Eklesiastes 4:1 - Pijin Bible

¹ Mi luk moa, an mi lukim olketa nogud samting wea hemi gohed long disfala wol. Mi lukim dat samfala pipol i mekem olketa narafala pipol fo safa. Olketa hu i safa, olketa krae tumas, bat no eniwan strongim tinging blong olketa. Olketa pipol hu i mekful long narafala pipol i barava strong fogud, bat no eniwan strongim tinging blong olketa hu i safa.

Pijin Deuterocanon

¹ Mi luk moa, an mi lukim olketa nogud samting wea hemi gohed long disfala wol. Mi lukim dat samfala pipol i mekem olketa narafala pipol fo safa. Olketa hu i safa, olketa krae tumas, bat no eniwan strongim tinging blong olketa. Olketa pipol hu i mekful long narafala pipol i barava strong fogud, bat no eniwan strongim tinging blong olketa hu i safa.

Eklesiastes 4:1 ပူးပေါင်းရင်းမြစ်များ

Stori abaotem Job 16:4

Sapos yu nao yu filnogud olsem mi, mi save talem go nomoa long yu evrisamting ya yu bin talem kam long mi. An sapos hemi olsem, mi tu mi save talem nomoa olketa semkaen toktok long yu, an sekem hed blong mi bikos mi sore long yu.

Stori abaotem Job 35:9

Taem bikfala trabol hemi kasem pipol, olketa krae tumas. Ya, taem olketa bikman mekful long pipol, olketa singaot long eniwan fo helpem olketa.

Stori abaotem Job 6:29

Yutrifala mas tingting moa long mi. Mi laekem yutrifala fo no duim eni rong samting. Yutrifala mas tingim mi moa, bikos nogud yutrifala no lukim stretfala wei blong mi.

Stori abaotem Job 9:24

Taem kantri hemi long han blong olketa nogud pipol, God hemi mekem olketa jaj fo blaen. ?Sapos i no God wea hemi duim diswan, hu moa save duim?

Sams 12:5

Bat Yawe hemi tok olsem, “Bikos olketa nogud pipol ya i gohed fo spoelem olketa pua pipol, an olketa gohed fo mekem olketa safa an gohed fo krae, an olketa pua pipol ya wea i laekem tumas fo stap sef, oraet, bae mi kam nao fo sevem olketa.”

Sams 142:4

Taem mi luk raonem mi, mi nating lukim nao eniwan fo hemi helpem mi o fo gadem mi. Ya, no eniwan nao fo hemi lukaftarem mi.

Sams 142:5

Lod Yawe, mi kol kam long yu. Plis yu helpem mi, bikos yu nao yu sefples blong mi. Yu nomoa yu evrisamting wea mi garem long disfala laef.

Sams 42:3

Mi gohed fo krae long de an long naet, tias blong mi nomoa hemi olsem kaikai blong mi. Oltaem olketa enemi blong mi i mekfan long mi, an olketa tok olsem, “?Wea nao God blong yu ya?”

Sams 42:9

God, yu nao yu strongfala sefples blong mi. ?Waswe nao yu fogetem mi? ?Waswe nao mi gohed fo safa long olketa nogud samting wea olketa enemi i duim long mi?

Sams 69:20

Olketa ravis toktok blong olketa hemi spoelem tingting blong mi finis, an distaem, tingting blong mi hemi barava wikdaon fogud nao. Mi we-weitem nomoa eniwan fo hemi sore kam long mi, bat no eniwan nao. Ya, mi we-weitem nomoa eniwan fo hemi kam fo strongim tingting blong mi, bat no eniwan nao.

Sams 69:21

Taem mi hanggre, olketa givim kam poesen long mi, an taem mi wande dring, olketa givim mi waen wea hemi saoa.

Sams 80:5

Sore nomoa yu givim long mifala olsem kaikai fo mifala kaikaim, an tias blong mifala nomoa hemi olsem wata wea yu givim long mifala fo dringim.

Eksodas 1:16

Hemi tok olsem long tufala, “Distaem, taem yutufala helpem olketa woman blong yufala Hibru wea i bonem pikinini, sapos yutufala lukim dat pikinini hemi boe, yutufala mas kilim dae, bat sapos hemi gele, letem hem laef.”

Eksodas 1:22

So king hemi tokstrong long olketa pipol blong hem olsem, “Sapos eni Hibru woman hemi bonem pikinini boe, yufala mas torowem pikinini ya long Nael Riva fo hemi dae, bat letem evri pikinini gele hemi laef.”

Provebs 19:7

Wantok i les long puaman, an fren blong hem i les tu. Nomata hemi aftarem olketa fo askem help, hemi no save faendem.

Provebs 28:3

Bikman hu hemi mekful long puaman, hemi olsem saekloun wea i spoelem gaden.

Provebs 29:2

Taem olketa stretfala man i holem paoa, pipol i hapi tumas. Taem olketa ravis man i holem paoa, pipol i krae tumas.

Eklesiastes 3:16

Nao mi lukim wanfala samting nogud long wol, Long ples wea man mas jajem pipol long stretfala wei, mi lukim olketa ravis wei. Long ples wea man mas falom stretfala wei, mi lukim hem falom ravis wei nomoa.

Eklesiastes 5:8

Yu no sapraes sapos yu lukim olketa bikman i gohed fo mekful long olketa pua pipol, an stopem olketa fo no kasem raet blong olketa, an no jajem olketa long stretfala wei. Olketa bikman ya i no tinghevi long olketa pua pipol bikos olketa stap nomoa andanit long paoa blong narafala bikman moa hu i bos long olketa. Olketa narafala bikman ya tu i duim semsamting, bikos olketa tu i stap andanit long paoa blong olketa bos.

Eklesiastes 7:7

Yu save, taem samwan hemi mekful long waes man, waes man ya save kamap krangge. An sapos olketa suitim yu wetem presen, haat blong yu save kamap nogud.

Eklesiastes 8:9

Mi lukim olketa samting ya taem mi tingting gudfala long evrisamting wea hemi gohed long disfala wol. Samfala taem pipol i bosim olketa narafala pipol, so olketa safa.

Aesaea 5:7

Disfala plantesin long grep tri blong Yawe hu hemi garem evri paoa, hem nao olketa pipol blong Israel. Ya, yufala olketa pipol blong Jiuda i olsem wanfala plantesin wea hemi laekem tumas. Yawe hemi ekspektem yufala fo jajem stret olketa narafala pipol, bat yufala gohed nomoa fo kilim dae olketa pipol. Hemi ekspektem yufala fo falom stretfala wei, bat yufala gohed nomoa fo mekem olketa safa tumas.

Aesaea 51:23

Bae mi putum disfala kap long han blong olketa hu i bin barava mekem yufala safa, olsem wea olketa mekem yufala fo leidaon falom olketa rod long taon an step nomoa long yufala olsem ravis.”

Aesaea 59:7

Oltaem yufala kuiktaem tumas fo falom wei blong sin an fo spoelem olketa pipol hu i no duim nomoa eni rong samting. Tingting blong yufala nao hemi ravis olowe, an wei fo spoelem narafala pipol hemi olsem bikrod blong yufala nomoa ya.

Jeremaea 16:7

Bae no eniwan hemi tekem kam kaikai an samting fo dring fo strongim tingting blong olketa hu i sore an krae fo man dae, nomata hemi mami o dadi hu hemi dae finis.

Lamentesin 1:16

“Dastawe nao mi krae tumas, an tias hemi ran kamdaon long fes blong mi. No eniwan nao hemi stap wea i save strongim tingting blong mi. Olketa enemi ya i winim mi, an olketa pipol blong mi i seke fogud.”

Lamentesin 1:17

Jerusalem hemi ask fo help, bat no eniwan hemi stap fo helpem hem. Yawe hemi mekem olketa pipol wea i stap raonem Israel fo kamap enemi, an olketa tingim wea Saeon hemi barava ravis samting nomoa.

Lamentesin 1:2

Long fulnaet ya hemi krae go-go delaet, an tias blong hem hemi randaon long fes blong hem. Bifoa, hemi olsem gele wea hemi garem plande man. Distaem evriwan i les long hem. Olketa fren i agensim hem, an kamap enemi blong hem.

Lamentesin 1:9

Evriwan save lukim sin blong hem, bat hemi no wari nomoa long wanem bae hemi hapen. Bat olketa enemi i daonem hem nogud, an no eniwan save helpem hem. “!O Yawe! Olketa enemi i winim mi finis. !Plis yu lukim mi, an sore long mi!”

Emos 3:10

Hem ya mesij blong Yawe, ?Olketa pipol hu i gohed fo fulumapem olketa strongfala sefples blong olketa long evrisamting wea olketa bin stilim o winim long faet, olketa nating save hao fo stap long stretfala wei.?

Emos 3:9

(Profet) Yufala mas go long olketa bikman hu i stap long haos blong king blong Filistia long taon long Asdod, an olketa long haos blong king blong Ijip, an tok olsem long olketa, ?Yufala evriwan i kam an hipap antap long olketa hil raonem taon long Samaria. Bae yufala save lukim olketa bikfala trabol long disfala ples, wea plande pipol i gohed fo mekem olketa narafala pipol safa.?

Malakae 2:13

(Profet) Narafala samting moa wea yufala gohed fo duim, hemi olsem: Taem yufala lukim dat Yawe hemi les long olketa ofaring blong yufala, yufala krae go-go tias blong yufala hemi kavaremap olta blong hem.

Malakae 3:18

An long datfala taem, bae yufala luksave wea olketa stretfala pipol hu i obeim mi i barava deferen from olketa nogud pipol hu i nating obeim mi.? Hem nao toktok blong Yawe hu hemi garem evri paoa.

Malakae 3:5

Yawe hu hemi garem evri paoa, hemi tok olsem, ?Bae mi kam fo jajem yufala, an kuiktaem nomoa mi talemaot hu long yufala nao hemi duim olketa ravis samting. Hem nao olketa hu i mekem majik, an olketa hu i brekem lo blong marit, an olketa hu i laea long kot, an olketa masta hu i ravem pei blong wakaman, an olketa hu i mekful long olketa wido an olketa pikinini wea mami an dadi blong olketa i dae finis, an mekful long olketa strensa. Evriwan hu i duim olketa nogud samting olsem i nating tinghae long mi.?

Matiu 26:56

Nomata olsem, olketa samting ya hemi hapen long distaem, mekem olketa toktok wea olketa profet i raetem kam long Buktambu, hemi kamtru.” Long semtaem nomoa, evri disaepol ya olketa lusim Jisas an olketa ranawe nao.

Diutronomi 28:33

Bae yufala wakahad tumas fo plantem olketa gaden blong yufala, bat olketa man blong narafala kantri bae i kam tekemaot olketa kaikai blong hem. An oltaem nomoa, bae olketa gohed fo barava mekful nogud long yufala.

Diutronomi 28:48

oraet, bae yufala hanggre, an yufala barava dae fo wata, an yufala neket an sot long evrisamting. Hemi olsem bikos yufala bae mas duim waka blong olketa enemi blong yufala wea Yawe nao hemi sendem kam long yufala. Yawe bae hemi mekem yufala barava wakahad tumas go-go yufala evriwan i dae.

Jemes 5:4

!Yufala herem! Oltaem nomoa yufala ravem wejis blong olketa wakaman hu i waka long plantesin blong yufala. Diswan nao hemi barava somaot dat yufala rong. Masta hu hemi garem evri paoa, hemi herem finis komplen blong olketa wakaman blong yufala.

Jajis 4:3

Sif ya hemi garem 900 kaat fo faet wea i garem aean wil. An pipol blong Israel i stap andanit long paoa blong sif ya fo tuenti yia. Long datfala taem, hemi mekem pipol blong Israel barava safa tumas. So olketa krae go long Yawe fo hemi helpem olketa.