Eklesiastes 2:16 - Pijin Bible

¹⁶ Long taem wea waes man an krangge man i dae finis, no eniwan bae hemi tingim tufala moa. Ya, olsem krangge man hemi mas dae, waes man tu bae hemi dae.

Pijin Deuterocanon

¹⁶ Long taem wea waes man an krangge man i dae finis, no eniwan bae hemi tingim tufala moa. Ya, olsem krangge man hemi mas dae, waes man tu bae hemi dae.

Eklesiastes 2:16 ပူးပေါင်းရင်းမြစ်များ

2 Samuel 3:33

King Deved hemi singim wanfala krae singsing fo Abna. Singsing ya hemi olsem: “!Ooo Abna! ?Waswe nao yu dae olsem man nogud?

Sams 103:16

bat long en long de hemi dae an olketa no save lukim moa.

Sams 49:10

Evriwan i save, wea nomata man hemi waes, hemi sem nomoa olsem man wea hemi no save, an man wea hemi krangge. Ya, olketa evriwan i mas dae. Olketa evriwan bae i lusim go nomoa olketa gudfala samting blong olketa, fo olketa narafala pipol.

Sams 88:12

Olketa ya i stap long ples wea hemi tudak an no eniwan save tingim nao. So olketa no save lukim moa olketa gudfala wei blong yu an olketa mirakol blong yu.

Eksodas 1:6

Bihaen, Josef wetem olketa brata blong hem an olketa pikinini blong olketa i stap long Ijip, go-go olketa evriwan i dae finis.

Eksodas 1:8

Oraet, longtaem bihaen, wanfala deferen man hemi kamap king long Ijip, an hemi nating save nomoa long wanem Josef hemi bin duim long Ijip bifoa.

Provebs 14:8

Man tingting stret long wei blong hem, hem nao hemi waes. Man tingting krangge long wei blong hem, hem nao hemi gorong.

Eklesiastes 1:11

Olketa pipol no save tingim olketa olo blong bifoa kam. An olketa pipol wea bae i bon kam bihaen long yumi, olketa tu, no eniwan bae tingim olketa ya.

Eklesiastes 2:14

Man hu hemi waes hemi luksave long rod blong laef wea hemi falom, bat man hu hemi krangge hemi wakabaot nomoa long tudak. Bat mi save dat dae bae kasem tufala evriwan.

Eklesiastes 2:15

So mi lukim dat semsamting wea hemi kasem man hu hemi krangge, bae hemi save kasem mi tu. ?Sapos olsem, watkaen gudfala samting nao bae mi winim long waes blong mi ya? !Nating nao! !Hem tu hemi no fitim tingting blong yumi!

Eklesiastes 6:8

?Watkaen gudfala samting nao hemi mekem laef blong waes man hemi moabeta winim laef blong krangge man? !Nating nao! ?Maet wanfala puaman hemi savegud long stretfala wei fo stap wetem olketa pipol, bat hao nao disfala save blong hem bae hemi helpem hem?

Eklesiastes 7:2

Yumi mas tingabaotem wei wea evriwan bae kasem taem fo dae, dastawe hemi moabeta fo yu go long haos wea pipol i krae long man dae, winim yu go long haos wea olketa garem fist long hem.

Eklesiastes 8:10

Mi lukim wanfala nogud samting olsem, taem ravis man hemi dae, olketa berem hem long gudfala grev. Olketa tekem hem from tambuples fo berem hem, an olketa long taon wea man ya hemi duim olketa ravis samting, olketa preisim hem nomoa olsem hemi wanfala gudfala man. Disfala samting hemi no fitim tingting blong yumi.

Eklesiastes 9:15

Wanfala puaman hemi stap insaet long taon ya an hemi barava waes fogud. Bikos hemi waes fogud, hem nao hemi sevem taon ya, bat no eniwan i luksave nomoa long hem.

Eklesiastes 9:5

Ya, olketa hu i laef yet, olketa save dat bae olketa mas dae. Bat olketa hu i dae finis, olketa nating save long enisamting. Bae olketa no garem eni gudfala samting, an olketa pipol i fogetem olketa finis.

Malakae 3:16

(Profet) So olketa hu i tinghae long Yawe, i tok tugeta. An Yawe hemi herem evrisamting wea olketa talem, an hemi mekem nem blong olketa hu i tinghevi long hem hemi stap long wanfala buk fo rimembarem olketa.

Hibrus 9:27

Evri pipol mas dae wanfala taem nomoa, an bihaen, God bae hemi jajem olketa.