Eklesiastes 12:2 - Pijin Bible

² Long taem ya tu, bae yu lukim dat san, an mun, an olketa sta i nating save saen gudfala nao, an olketa blak klaod blong ren i gohed fo kam nomoa.

Pijin Deuterocanon

² Long taem ya tu, bae yu lukim dat san, an mun, an olketa sta i nating save saen gudfala nao, an olketa blak klaod blong ren i gohed fo kam nomoa.

Eklesiastes 12:2 ပူးပေါင်းရင်းမြစ်များ

Jenesis 27:1

Nao long taem ya Aesak hemi kamap oloman fogud, an ae blong hem hemi kamap fo nogud nao, an hemi no save lukluk moa. Wanfala de hemi kolem fasbon blong hem, Iso, fo hemi kam long hem, an hemi tok olsem long hem, “Pikinini blong mi.” An Iso hemi tok olsem, “Ya, dadi.”

Jenesis 48:10

Long taem ya, Israel hemi olo tumas nao, an ae blong hem hemi kamap nogud tu, an hemi no save lukluk klia. Josef hemi tekem kam tufala boe ya long hem, nao hemi holem tufala, an hemi kisim tufala,

Sams 71:20

Yu bin sendem kam trabol long mi an yu bin mekem mi safa, bat mi save dat bae yu mekem mi fo strongbaek moa, an yu no save letem mi dae.

Sams 77:16

God, long taem yu bin kam, solwata hemi olsem man wea hemi lukim yu an hemi fraet. Ya, dipsi hemi olsem man wea hemi seksek.

Sams 90:10

Laef blong mifala save kasem seventi yia nomoa, o sapos bodi blong mifala hemi strong bae mifala save kasem eiti yia. Nomata olsem, plande trabol an sore nomoa save kasem mifala. Ya, no long taem nomoa mifala dae nao.

Aesaea 13:10

Olketa sta wetem mun, bae i no saen long naet. An nomata san hemi kamap long moning, bat bae hemi no saen nao.

Aesaea 5:30

Long taem ya, bae olketa mekem noes olsem saon blong bikfala wev wea hemi brek long rif long taem blong saekloun. An sapos eniwan hemi kam long kantri ya blong yufala, bae hemi lukim bikfala trabol nomoa. !Ya, bae hemi olsem wea tudak hemi kavaremap finis taem blong delaet!

Joel 3:15

An long de ya tu, bae san an mun an olketa sta bae i no saen nao.

Matiu 24:29

An Jisas hemi sei moa, “Bihaen disfala taem blong bikfala trabol ya nomoa, san bae hemi stat fo dak nao, an mun tu bae hemi no save saen kam. An olketa sta long skae bae olketa foldaon, an evri strongfala samting long skae bae olketa seksek olobaot.

1 Samuel 3:2

An long taem ya tu, Ilae hemi olo, an ae blong hem hemi kamap nogud. Nao long wanfala naet, hemi slip long rum blong hem,

1 Samuel 4:15

Long taem ya, hemi kasem naenti-eit yia blong hem, an hemi blaen finis.

1 Samuel 4:18

Nao taem Ilae hemi herem nius abaotem Tambu Boks ya, hemi foldaon from stul blong hem kolsap long geit blong taon. Baeksaet blong hem hemi banga long graon, an bikos hemi olfala tumas an hemi fat tu, nek blong hem hemi brek, nao hemi dae. Ilae hemi sif long pipol blong Israel fo foti yia.