Eklesiastes 9:13 - Pijin Bible

¹³ Wanfala samting moa wea mi lukim, hemi somaot klia wanfala eksampol long barava waes tingting.

Pijin Deuterocanon

¹³ Wanfala samting moa wea mi lukim, hemi somaot klia wanfala eksampol long barava waes tingting.

Eklesiastes 9:13 ပူးပေါင်းရင်းမြစ်များ

2 Samuel 20:22

So hemi go talemaot tingting blong hem long olketa pipol blong taon ya. Den olketa go katemaot hed blong Seba, an karim go antap long wolston, an torowem godaon long Joab. Den, Joab hemi bloum trampet fo givim saen long olketa soldia blong hem fo lusim taon ya an gobaek long king long Jerusalem.

Eklesiastes 6:1

Mi lukim narafala samting wea hemi barava nogud tumas, an hemi gohed fo spoelem olketa pipol. Hemi olsem,

Eklesiastes 7:15

Long disfala laef blong mi wea hemi no fitim tingting blong mi, mi bin lukim plande samting olsem, Stretfala man wea hemi dae kuiktaem from stretfala wei blong hem, an ravis man wea hemi laef olowe long ravis wei blong hem.

Eklesiastes 7:19

Waes tingting save mekem wanfala waes man strong winim tenfala lida hu i rul ovarem wanfala taon.

Eklesiastes 8:16

Taem mi trae fo tingabaotem hao fo kamap waes, disfala samting hemi mekem mi nating save slip long naet o long de.

Eklesiastes 9:11

Narafala samting moa mi lukim long disfala wol hemi olsem, I no olketa hu i save ran kuiktaem nomoa i save winim resis, i no olketa strong man nomoa i save winim faet. I no olketa waes man nomoa i save garem gudfala laef, i no olketa man hu i smat nomoa i save kamap ris, i no olketa man hu i save tumas nomoa wea i garem hae nem. Hem nao bikos, enikaen samting hemi save kasem evriwan ya long enikaen taem.

Eklesiastes 9:12

Yumi nating save long taem wea trabol bae kasem yumi. Olsem wea fis hemi pas insaet long net, o bed hemi pas insaet long trap, yumi tu, trabol bae hemi kasem yumi long taem wea yumi no tingim, so hemi olsem wea yumi insaet long trap.

Eklesiastes 9:14

Wanfala smolfala taon hemi stap wea no plande pipol nomoa i stap long hem, bat wanfala strong king hemi kam fo faetem olketa. Hemi goraonem disfala taon, an hemi redi fo brekemdaon bikfala wolston blong hem fo go insaet long taon ya.

Daniel 2:14

Ariok nao hemi bos long olketa gad blong king, an hem tu bae hemi kilim dae olketa man ya. Daniel hemi tingting gudfala abaotem watkaen toktok nao bae hemi talem long Ariok. Oraet, Daniel hemi go lukim hem,