Eklesiastes 1:13 - Pijin Bible

¹³ Mi bin yusim save an waes blong mi fo faendemaot wanem pipol i duim long disfala wol. An mi lukim dat disfala laef God hemi givim long yumi, hemi barava hevi tumas.

Pijin Deuterocanon

¹³ Mi bin yusim save an waes blong mi fo faendemaot wanem pipol i duim long disfala wol. An mi lukim dat disfala laef God hemi givim long yumi, hemi barava hevi tumas.

Eklesiastes 1:13 ပူးပေါင်းရင်းမြစ်များ

Jenesis 3:19

Bae yu gohed fo waka had tumas, an yu gohed fo suet, fo mekem graon ya hemi garem kaikai, go-go kasem taem wea bodi blong yu bae hemi gobaek moa long graon ya wea mi bin wakem yu long hem. Mi bin wakem yu long graon ya, an bae yu gobaek moa long hem.”

Stori abaotem Job 28:3

Olketa man i yusim laet taem olketa dig godaon insaet long graon. Olketa gohed fo dig fo lukaotem aean dip insaet long graon wea hemi tudak.

Sams 111:2

Evrisamting wea Yawe hemi duim hemi barava gud tumas, an evriwan hu i hapi tumas long evrisamting ya, olketa laekem tumas fo savegud moa long olketa samting ya.

Provebs 18:1

Man hem tingim seleva nomoa, hemi falom nomoa laek blong hem, an hemi agensim eni gudfala tingting.

Provebs 18:15

Man wetem gudfala tingting, hemi kasem save. Ia blong waes man, hemi laek fo herem save tu.

Provebs 23:26

Pikinini blong mi, yu mas barava lisingud long mi. Falom wei blong mi nomoa.

Provebs 25:2

Yu tinghae long God bikos hemi haedem samting. Yu tinghae long lida bikos hemi faendemaot samting.

Provebs 4:7

Waes hemi nambawan, yu mas garem. Nomata gudfala save hemi dia tumas, yu mas garem tu.

Eklesiastes 1:17

So, mi traehad fo save long wanem hemi waes, an mi traem fo save long wanem hemi krangge. Bat mi lukim hemi olsem wea mi gohed fo aftarem nomoa win.

Eklesiastes 11:5

Yu nating save hao nao pikinini hemi laef insaet long bele blong mami blong hem. Long sem wei tu, yu nating save long waka blong God hu hemi mekem evrisamting.

Eklesiastes 12:12

So, pikinini blong mi, hemi gud yu lukaot gudfala, an no adem go enisamting moa long olketa. Fo kolektem an raetem olketa waes toktok olsem, bae hemi no save finis. An sapos yu gohed fo stadim olketa tumas, bae hemi mekem yu barava taet nomoa.

Eklesiastes 2:23

Evride, yumi wari an filnogud tumas long waka. Diswan hemi mekem yumi no save slip long naet. Diskaen laef hemi no fitim tingting blong yumi tu.

Eklesiastes 2:26

Oltaem God hemi givim waes an save long olketa hu i obeim hem, an hemi mekem olketa i hapi tu. Bat God hemi mekem olketa nogud pipol wakahad tumas fo kasem olketa gudfala samting, an hipimap fo givim go long olketa ya hu i mekem God hapi. Hem tu hemi no fitim tingting blong yumi. Hemi olsem wea olketa aftarem nomoa win.

Eklesiastes 3:10

Mi lukim finis olketa samting wea God hemi givim long pipol fo waka long hem.

Eklesiastes 3:11

Ya, God nao hemi makem barava nambawan taem fo evrisamting i hapen. An hemi mekem yumi tingabaotem olketa samting wea i barava aotsaet long taem. Nomata olsem, yumi no save minim evrisamting wea hemi duim.

Eklesiastes 4:4

An mi lukim tu dat evri hadwaka, an evri gudfala samting wea yumi duim, hemi bikos yumi joles long olketa narafala pipol. Bat disfala samting tu hemi no fitim tingting blong yumi, an hemi olsem wea yumi aftarem nomoa win.

Eklesiastes 4:8

Wanfala man hemi stap seleva, hemi no garem eni brata o eni pikinini, bat hemi gohed nomoa fo wakahad. Hemi nating save res lelebet long waka, bikos hemi no hapi long olketa samting wea hemi garem finis. Hemi no askem hem seleva olsem, “?Hu nao, hadwaka blong mi bae helpem? ?Waswe nao mi no duim olketa samting wea i save mekem mi hapi?” Disfala wei hemi no fitim tingting blong yumi, an hemi mekem man filnogud.

Eklesiastes 7:25

So, mi mekem tingting blong mi hemi traehad fo kasem save, an fo lukaotem wei fo kamap waes, an fo minim wei blong evrisamting. An mi barava traehad tu fo save hao nao ravis wei hemi krangge nomoa, an hao nao olketa krangge wei i barava krangge tumas.

Eklesiastes 8:9

Mi lukim olketa samting ya taem mi tingting gudfala long evrisamting wea hemi gohed long disfala wol. Samfala taem pipol i bosim olketa narafala pipol, so olketa safa.

1 Timoti 4:15

Yu mas gohed nomoa fo duim olketa waka ya, an yu mas traehad fo duim olketa samting ya gudfala, mekem evri pipol i save lukim dat waka blong yu i gohed fo kamap gudfala moa.