Eklesiastes 4:10 - Pijin Bible

¹⁰ Sapos wanfala long tufala hemi foldaon, narawan save helpem hem fo stanap moa. Bat sore nao long man hu hemi stap seleva an hemi foldaon, bikos no eniwan hemi stap fo helpem hem.

Pijin Deuterocanon

¹⁰ Sapos wanfala long tufala hemi foldaon, narawan save helpem hem fo stanap moa. Bat sore nao long man hu hemi stap seleva an hemi foldaon, bikos no eniwan hemi stap fo helpem hem.

Eklesiastes 4:10 ပူးပေါင်းရင်းမြစ်များ

Jenesis 4:8

Nao wanfala de, Kein hemi tok olsem long brata blong hem, “Yumitufala go long gaden.” Nao taem tufala stap long gaden, Kein hemi agensim brata blong hem ya an hemi kilim dae nao.

2 Samuel 11:27

An taem olketa de fo sore blong hem hemi finis, king hemi sendem toktok go long hem, mekem hemi kam long haos blong hem. Den hemi kamap waef blong king, an bihaen hemi bonem wanfala boe. Bat Yawe hemi barava les tumas long samting wea Deved hemi duim.

2 Samuel 14:6

Mi garem tufala pikinini boe. Wanfala de, tufala ya go long gaden, an tufala raoa go-go tufala faet. An bikos no eni man hemi stap fo stopem tufala, wanfala hemi kilim dae narawan.

Eksodas 32:21

Mosis hemi tok olsem long Eron, “?Wanem nao olketa pipol ya i duim long yu fo yu lidim olketa fo duim disfala bikfala sin wea hemi barava nogud tumas olsem?”

Eklesiastes 4:11

An long taem blong tukol, tufala save leidaon tugeta mekem tufala no save kol. Bat sapos man hemi leidaon seleva, hemi kol nomoa ya.

Eklesiastes 4:9

Wei wea tufala pipol save waka tugeta hemi barava gud tumas, bikos waka tufala save duim tugeta, hemi gud moa winim waka blong wanfala man.

Galesia 6:1

Olketa Kristin fren, sapos wanfala man hemi duim samfala sin, yufala hu i falom Holi Spirit nao, yufala mas helpem hem fo kamap stret moa. An yufala mas duim diswan long wei wea hemi no raf. Bat yufala mas lukaot, nogud yufala tu duim semkaen sin.

1 Tesalonaeka 4:18

So hemi gud tumas fo yufala strongim tingting blong yufala evriwan long olketa toktok ya.

1 Tesalonaeka 5:11

From diswan nao, yufala mas gohed fo strongim tingting blong yufala, an yufala mas helpem yufala evriwan olsem yufala duim distaem.

1 Samuel 23:16

Den Jonatan hemi kam lukim hem long ples ya. An hemi strongim tingting blong Deved fo trastem God.