from Ijip. An hemi mekem olketa mirakol an olketa saen insaet long Ijip an long Red Si an long drae eria ya, go-go kasem fotifala yia i go finis.

Josua 2:10

Mifala herem finis nius abaotem yufala, an hao yufala kamaot from Ijip. Yawe hemi mekem Red Si ya fo kamap drae, nao yufala katkros long hem long drae graon. An mifala herem finis nius abaotem hao yufala kilim dae tufala paramaon sif ya Sihon an Og wea tufala blong laen blong Amoa wea lan blong olketa hemi stap narasaet long Jodan Riva. Yufala bin kilim dae tufala wetem evri pipol blong tufala.

Josua 3:17

An taem olketa go akros, olketa prist i gohed fo stanap long midol long riva wea hemi drae finis, go-go kasem taem wea evriwan i go akros finis long narasaet.

Josua 4:23

Yawe hu hemi God blong yumi, hemi mekem Jodan Riva fo kamap drae, fo mekem rod fo olketa. Hemi mekem fo stap olsem go-go evriwan i kam akros long disfala saet. Hemi mekem fo barava olsem taem wea hemi bin mekem bifoa long Red Si fo hemi kamap drae, nao olketa olo blong yumi i kam akros long hem long drae graon.