Diutronomi 33:2 - Pijin Bible

² “Yawe hemi aot long maonten long Saenae, hemi kam long yufala. Hemi kam long yufala olsem san wea hemi kamap narasaet long eria blong Idom. An laet blong hem hemi saenaot from maonten long Paran an hemi kam kasem yufala. Hemi garem 10,000 enjel wea i kam wetem hem, an hemi holem bikfala faea long raet han blong hem.

Pijin Deuterocanon

² “Yawe hemi aot long maonten long Saenae, hemi kam long yufala. Hemi kam long yufala olsem san wea hemi kamap narasaet long eria blong Idom. An laet blong hem hemi saenaot from maonten long Paran an hemi kam kasem yufala. Hemi garem 10,000 enjel wea i kam wetem hem, an hemi holem bikfala faea long raet han blong hem.

Diutronomi 33:2 ပူးပေါင်းရင်းမြစ်များ

1 Kings 11:18

Olketa ya i goaot from Midian fo go long Paran, an samfala blong Paran i joenem olketa tu. Den olketa go long Ijip fo go lukim king blong Ijip. King ya hemi givim samfala graon an wanfala haos long Hadad, an hemi gohed fo givim kaikai long hem tu.

Sams 50:2

Disfala maonten long Saeon, hemi barava lukgud tumas, an bikfala laet blong God, hemi saenaot kam from ples ya.

Sams 68:17

Yawe hemi kam from Saenae wetem plande taosen kaat fo faet, nao hemi go insaet long Tambuhaos blong hem.

Sams 68:18

Taem hemi goap antap long Saeon, hemi tekem go plande pipol wea hemi winim olketa long faet. Nomata pipol wea i agensim hem, olketa tu i givim presen long hem. Yawe hu hemi God, bae hemi stap long ples ya olowe nao.

Eksodas 23:20

Yawe hemi gohed fo tok olsem, “Bae mi sendem wanfala enjel fo go fastaem long yufala fo lukaftarem yufala taem yufala go. An bae hemi lidim yufala fo go long lan wea mi bin redim finis fo yufala.

Daniel 4:13

“Taem mi gohed fo tingting abaotem olketa samting insaet long drim ya, mi lukim dat wanfala enjel fo gad hemi kamdaon from heven.

Habakuk 3:3

Holi God hemi kam from Idom, an from olketa hil long Paran. Saen long bikfala paoa blong hem hemi kavarem skae. An evri pipol long disfala wol i gohed fo mekhae long hem.

Nambas 10:12

So olketa pipol blong Israel i muvaot from bikfala drae eria long Saenae. Bihaen, klaod ya hemi kamdaon moa long drae eria long Paran.

Aposol 7:53

!God hemi yusim olketa enjel fo givim disfala Lo long yufala nao ya, bat yufala nao nating obeim nomoa!”

2 Korin 3:7

Waka blong Lo wea olketa raetemdaon long tufala ston, hemi mekem pipol fo dae. An disfala Lo hemi kam wetem saen blong bikfala paoa blong God, wea hemi saen kam long fes blong Mosis. An nomata disfala saen long fes blong hem hemi go-go fo lus, olketa pipol olketa no save luk go long fes blong hem.

2 Korin 3:9

Olfala spesol agrimen hemi bin garem saen blong bikfala paoa blong God, nomata Lo ya hemi save jajem pipol fo dae. !So disfala niufala spesol agrimen wea hemi mekem pipol fo stret, hemi garem saen blong bikfala paoa blong God wea hemi nambawan tumas winim faswan!

Galesia 3:10

Evriwan hu i holestrong fo falom Lo, bae God hemi jajem olketa, olsem Buktambu hemi sei, “Trabol bae kasem eniwan hu hemi no gohed fo duim evrisamting wea olketa raetem finis insaet long Buk blong Lo.”

Galesia 3:19

?So waswe nao Lo hemi stap? God hemi adem go Lo ya, mekem olketa rong samting save kamaot klia moa. God hemi minim fo Lo hemi gohed stap nomoa kasem taem wea bae disfala pikinini ya hemi kam, wea God hemi bin givim promis long hem. Olketa enjel nao i givim kam disfala Lo ya long Mosis hu hemi talemaot long olketa pipol.

Galesia 4:24

Olketa samting ya yumi save lukim olsem tokpiksa, wea tufala woman ya tufala somaot tufala kaen spesol agrimen. Wanfala spesol agrimen hemi stat kam long maonten long Saenae, an diswan nao hemi Haga hu hemi bonem kam olketa pikinini fo stap slev nomoa.

Diutronomi 5:22

Nao Mosis hemi tok moa olsem, “Hem nao olketa toktok wea Yawe hemi talem long yumi, long taem wea yumi kam tugeta long maonten ya. Hemi tokaot strong long yumi from datfala faea an datfala klaod wea hemi tudak. Olketa lo ya nomoa hemi talem, an hemi no garem eni narafala. Den hemi katem olketa long tufala flat ston, an hemi givim tufala ston ya long mi.”

2 Tesalonaeka 1:7

An fo yufala wea yufala barava safa tumas an fo mifala tu, bae God hemi finisim trabol blong yumi evriwan. Diswan bae hemi hapen long taem wea Jisas Masta blong yumi, bae hemi kamdaon from heven wetem olketa enjel blong hem hu i garem strongfala paoa.

Hibrus 12:20

Bikos olketa no laekem disfala strongfala toktok wea hemi tok olsem, “Sapos eniwan hemi tasim disfala maonten ya, nomata wanfala animol nomoa, yufala mas sutim hem dae long ston.”

Hibrus 2:2

Nao disfala nius abaotem Lo wea olketa enjel i kam an talemaot bifoa, hemi tru. An evriwan hu i brekem an no falom Lo ya, God hemi panisim olketa long wei wea hemi fitim nogud wei blong olketa.

Jiud 1:14

Inok hemi mekseven man hu hemi bon kam long laen blong Adam, an hemi talemaot tru toktok abaotem olketa tu ya. Hemi sei, “Yufala lukim, Masta bae hemi kam wetem plande taosen long olketa holi enjel blong hem ya.

Revelesin 5:11

Nao taem mi luk go moa, mi herem singsing blong plande milion enjel an blong plande moa wea hemi had fo kaontem olketa. Olketa stanap raonem tron wetem fofala animol an olketa bikman ya.