Diutronomi 7:15 - Pijin Bible

¹⁵ An Yawe bae hemi stopem enikaen sik fo no kasem yufala. Bae hemi no save letem eniwan long olketa ravis sik blong Ijip wea yufala lukim finis fo kam kasem yufala moa. Bat bae hemi mekem olketa enemi blong yufala fo garem olketa sik ya.

Pijin Deuterocanon

¹⁵ An Yawe bae hemi stopem enikaen sik fo no kasem yufala. Bae hemi no save letem eniwan long olketa ravis sik blong Ijip wea yufala lukim finis fo kam kasem yufala moa. Bat bae hemi mekem olketa enemi blong yufala fo garem olketa sik ya.

Diutronomi 7:15 ပူးပေါင်းရင်းမြစ်များ

Sams 91:10

So bae no eni nogud samting save kam fo spoelem yu, an no eni ravis sik save kam kolsap long ples blong yu.

Eksodas 15:26

Hemi tok olsem, “Sapos yufala barava obeim mi, Yawe God blong yufala, an sapos yufala duim wanem nao hemi stret long ae blong mi, an sapos yufala lisin long olketa rul blong mi, an sapos yufala falom olketa lo blong mi, bae mi nating sendem long yufala olketa sik wea mi bin sendem kam long olketa blong Ijip. Mi nao Yawe hu mi hilim yufala.”

Eksodas 23:25

Yufala mas wosipim nomoa mi Yawe, God blong yufala. Sapos olsem, bae mi blesim yufala long plande kaikai an plande wata, an bae mi tekemaot evri sik blong yufala tu.

Eksodas 9:11

Olketa kleva man blong king i no save kam lukim Mosis an Eron nao, bikos bodi blong olketa tu hemi fulap long boela, olsem olketa narafala pipol blong Ijip.

Diutronomi 28:27

Yawe bae hemi mekem yufala fo sik long olketa boela olsem pipol blong Ijip i garem bifoa kam. Bae hemi mekem olketa bodi blong yufala i garem plande soa wea i fulap long nana. An bae bodi blong yufala i gohed fo skras olobaot, bat no eni meresin hemi stap fo mekem yufala kamap gud moa.

Diutronomi 28:60

Olketa ravis sik wea yufala lukim bifoa long Ijip, an wea yufala fraet tumas long olketa, bae hemi mekem olketa sik ya i kasem yufala moa, an bae olketa no save finis.

Diutronomi 30:7

“Nao Yawe bae hemi mekem olketa trabol ya fo kasem olketa enemi blong yufala hu i heitem an spoelem yufala.