Eklesiastes 6:10 - Pijin Bible

¹⁰ Evrisamting wea hemi stap distaem, God nao hemi givim olketa nem long olketa. An yumi save tu abaotem pipol seleva, olsem, yumi no save raoa wetem God hu hemi strong moa winim yumi.

Pijin Deuterocanon

¹⁰ Evrisamting wea hemi stap distaem, God nao hemi givim olketa nem long olketa. An yumi save tu abaotem pipol seleva, olsem, yumi no save raoa wetem God hu hemi strong moa winim yumi.

Eklesiastes 6:10 ပူးပေါင်းရင်းမြစ်များ

Jenesis 3:9

Bat Yawe hemi kolem go man ya olsem, “?Ei, wea nao yu stap?”

Stori abaotem Job 33:13

?Waswe nao yu tokdaonem God, an talem dat hemi no ansarem komplen blong yu?

Stori abaotem Job 9:32

Sapos God hemi man, bae mi save ansarem hem, an mitufala save go long kot fo stretem disfala raoa blong mitufala.

Sams 103:15

Yumi pipol, laef blong yumi hemi olsem gras nomoa. Yumi olsem flaoa, wea hemi grou an hemi kamap strong,

Sams 39:6

Ya, hemi olsem sado nomoa. Evrisamting wea man hemi duim, hemi samting nating nomoa. Hemi gohed fo hipimap olketa gudfala samting, bat hemi no save nomoa hu nao bae hemi tekova long hem.”

Provebs 21:30

Waes tingting, gudfala save, an nambawan plan, trifala evriwan no save win agensim Yawe.

Eklesiastes 3:15

Evrisamting wea hemi hapen distaem, hemi bin hapen bifoa. An evrisamting wea bae hemi kamap, hemi bin kamap bifoa tu. God nao bae hemi lukaftarem evrisamting olsem.

Eklesiastes 6:11

Taem man toktok tumas long raoa, mining blong toktok hemi no fitim tingting blong yumi, an no eni gudfala samting save kamap from disfala toktok.

Jeremaea 49:19

“Olsem laeon hemi goaot from ples blong hem kolsap long Jodan Riva, an wakabaot kam long gudfala ples wea olketa sipsip i stap long hem, long sem wei tu, mi bae mi kam, an seknomoa, bae mi mekem olketa blong Idom fo ranawe from lan blong olketa. Nao bae mi siusimaot wanfala man wea mi laek fo rul ovarem lan. !No eniwan hemi olsem mi! ?Hu nao save agensim mi? No eni man fo rul hemi garem paoa fo agensim mi.”

1 Korin 10:22

?O waswe, yumi wande mekem Masta fo joles nomoa? ?An yumi tingse yumi nao strong winim hem? !Nating!