Eklesiastes 7:2 - Pijin Bible

² Yumi mas tingabaotem wei wea evriwan bae kasem taem fo dae, dastawe hemi moabeta fo yu go long haos wea pipol i krae long man dae, winim yu go long haos wea olketa garem fist long hem.

Pijin Deuterocanon

² Yumi mas tingabaotem wei wea evriwan bae kasem taem fo dae, dastawe hemi moabeta fo yu go long haos wea pipol i krae long man dae, winim yu go long haos wea olketa garem fist long hem.

Eklesiastes 7:2 ပူးပေါင်းရင်းမြစ်များ

Sams 90:12

Plis yu mekem mifala fo save dat laef blong mifala hemi sot nomoa, mekem mifala tingting gudfala abaotem olketa wei blong yu.

Eklesiastes 2:14

Man hu hemi waes hemi luksave long rod blong laef wea hemi falom, bat man hu hemi krangge hemi wakabaot nomoa long tudak. Bat mi save dat dae bae kasem tufala evriwan.

Eklesiastes 2:16

Long taem wea waes man an krangge man i dae finis, no eniwan bae hemi tingim tufala moa. Ya, olsem krangge man hemi mas dae, waes man tu bae hemi dae.

Eklesiastes 3:19

Laef blong man an laef blong animol hemi semsem nomoa. Ya, olsem wea animol hemi dae, man tu mas dae. Sapos olsem, man no save sei wea hemi moabeta winim animol, bikos tufala evriwan bae i dae nomoa. Evrisamting ya hemi no fitim tingting blong yumi.

Eklesiastes 3:20

God hemi mekem tufala evriwan long graon, an hem nao tufala mas gobaek moa long graon.

Eklesiastes 6:6

An nomata wanfala man hemi laef go-go kasem 2,000 yia, hemi nogud sapos hemi no hapi long olketa samting long laef blong hem. Yu save, long en blong laef, evriwan nomoa i go long sem ples.

Eklesiastes 9:2

Semsamting bae kasem evriwan. Olketa stret man wetem olketa hu i no stret, an olketa gudfala man wetem olketa hu i nogud, an olketa hu i klin long ae blong God wetem olketa hu i no klin long ae blong hem, an olketa man hu i mekem sakrifaes wetem olketa hu i no mekem sakrifaes, olketa i semsem nomoa, bikos olketa evriwan nomoa bae i dae. En wea olketa gudfala man i kasem, olketa nogud man bae kasem tu. An en wea i kasem olketa man hu mekem promis, i nating deferen long olketa hu les fo mekem promis.

Eklesiastes 9:3

Olketa evriwan bae dae nomoa. Hem nao wanfala ravis samting wea hemi hapen long disfala wol. Taem olketa pipol i laef, haat blong olketa hemi fulap nomoa long olketa ravis tingting an olketa krangge wei. Bihaen, olketa go nao long ples blong olketa man dae.

Eklesiastes 9:5

Ya, olketa hu i laef yet, olketa save dat bae olketa mas dae. Bat olketa hu i dae finis, olketa nating save long enisamting. Bae olketa no garem eni gudfala samting, an olketa pipol i fogetem olketa finis.

Aesaea 47:7

Yu bin tingse yu save gohed olsem bikfala kuin fo evritaem olowe nao. Bat yu nating tingim nomoa wea olketa samting ya bae hemi kasem yu.

Jeremaea 16:8

“Yu mas no go insaet long haos wea olketa pipol gohed fo mekem fist long hem. Yu mas no sidaon fo kaikai an dring wetem olketa.

Hagae 1:5

Yufala mas luksave long olketa samting yufala du-duim.

Malakae 2:2

Sapos yufala no obeim mi o tinghevi fo mekhae long nem blong mi, bae mi mekem trabol fo kasem yufala an fo kasem gudfala laef wea yufala prist i garem. Ya, mi duim finis long yufala, bikos yufala nating tinghevi fo mekhae long nem blong mi.

Nambas 23:10

No eniwan save kaontem olketa long laen blong Jekob. Namba blong olketa pipol blong Israel hemi olsem dast wea yu no save kaontem. Taem mi kasem en long laef blong mi, hemi gud sapos laef blong mi hemi olsem laef blong olketa hu i stret long ae blong God. Ya, letem laef blong mi hemi gud olsem laef blong olketa.”

Matiu 5:4

Olketa hu i sore tumas, olketa save hapi ya, bikos bae God hemi mekem olketa fo no sore moa.

Diutronomi 32:29

Sapos eniwan long yufala hemi waes, hemi save tingabaotem evrisamting wea hemi hapen finis, an bae hemi save tu wanem bae kamap.

Diutronomi 32:46

hemi tok olsem, “Yufala mas rimembarem disfala singsing wea mi givim long yufala tude. Yufala mas tisim hem long olketa pikinini blong yufala, bikos hemi save mekem olketa fo obeim disfala buk blong lo blong Yawe.

Filipae 3:19

Diskaen pipol ya, wanem olketa laekem fo bodi blong olketa seleva, hem nao olsem god blong olketa. An olketa praod fo duim olketa samting wea yumi save filsem tumas long hem. Olketa tingting olowe long evrisamting blong wol nomoa. Bae olketa kaen pipol olsem i go lus long hel.

Hibrus 9:27

Evri pipol mas dae wanfala taem nomoa, an bihaen, God bae hemi jajem olketa.