Eklesiastes 3:20 - Pijin Bible

²⁰ God hemi mekem tufala evriwan long graon, an hem nao tufala mas gobaek moa long graon.

Pijin Deuterocanon

²⁰ God hemi mekem tufala evriwan long graon, an hem nao tufala mas gobaek moa long graon.

Eklesiastes 3:20 ပူးပေါင်းရင်းမြစ်များ

Jenesis 25:17

Nao Ismael hemi dae, an spirit blong hem hemi go stap wetem spirit blong olketa olo blong hem wea i dae bifoa. An taem hemi dae, hemi kasem 137 yia blong hem.

Jenesis 3:19

Bae yu gohed fo waka had tumas, an yu gohed fo suet, fo mekem graon ya hemi garem kaikai, go-go kasem taem wea bodi blong yu bae hemi gobaek moa long graon ya wea mi bin wakem yu long hem. Mi bin wakem yu long graon ya, an bae yu gobaek moa long hem.”

Stori abaotem Job 14:10

Bat taem man hemi wik an hemi dae, hem nao en blong hem.

Stori abaotem Job 14:14

?Waswe, sapos man hemi dae, bae hemi save laefbaek moa? Sapos hemi save hapen, bae mi weit go-go kasem taem wea trabol blong mi hemi finis.

Stori abaotem Job 17:13

Distaem, wanfala samting wea mi weitem nao, fo dae an olketa berem mi insaet long grev. An long ples ya nao, bae mi leidaon insaet long tudak.

Stori abaotem Job 30:24

Taem man wea laef blong hem hemi bagarap, hemi krae kam long mi, mi no spoelem hem.

Stori abaotem Job 34:15

oraet, yumi evriwan long disfala wol bae i dae, an bae yumi tane gobaek moa long dast.

Stori abaotem Job 7:9

Taem man hemi dae, hemi olsem wanfala klaod wea hemi lus kuiktaem.

Sams 103:14

Hemi save finis wea hemi mekem yumi long graon. An hemi no fogetem wea yumi dast nomoa.

Sams 104:29

Bat taem yu no givim kaikai fo olketa, olketa save hanggre tumas. An taem yu tekemaot win blong olketa, olketa dae nao, an gobaek moa long graon wea yu bin mekem olketa long hem.

Sams 49:14

long sem wei wea evri sipsip bae hemi dae, bae olketa mas go long Grev, an Dae nao hemi lukaftarem olketa. Olketa stretfala pipol bae i hapi, taem bodi blong olketa ya hemi kuiktaem fo roten nomoa insaet long Grev, farawe from hom blong olketa.

Eklesiastes 12:7

Ya, bodi blong yumi bae hemi gobaek moa long graon, an disfala laef blong yumi bae hemi gobaek moa long God hu hemi bin givim hem long yumi.

Eklesiastes 3:21

No eniwan hemi barava save dat spirit blong man hemi goap an spirit blong animol hemi godaon insaet long graon.

Eklesiastes 6:6

An nomata wanfala man hemi laef go-go kasem 2,000 yia, hemi nogud sapos hemi no hapi long olketa samting long laef blong hem. Yu save, long en blong laef, evriwan nomoa i go long sem ples.

Eklesiastes 7:2

Yumi mas tingabaotem wei wea evriwan bae kasem taem fo dae, dastawe hemi moabeta fo yu go long haos wea pipol i krae long man dae, winim yu go long haos wea olketa garem fist long hem.

Eklesiastes 9:10

Yumi mas barava wakahad gudfala long evrisamting wea yumi duim. Taem yumi go long ples blong man dae, bae yumi no waka, o tingting, o garem save, o garem waes.

Daniel 12:2

An plande long olketa pipol hu i dae finis, bae i laefbaek moa. Samfala long olketa bae i hapi long laef ya wea hemi stap olowe, bat samfala long olketa bae i sem fogud an safa fo evritaem olowe nao.

Nambas 27:13

Taem yu lukluk finis long evri ples, bae yu dae olsem wea brata blong yu Haeprist Eron hemi dae bifoa.