Eklesiastes 8:13 - Pijin Bible

¹³ Bat olketa ravis man hu i no tinghae long God, laef blong olketa bae hemi nogud an hemi no longfala.”

Pijin Deuterocanon

¹³ Bat olketa ravis man hu i no tinghae long God, laef blong olketa bae hemi nogud an hemi no longfala.”

Eklesiastes 8:13 ပူးပေါင်းရင်းမြစ်များ

Stori abaotem Job 14:2

Hemi grou kuiktaem olsem flaoa, an hemi dae kuiktaem tu olsem flaoa. Laef blong hem i save lus kuiktaem nomoa olsem sado.

Stori abaotem Job 18:5

Yu save, laet blong man nogud bae hemi dae, an faea blong hem bae dae tu.

Stori abaotem Job 20:5

ravis pipol i save hapi fo lelebet taem nomoa.

Stori abaotem Job 21:30

Stori nao hemi olsem: Long taem God hemi kros an panis pipol, trabol hemi no kasem olketa nogud pipol.

Sams 11:5

God hemi gohed fo luksave long laef blong olketa gudfala pipol an olketa nogud pipol tu. An hemi nating laekem olketa ya wea i laek fo mekem trabol.

Sams 144:4

Laef blong olketa hemi olsem nomoa smolfala win wea hemi blou fo lelebet taem den hemi finis. Ya, olketa i olsem nomoa sado wea hemi go pas.

Sams 37:1

Yu no wari long olketa nogud pipol, an yu no joles long olketa ya,

Sams 39:5

Distaem yu bin mekem laef blong mi fo hemi sotfala fogud. Long ae blong yu, taem blong mi fo laef hemi samting nating nomoa. Laef blong man, hemi olsem nomoa wanfala smolfala win, wea hemi blou fo lelebet taem nomoa, an finis nao.

Sams 55:23

God, bae yu torowem olketa hu i kilim man dae an olketa hu i laea, fo go insaet long olketa grev blong olketa seleva, taem olketa yangfala yet. Bat bae mi gohed fo trastem yu nomoa. (Singsing blong Deved. Hemi wakem bihaen long taem wea olketa long Filistia i holem hem long taon long Gat.)

Eklesiastes 3:14

Mi save dat evrisamting God hemi duim bae hemi stap olowe an hemi no save finis. No eniwan save adem enisamting long hem, an no eniwan save tekemaot enisamting from hem. Evrisamting wea God hemi duim hemi stret fogud, mekem yumi tinghae long hem.

Eklesiastes 5:7

Staka drim, an olketa had samting fo tingim, an plande toktok i stap, bat yumi mas gohed fo barava tinghae long God.

Eklesiastes 6:12

Laef blong man long disfala wol hemi sot tumas, an hemi no fitim tingting blong yumi. ?Hu nao hemi save luksave long nambawan wei fo falom long laef wea hemi olsem sado nomoa? ?An hu nao hemi save talem man abaotem olketa samting wea bae i kamap bihaen long taem wea hemi dae finis?

Eklesiastes 7:15

Long disfala laef blong mi wea hemi no fitim tingting blong mi, mi bin lukim plande samting olsem, Stretfala man wea hemi dae kuiktaem from stretfala wei blong hem, an ravis man wea hemi laef olowe long ravis wei blong hem.

Eklesiastes 7:18

Hemi gud fo yu tingting gudfala long tufala advaes ya. Sapos yu tinghae long God, bae yu no save lus.

Eklesiastes 8:8

No eniwan hemi save kontrolem win. No eniwan garem paoa fo sensim de wea bae hemi dae. An no eniwan long ami hemi save ranawe from faet. Long sem wei, ravis wei hemi no save helpem olketa pipol hu i save tumas long hem.

Aesaea 3:11

!Bat sore tumas long olketa hu i falom ravis wei! Bae Yawe hemi sensimbaek long olketa evri ravis samting wea olketa bin duim.

Aesaea 30:13

Dastawe nao disfala wei blong sin bae hemi kamap olsem wanfala bikfala wolston wea yufala tingse hemi save mekem yufala sef, bat hemi garem bikfala hol long hem an hemi redi nao fo foldaon. No longtaem nomoa bae hemi foldaon nao an hemi brek finis.

Aesaea 57:21

Olketa ravis pipol i no save garem piis long laef blong olketa.” Hem nao toktok blong Yawe hu hemi God blong mi.

Aesaea 65:20

“No eni pikinini bae hemi dae insaet long ples ya. Evri pipol hu i stap long ples ya bae i laef fo longtaem. Sapos man hemi dae taem hemi kasem 100 yia, bae olketa pipol i tingse hemi yangfala yet ya. An sapos eniwan hemi dae bifoa hemi kasem taem ya, bae olketa pipol i tingse mi nao mi panisim hem.

Jeremaea 44:10

Kam kasem tude, yufala blong Jiuda i bikhed tumas, an yufala no tinghae long mi, an yufala les fo obeim olketa lo wea mi givim long yufala, an long olketa grani blong yufala bifoa.’

Malakae 3:18

An long datfala taem, bae yufala luksave wea olketa stretfala pipol hu i obeim mi i barava deferen from olketa nogud pipol hu i nating obeim mi.? Hem nao toktok blong Yawe hu hemi garem evri paoa.

Gudnius abaotem Jisas Kraes wea Jon hemi raetem 5:29

an bae olketa kamaot from olketa grev. Olketa hu i duim olketa gudfala samting bifoa, bae olketa laef olowe, bat olketa hu i duim olketa ravis samting, bae olketa panisim olketa olowe nao.”

Jemes 4:14

!Sei olketa, no eniwan save wanem nao bae hemi hapen long hem tumoro! Laef blong yumi, hemi olsem smok nomoa wea hemi save kamaot fo lelebet taem, an bihaen hemi lus moa.

2 Pita 2:3

An bikos olketa laea tisa laekem seleni tumas, bae olketa mekem enikaen laea tising fo tekem seleni blong yufala. Bat God hemi jajem olketa wei olsem finis, ya longtaem nao hemi jajem finis olketa laea tisa ya. Hemi redi olowe nomoa fo panisim olketa.