Diutronomi 6:4 - Pijin Bible

⁴ “!Israel, yufala herem! Yawe nomoa hemi God blong yumi.

Pijin Deuterocanon

⁴ “!Israel, yufala herem! Yawe nomoa hemi God blong yumi.

Diutronomi 6:4 ပူးပေါင်းရင်းမြစ်များ

1 Kings 18:21

Den Profet Elaeja hemi go kolsap long olketa, hemi tok olsem, “?Hao long nao bae yufala gohed fo garem tufala deferen tingting? Sapos Yawe nao hemi God, oraet, yufala mas obeim hem. Bat sapos Baal nao hemi God, oraet, yufala obeim hem.” Bat olketa ya no talem enisamting.

2 Kings 19:5

Bihaen long taem wea olketa talem Aesaea abaotem mesij blong King Hesekaea,

1 Kronikols 29:10

Den long frant long evriwan long miting, King Deved hemi preisim Yawe. Hemi prea olsem, “Mi preisim yu Yawe, God blong Israel hu hemi olo blong mifala. Bae mifala i gohed fo preisim yu olowe.

2 Kronikols 17:9

Olketa tekem Buk blong Lo blong Yawe, an olketa go long evri taon long Jiuda fo tisim olketa pipol long hem.

Nehemaea 9:6

Yu nomoa yu Yawe. Yu nomoa mekem heven wetem evrisamting long hem, an wol wetem evrisamting long hem, an si wetem evrisamting long hem. Yu nomoa givim laef long olketa evriwan. An olketa long heven i gohed fo mekem wosip long yu.

Sams 78:5

Yawe hemi givim finis olketa lo wetem olketa strongfala toktok blong hem long olketa pipol bifoa long laen blong olo blong yumi Jekob. An hemi talem long olketa fo tisim olketa pikinini blong olketa long olketa lo ya.

Sams 86:10

Yu nomoa yu God. Ya, yu garem evri paoa, an yu save duim evri bikfala samting.

Aesaea 42:8

“!Mi nao Yawe, an hem nao nem blong mi! An mi no save letem eni narafala god moa fo garem biknem olsem mi. Ya, bae mi nating letem olketa pipol fo preisim eni kaving god.

Aesaea 44:6

Yawe hu hemi garem evri paoa nao, hemi King blong Israel an hemi mekem yufala fri. Hemi tok olsem, “Mi nomoa mi God. An mi nao mi faswan bifoa evrisamting, an bae mi laswan tu bihaenem evrisamting ya. Ya, no eni narafala god moa hemi stap.

Aesaea 44:8

!Olketa pipol blong mi! !Yufala no fraet! Yufala save finis wea stat kam bifoa, mi bin talemaot finis olketa samting wea bae hemi hapen. Yufala nao olketa witnes blong mi fo talemaot dat olketa toktok ya blong mi hemi tru. ?Waswe, yufala tingse eni narafala god moa hemi stap, wea hemi strong olsem mi hu mi Rok blong yufala? !Nomoa nao! !Ya, no eni narafala god moa hemi stap!”

Sekaraea 14:9

Bae Yawe hemi kamap King long disfala wol. Long datfala de, Yawe nomoa hemi God, an bae pipol i kolem hem long wanfala nem nomoa.

Matiu 22:37

Nao Jisas hemi sei long disfala man, “‘Yu mas lavem God Masta blong yu, long evrisamting long maen blong yufala, an long evri tingting blong yufala, an long evri strong blong yufala.’

Gudnius abaotem Jisas Kraes wea Luk hemi raetem 10:27

Nao man ya hemi sei, “Yu mas lavem God Masta blong yu, long evrisamting long maen blong yufala, an long evri tingting blong yufala, an long evri strong blong yufala, an long evri save blong yu. An yu mas lavem tu olketa wantok blong yu long sem wei yu lavem yu seleva.”

Gudnius abaotem Jisas Kraes wea Jon hemi raetem 10:30

Mitufala Dadi blong mi, mitufala wanfala nomoa.”

Gudnius abaotem Jisas Kraes wea Jon hemi raetem 17:3

An disfala tru laef wea hemi no save finis ya, hemi minim wea olketa pipol mas save long yu wea yu wanfala tru God nomoa, an wea olketa mas save tu long mi Jisas Kraes wea yu sendem mi kam.

Leta wea Pol hemi raetem go long sios long Rom 3:30

bikos wanfala God nomoa hemi stap. An evriwan hu i biliv, nomata olketa Jiu o olketa no Jiu, bae hemi mekem olketa evriwan fo stret long ae blong hem.

Efesas 4:6

Wanfala God nomoa hemi stap wea hemi Dadi blong evri pipol, an hemi hae winim evriwan, an hemi waka long evriwan, an hemi stap wetem evriwan.

Diutronomi 4:39

So yufala mas save an tingting gudfala distaem, Yawe nomoa hemi God antap long heven an long daon long wol. No eni narafala god moa hemi stap.

Diutronomi 5:6

‘Mi nao Yawe, God blong yufala. An mi nao mi tekem yufala fo kamaot from Ijip wea yufala bin waka olsem slev.

1 Timoti 2:5

Wanfala God nomoa hemi stap ya, an wanfala man nomoa hemi stap hu hemi lidim olketa pipol go long God, an disfala man ya nao hemi Jisas Kraes.

Jemes 2:19

Mi save, yufala biliv dat wanfala God nomoa hemi stap, an diswan hemi gud ya. Bat olketa devol tu olketa bilivim semsamting, an dastawe nao olketa fraet an seksek.