Eklesiastes 11:8 - Pijin Bible

⁸ Sapos man hemi save laef long plande yia, letem hemi hapi olowe long olketa yia ya. Bat hemi mas tingting tu, plande taem insaet long tudak bae hemi kam. Evrisamting wea bae hemi kamap, hemi no fitim tingting blong yumi.

Pijin Deuterocanon

⁸ Sapos man hemi save laef long plande yia, letem hemi hapi olowe long olketa yia ya. Bat hemi mas tingting tu, plande taem insaet long tudak bae hemi kam. Evrisamting wea bae hemi kamap, hemi no fitim tingting blong yumi.

Eklesiastes 11:8 ပူးပေါင်းရင်းမြစ်များ

Stori abaotem Job 10:21

Kolsap fo mi go nao, an bae mi no save kambaek moa. Bae mi go long ples wea hemi tudak, an wea hemi nating garem eni laet long hem.

Stori abaotem Job 10:22

Tudak nomoa hemi stap long ples ya, an no enisamting hemi stret long hem. Long ples ya, no eni laet nao hemi stap, bikos laet ya hemi olsem tudak nomoa.

Stori abaotem Job 14:10

Bat taem man hemi wik an hemi dae, hem nao en blong hem.

Stori abaotem Job 14:12

taem eniwan hemi dae hemi no save kamap moa. Ya, sapos man hemi dae hemi no save wekap moa go-go kasem taem wea skae hemi finis.

Stori abaotem Job 15:23

Hemi go olobaot fo lukaotem kaikai. An hemi save finis wea trabol i kolsap kasem hem.

Stori abaotem Job 18:18

God bae hemi aotem hem from disfala wol wea hemi laet, an mekem hem go long ples wea hemi tudak.

Sams 49:20

Biknem blong man hemi no save sevem hem from dae. Ya, bae hemi mas dae yet olsem olketa animol. (Singsing blong Asaf.)

Eklesiastes 11:2

Givim olketa samting long plande pipol, bikos yu no save watkaen trabol nao bae hemi kasem disfala wol.

Eklesiastes 2:15

So mi lukim dat semsamting wea hemi kasem man hu hemi krangge, bae hemi save kasem mi tu. ?Sapos olsem, watkaen gudfala samting nao bae mi winim long waes blong mi ya? !Nating nao! !Hem tu hemi no fitim tingting blong yumi!

Eklesiastes 2:17

So mi les long olketa trabol long laef blong man. Evrisamting wea mi bin wakahad long hem, hemi mekem mi filnogud. Laef ya hemi no fitim tingting blong yumi. Mi lukim hemi olsem wea yumi aftarem nomoa win.

Eklesiastes 2:19

Mi no save dat man ya maet hemi waes o maet hemi krangge nomoa. Nomata watkaen man nao, bae hemi yusim evrisamting wea mi bin wakahad fo hem an evrisamting wea mi kasem long waes blong mi. Diswan hemi no fitim tingting blong yumi.

Eklesiastes 2:26

Oltaem God hemi givim waes an save long olketa hu i obeim hem, an hemi mekem olketa i hapi tu. Bat God hemi mekem olketa nogud pipol wakahad tumas fo kasem olketa gudfala samting, an hipimap fo givim go long olketa ya hu i mekem God hapi. Hem tu hemi no fitim tingting blong yumi. Hemi olsem wea olketa aftarem nomoa win.

Eklesiastes 4:16

An nomata hemi rul ovarem staka pipol tumas, bat taem niu king hemi dae, no eniwan nomoa hemi hapi long wanem hemi bin duim. Disfala samting hemi no fitim tingting blong yumi, an hemi olsem wea yumi aftarem nomoa win.

Eklesiastes 4:8

Wanfala man hemi stap seleva, hemi no garem eni brata o eni pikinini, bat hemi gohed nomoa fo wakahad. Hemi nating save res lelebet long waka, bikos hemi no hapi long olketa samting wea hemi garem finis. Hemi no askem hem seleva olsem, “?Hu nao, hadwaka blong mi bae helpem? ?Waswe nao mi no duim olketa samting wea i save mekem mi hapi?” Disfala wei hemi no fitim tingting blong yumi, an hemi mekem man filnogud.

Eklesiastes 6:11

Taem man toktok tumas long raoa, mining blong toktok hemi no fitim tingting blong yumi, an no eni gudfala samting save kamap from disfala toktok.

Eklesiastes 6:6

An nomata wanfala man hemi laef go-go kasem 2,000 yia, hemi nogud sapos hemi no hapi long olketa samting long laef blong hem. Yu save, long en blong laef, evriwan nomoa i go long sem ples.

Eklesiastes 7:14

Taem evrisamting hemi gudfala long laef blong yu, yu mas hapi long hem. Bat taem olketa samting hemi no gudfala, yu mas tingim dat God hemi mekem tufala kaen samting ya fo hapen. Yumi no save wanem nao bae hemi hapen bihaen.

Eklesiastes 8:12

Maet wanfala nogud man hemi duim ravis samting wan handred taem finis, bat hemi gohed laef nomoa fo longtaem. Bat mi save dat wanfala toktok olsem hemi stap, “Sapos yu obeim God, evrisamting bae hemi oraet nomoa, bikos yu tinghae long God.

Eklesiastes 8:15

So, mi save nao dat yumi mas gohed fo hapi, bikos wanfala samting hemi save mekem man fo hapi long laef nao. Hemi olsem, yumi mas kaikai an dring nomoa. Hem nao yumi save hapi long olketa gudfala samting wea yumi wakahad fo hem insaet long laef wea God hemi givim yumi long disfala wol.

Eklesiastes 9:7

So yu save hapi tumas taem yu kaikai gudfala an dringim waen blong yu. Disfala samting hemi stret nomoa long ae blong God. Disfala samting hemi stret nomoa long ae blong God.

Jeremaea 13:16

Yufala mas tinghae long Yawe, hu hemi God blong yufala. Ya, yufala mas mekhae long Yawe bifoa hemi mekem tudak fo kam, wea yufala bangam lek blong yufala taem yufala wakabaot long olketa maonten. Yufala laekem tumas fo laet hemi kam, bat bae hemi mekem tudak fo kam, wea yufala kanduit lukim enisamting.

Joel 2:2

Long De ya bae hemi kamap tudak, olsem bikfala klaod hemi fulumapem skae. An olsem san hemi saen kam long eli moning antap long maonten, bae olketa grashopa i kam olsem wanfala strongfala ami fo kavaremap lan. No enisamting olsem hemi hapen yet bifoa, an no enisamting olsem bae hemi hapen moa enitaem.

Matiu 22:13

Nao king ya hemi sei long olketa wakaman blong hem, ‘!Yufala kam an taemap han an lek blong man ya, an yufala go torowem hem long dak ples aotsaet! Long ples ya bae hemi go-gohed fo krae nomoa an sore bikfala nao.’”

Gudnius abaotem Jisas Kraes wea Jon hemi raetem 12:35

Jisas hemi ansarem olketa olsem, “Fo lelebet taem nomoa, bae laet hemi stap wetem yufala. So yufala mas wakabaot nao taem laet ya hemi stap yet wetem yufala, nogud tudak hemi kam kasem yufala. Eniwan hu hemi wakabaot long tudak hemi no save long ples wea hemi go-go long hem ya.

Diutronomi 32:29

Sapos eniwan long yufala hemi waes, hemi save tingabaotem evrisamting wea hemi hapen finis, an bae hemi save tu wanem bae kamap.

Jiud 1:18

Olketa bin talem yufala olsem, “Long taem wea wol ya bae hemi kolsap finis, bae samfala pipol olketa save mekfan long wei blong Kraes. Bae olketa falom nomoa ravis tingting blong olketa seleva, wea olketa no save obeim God.”