Eklesiastes 5:13 - Pijin Bible

¹³ Mi lukim wanfala ravis samting wea hemi gohed long disfala wol. Wanfala man hemi hipimap nomoa staka seleni fo yusim bihaen, bat wei blong hem hemi spoelem hem seleva.

Pijin Deuterocanon

¹³ Mi lukim wanfala ravis samting wea hemi gohed long disfala wol. Wanfala man hemi hipimap nomoa staka seleni fo yusim bihaen, bat wei blong hem hemi spoelem hem seleva.

Eklesiastes 5:13 ပူးပေါင်းရင်းမြစ်များ

Jenesis 14:16

Nao Ebram hemi tekembaek evrisamting wea olketa ya i bin tekem go. Hemi tekembaek Lot tu wetem evrisamting wea hemi onam, wetem olketa woman, an olketa narafala pipol wea olketa ya i bin tekem go.

Jenesis 19:14

So Lot hemi go lukim tufala man wea bae tufala maritim tufala gele blong hem. Nao hemi tok olsem long tufala, “!Yu hariap! !Bae yumi goaot kuiktaem from ples ya! !Distaem nomoa, Yawe bae hemi spoelem taon ya finis!” Bat tufala tingse hemi gohed fo tokplei nomoa long tufala, so tufala no kam nomoa.

Jenesis 19:26

Bat long taem ya, waef blong Lot hemi lukbaek go long bihaen nomoa, hemi tane go long sol nao wea hemi strong olsem ston. So bodi blong hem hemi kamap strong, an hemi gohed fo stanap olsem ston nao.

Stori abaotem Job 20:20

Gridi man ya hemi no save stap kuaet, an nomata hemi garem plande samting finis, hemi no hapi.

Provebs 1:19

Man hemi mekem nara man dae fo kasem olketa samting blong hem, bae hem kasem dae nomoa.

Provebs 1:32

Olketa hu i no garem save bae i dae bikos olketa tanem baeksaet long mi. An krangge pipol bae dae bikos i les long stretfala wei.

Provebs 11:4

Taem Yawe jajem man, seleni hemi yusles, stretfala wei save sevem laef.

Provebs 23:4

Nogud yu hadwaka tumas fo kamap risman. Sapos yu waes bae yu no save waka olsem.

Provebs 27:24

bikos olketa save mekem yu risman, bat risis an biknem no save stap olowe.

Eklesiastes 4:8

Wanfala man hemi stap seleva, hemi no garem eni brata o eni pikinini, bat hemi gohed nomoa fo wakahad. Hemi nating save res lelebet long waka, bikos hemi no hapi long olketa samting wea hemi garem finis. Hemi no askem hem seleva olsem, “?Hu nao, hadwaka blong mi bae helpem? ?Waswe nao mi no duim olketa samting wea i save mekem mi hapi?” Disfala wei hemi no fitim tingting blong yumi, an hemi mekem man filnogud.

Eklesiastes 5:14

Wanfala nogud samting hemi hapen an hemi lusim evri seleni blong hem. So no eni seleni nao hemi stap fo pikinini blong hem.

Eklesiastes 8:9

Mi lukim olketa samting ya taem mi tingting gudfala long evrisamting wea hemi gohed long disfala wol. Samfala taem pipol i bosim olketa narafala pipol, so olketa safa.

Aesaea 2:20

Long taem ya, bae olketa tekem olketa kaving god wea olketa wakem long gol an silva, an torowem go long ples wea olketa rat i stap long hem.

Sefenaea 1:18

Profet Sefenaea hemi tok olsem, ?Long de wea Yawe bae hemi somaot kros blong hem, olketa silva an gol blong olketa pipol, bae i no save sevem olketa. Kros blong hem bae hemi olsem bikfala faea, an bae hemi bonem disfala wol finis. Seknomoa, bae hemi finisim olketa evriwan long disfala wol.?

Gudnius abaotem Jisas Kraes wea Luk hemi raetem 16:19

An Jisas hemi sei moa, “Wanfala ris man hemi stap hu hemi save werem olketa kaleko wea hemi barava dia tumas. An long evri de hemi kaikaim olketa nambawan kaikai tumas tu.

Gudnius abaotem Jisas Kraes wea Luk hemi raetem 19:8

Bat Sakias hemi stanap an hemi tok olsem long Masta, “!Lukim Masta! Bae mi givim haf long evrisamting blong mi long olketa pua pipol. An olketa wea mi ravem olketa long enisamting, bae mi sensimbaek foa taem moa winim wanem mi tekem long olketa.”