Eklesiastes 7:26 - Pijin Bible

²⁶ Wanem mi faendemaot hemi olsem, Wanfala samting hemi mekem mi filnogud tumas winim dae, Krangge wei hemi olsem wanfala woman hu hemi kasholem yu long wanfala trap, han blong hem hemi save holetaet long yu olsem wanfala sen. Eniwan hu hemi obeim God hemi save ranawe long hem, bat nogud man bae hemi pas long trap.

Pijin Deuterocanon

²⁶ Wanem mi faendemaot hemi olsem, Wanfala samting hemi mekem mi filnogud tumas winim dae, Krangge wei hemi olsem wanfala woman hu hemi kasholem yu long wanfala trap, han blong hem hemi save holetaet long yu olsem wanfala sen. Eniwan hu hemi obeim God hemi save ranawe long hem, bat nogud man bae hemi pas long trap.

Eklesiastes 7:26 ပူးပေါင်းရင်းမြစ်များ

Jenesis 19:35

Nao long naet ya, tufala mekem hemi drang fogud moa, nao mektu gele ya hemi go slip moa wetem hem. Bat oloman ya hemi barava drang tumas moa, so hemi no save long samting ya hemi bin duim.

Eksodas 10:7

Olketa bikman blong king i tok olsem long hem, “O king. Disfala man hemi gohed fo mekem tumas trabol fo yumi nao. Hemi gud sapos yu letem olketa go nao fo wosipim Yawe, God blong olketa. ?Waswe, yu no save yet wea kantri blong yumi hemi barava nogud finis?”

Provebs 2:16

Lisin long mi, an bae yu sef from suit toktok blong nogud woman.

Provebs 22:14

Tok blong woman fo durong, hemi hol wea i dip tumas. Yawe bae kros long man hemi herem, an man bae foldaon long hem.

Provebs 6:23

Evri strongfala toktok ya nao laet, an disfala tising nao hemi laet. Hem save stretem yu, mekem yu kasem laef.

Provebs 6:24

Hem save mekem yu sef from suit toktok blong nogud waef blong nara man. An hem stopem yu fo no go long woman hu hemi laek fo durong wetem yu.

Provebs 9:18

Bat olketa nating save nomoa dat dae blong olketa hemi insaet long haos ya, an olketa hu i go insaet i godaon finis insaet long grev.

Eklesiastes 2:26

Oltaem God hemi givim waes an save long olketa hu i obeim hem, an hemi mekem olketa i hapi tu. Bat God hemi mekem olketa nogud pipol wakahad tumas fo kasem olketa gudfala samting, an hipimap fo givim go long olketa ya hu i mekem God hapi. Hem tu hemi no fitim tingting blong yumi. Hemi olsem wea olketa aftarem nomoa win.

Eklesiastes 7:27

Yu mas lukluk gud long wanem mi faendemaot. Mi bin gohed isi nomoa fo faendemaot abaotem evrisamting ya.