Diutronomi 5:24 - Pijin Bible

²⁴ Olketa tok olsem, ‘Yawe, God blong yumi, tude, hemi somaot saen blong paoa blong hem, an wei wea hemi barava hae fogud. Hemi stap long faea ya, hemi toktok kam an yumi herem hem. Tude nomoa, mifala jes save dat mifala pipol save herem toktok blong God an mifala no dae long hem.

Pijin Deuterocanon

²⁴ Olketa tok olsem, ‘Yawe, God blong yumi, tude, hemi somaot saen blong paoa blong hem, an wei wea hemi barava hae fogud. Hemi stap long faea ya, hemi toktok kam an yumi herem hem. Tude nomoa, mifala jes save dat mifala pipol save herem toktok blong God an mifala no dae long hem.

Diutronomi 5:24 ပူးပေါင်းရင်းမြစ်များ

Jenesis 32:30

So Jekob hemi tok olsem, “!Maewat! !Mi barava lukim fes blong God nao long ae blong mi, bat mi laef yet!” Nao hemi kolem ples ya “Peniel” o “Fes blong God”.

Jenesis 32:31

Nao taem hemi lusim Peniel, san hemi kamap finis, an hemi gohed fo wakabaot nogud from lek blong hem ya.

Eksodas 19:19

Saon blong trampet ya hemi kamap bikfala moa. An evritaem Mosis hemi toktok, God hemi ansarem hem long bikfala tanda wea hemi bosta.

Eksodas 20:22

Yawe hemi tok olsem long Mosis, “Yu talem disfala toktok blong mi go long olketa pipol blong Israel: Yufala seleva luksave finis dat mi toktok kam long yufala from heven. Mi talem yufala olsem:

Eksodas 33:20

Bat mi no save letem yu fo lukim fes blong mi, bikos sapos eniwan hemi lukim fes blong mi, hemi mas dae.

Nambas 14:14

Ating bae olketa mas talemaot nius long olketa pipol wea i stap long Kenan. Olketa long Kenan i herem finis wea yu stap wetem mifala, an hemi klia wea yu somaot disfala samting long ae blong olketa pipol, bikos klaod blong yu hemi stap antap long mifala. Olketa herem tu wea long de, yu go fastaem long mifala insaet long bikfala klaod, an long naet yu lidim mifala long bikfala faea.

Diutronomi 32:3

!Bae mi preisim nem blong Yawe! !Yumi evriwan mas preisim hem bikos hemi hae fogud!

Diutronomi 4:33

?Waswe, eni narafala pipol bin herem toktok blong god wea hemi kamaot long faea olsem yufala bin herem, an olketa no dae long hem ya?

Diutronomi 5:23

Mosis hemi gohed fo tok olsem, “Taem bikfala faea hemi bone long maonten ya, yufala herem toktok wea hemi kamaot long ples hemi tudak. Den olketa lida blong yufala an olketa bikman blong olketa traeb i kam lukim mi.

Diutronomi 5:25

Bat, mifala no laek fo dae long bikfala faea ya. Ating sapos mifala herem voes blong Yawe, God blong yumi, narafala taem moa bae mifala dae nao.

Jajis 13:22

Manoa hemi fraet tumas an tok olsem long waef blong hem, “!Man! !Yumitufala lukim God, bae yumitufala dae nao ya!”