Eklesiastes 11:10 - Pijin Bible

¹⁰ Yufala mas no wari, an yufala mas lusim olketa trabol, bikos laef blong yanga hemi no fitim tingting blong yumi.

Pijin Deuterocanon

¹⁰ Yufala mas no wari, an yufala mas lusim olketa trabol, bikos laef blong yanga hemi no fitim tingting blong yumi.

Eklesiastes 11:10 ပူးပေါင်းရင်းမြစ်များ

Stori abaotem Job 11:12

Man wea hemi no garem save, bae hemi kamap waes long taem wea wael dongki hemi bonem pikinini wea hemi kuaet an fitim vilij.

Stori abaotem Job 13:26

Hemi luk olsem yu raetemdaon olketa nogud samting agensim mi. Ating yu panisim mi long olketa samting mi duim taem mi yangfala yet.

Sams 25:7

Plis yu fogivim mi, an yu tekemaot olketa sin blong mi an olketa ravis wei blong mi taem mi yangfala yet. Lod Yawe, yu gud tumas, an oltaem yu gohed fo lavem olketa pipol, so plis yu tingim mi.

Sams 39:5

Distaem yu bin mekem laef blong mi fo hemi sotfala fogud. Long ae blong yu, taem blong mi fo laef hemi samting nating nomoa. Laef blong man, hemi olsem nomoa wanfala smolfala win, wea hemi blou fo lelebet taem nomoa, an finis nao.

Sams 39:6

Ya, hemi olsem sado nomoa. Evrisamting wea man hemi duim, hemi samting nating nomoa. Hemi gohed fo hipimap olketa gudfala samting, bat hemi no save nomoa hu nao bae hemi tekova long hem.”

Provebs 22:15

Krangge tingting i stap long haat blong pikinini. Panisim hem fo aotem kaen tingting ya.

Eklesiastes 1:14

Mi lukim finis evrisamting wea hemi gohed long disfala wol, bat mi save talem nomoa dat evrisamting ya hemi no fitim tingting blong yumi. Hemi olsem yumi gohed fo aftarem win nomoa.

Eklesiastes 1:2

Disfala Waes Tisa hemi tok olsem, “!Laef blong yumi, hemi no fitim tingting blong yumi! !Ya, evrisamting hemi barava no fitim wanem yumi tingim!”

Eklesiastes 12:1

Taem yu yang yet, yu mas tingim God hu hemi mekem yu. Yu mas tingim hem bifoa taem blong olketa trabol hemi kam kasem yu. Long taem ya, bae yu tok olsem, “Mi nating hapi nao long laef ya.”

2 Korin 7:1

Olketa gudfala fren, hem nao olketa promis wea God hemi givim fo yumi. Dastawe yumi mas mekem yumi seleva fo klin long evrisamting wea hemi save mekem bodi o tingting blong yumi fo no klin. An bikos yumi tinghae tumas long God, yumi mas falom wei wea hemi barava holi.

2 Timoti 2:22

Yu mas ranawe from enikaen nogud wei blong olketa yang pipol bat yu mas joen wetem olketa pipol hu i garem stretfala tingting an save mekhae long Masta. An yufala mas traehad fo falom nomoa wei wea hemi stret an fo holestrong long biliv an fo lavem olketa pipol an frengud wetem evriwan.