Eksodas 12:32 - Pijin Bible

³² An yufala save tekem olketa sipsip, an olketa nanigot, an olketa buluka blong yufala tu. Bat plis, yufala mas prea long God fo hemi blesim mi.”

Pijin Deuterocanon

³² An yufala save tekem olketa sipsip, an olketa nanigot, an olketa buluka blong yufala tu. Bat plis, yufala mas prea long God fo hemi blesim mi.”

Eksodas 12:32 ပူးပေါင်းရင်းမြစ်များ

Jenesis 15:14

Bat bae mi panisim olketa pipol hu i mekem olketa safa. An bihaen, taem olketa long laen blong yu i lusim kantri ya, bae olketa tekem plande gudfala samting blong kantri ya wetem olketa.

Jenesis 27:34

Taem Iso hemi herem toktok ya, hemi sore tumas, an hemi krae bikfala fogud nao, an hemi tok olsem, “!Dadi! !Plis yu blesim mi tu!”

Jenesis 27:38

Bat Iso hemi gohed fo askem moa long dadi blong hem olsem, “?Dadi, waswe? ?Yu bin garem wanfala blesing nomoa ya? !Plis yu blesim mi tu!” Nao hemi gohed fo krae bikfala fogud.

Esra 6:10

Yufala mas givim olketa samting ya, mekem olketa save ofarem olketa sakrifaes go long God ya long heven mekem hemi hapi long olketa, an olketa save prea long hem fo hemi blesim mi wetem olketa pikinini blong mi.

Eksodas 10:26

An olketa animol blong mifala tu mas go wetem mifala. Bae mifala no save lusim eniwan long olketa animol blong mifala fo stap, bikos mifala mas siusim olketa animol wea i fitim fo kilim long olketa sakrifaes long Yawe, God blong mifala. An mifala no save siusim yet olketa wea i stret fo kilim, go-go mifala kasem longwe.”

Eksodas 10:9

Mosis hemi tok olsem, “Bae mifala evriwan nao i go wetem olketa waef blong mifala, an olketa pikinini blong mifala, an olketa olo blong mifala, an olketa gele an olketa boe blong mifala. An bae mifala tekem olketa sipsip an olketa nanigot an olketa buluka blong mifala, bikos bae mifala go fo mekem fist fo mekhae long Yawe.”

Eksodas 8:28

King hemi tok olsem, “Oraet. Sapos yufala no go longwe tumas long drae eria, mi save letem yufala go fo mekem sakrifaes long Yawe, God blong yufala. Bat fastaem yufala mas prea kam fo mi.”

Eksodas 9:28

Plis yu prea long Yawe fo hemi stopem tanda wetem olketa ston long aes ya. Hemi naf nao. Distaem, mi promis fo letem yufala goaot, no enisamting save stopem yufala nao.”