Diutronomi 33:12 - Pijin Bible

¹² Traeb blong Benjamin, Yawe hemi barava lavem yufala. Yufala save stap kuaet wetem hem. Hemi stap wetem yufala long olketa hil blong yufala, an hemi gadem yufala olowe.

Pijin Deuterocanon

¹² Traeb blong Benjamin, Yawe hemi barava lavem yufala. Yufala save stap kuaet wetem hem. Hemi stap wetem yufala long olketa hil blong yufala, an hemi gadem yufala olowe.

Diutronomi 33:12 ပူးပေါင်းရင်းမြစ်များ

2 Samuel 12:24

Nao King Deved hemi toktok fo strongim tingting blong waef blong hem Batseba. Den Deved hemi go slip tugeta wetem hem. Woman ya hemi babule, an hemi bonem wanfala boe wea hemi kolem hem Solomon. Oraet, Yawe hemi lavem pikinini ya,

2 Samuel 12:25

so hemi talem Profet Natan fo hemi givim nem long hem Jedidaea.

1 Kings 12:21

Taem King Rehoboam hemi kasem Jerusalem, hemi kolem 180,000 soldia blong hem, mekem olketa go fo faetem olketa traeb blong Israel long not, mekem olketa kamap pipol blong hem moa. Evri soldia ya, i blong traeb blong Jiuda an blong traeb blong Benjamin.

2 Kronikols 11:1

Taem King Rehoboam hemi kasem Jerusalem, hemi kolem 180,000 soldia blong hem, mekem olketa go fo faetem olketa traeb blong Israel long not, mekem olketa kamap pipol blong hem moa. Evri soldia ya, i blong traeb blong Jiuda an blong traeb blong Benjamin.

Sams 132:14

Hemi tok olsem, “Hem nao ples wea bae mi stap olowe long hem. Ples ya bae hemi hom blong mi nao, bikos mi laekem tumas.

Sams 60:5

Yu lavem mifala tumas, so plis sevem mifala wetem bikfala paoa blong yu, an ansarem kam prea blong mifala, mekem mifala stap gudfala.

Sams 91:4

Bae hemi lukaftarem yu gudfala olsem wea mami kokorako hemi kavaremap gudfala olketa pikinini blong hem andanit long wing blong hem. An bae hemi kipim promis blong hem fo lukaftarem yu an gadem yu.

Eksodas 28:12

Nao yu mas putum tufala ston ya long tufala solda strap blong efod ya, mekem hemi somaot olketa tuelfala traeb blong Israel. Long disfala wei, taem Eron hemi kam frant long mi, Yawe, bae hemi gohed fo karim olketa nem blong olketa traeb blong yufala long solda blong hem, an bae mi tingim yufala olowe.

Aesaea 37:22

an hem ya mesij wea mi talem finis agensim hem: !King Senakerib! Olketa pipol blong Jerusalem bae i laf long yu taem yu ranawe. Ya, bae olketa mekfan long yu.

Aesaea 37:35

Bikos olketa tokspoelem mi finis, an bikos mi bin mekem promis long King Deved, hu hemi wakaman blong mi bifoa, bae mi gadem disfala taon. !Ya, bae mi sevem Jerusalem!” “Hem nao mesij blong Yawe.”

Aesaea 51:16

Mi nao mi putum skae long barava ples blong hem, an mi nao mi mekem faondesin blong wol ya. An mi tok olsem long olketa pipol blong Jerusalem, ‘!Yufala nao pipol blong mi!’ Mi nao bin tisim yufala, an mi gadem yufala long han blong mi.”

Jeremaea 12:7

Yawe hemi gohed fo tok olsem, “Bae mi lusim pipol blong mi. Ya, bae mi les long olketa hu mi bin siusimaot fo kamap spesol pipol blong mi. Bae mi putum olketa hu mi lavem tumas go long han blong olketa enemi.

Nambas 34:21

“An long traeb blong Benjamin, Elidad san blong Kislon.

Matiu 23:37

Nao Jisas hemi tok moa olsem, “!Jerusalem, Jerusalem! Yu nao yu kilim dae olketa profet, an yu sutim dae olketa niusman blong God long ston. Plande taem mi laekem yufala fo kam long mi, mekem mi lukaftarem yufala, olsem taem kokorako hemi haedem olketa smolfala pikinini blong hem andanit long wing blong hem. Bat yufala nating wiling nomoa.

Diutronomi 12:10

Bae yufala go akros long Jodan Riva, an barava stap olowe long disfala lan wea Yawe hemi givim long yufala fo onam. An bae hemi mekem yufala fo stap kuaet an no wari long olketa enemi blong yufala.

Diutronomi 32:11

Hemi mekem yufala sef olsem wanfala igol wea hemi tisim pikinini blong hem fo flae. Hemi no letem pikinini i foldaon, hemi flae andanit long hem, hemi liftimap moa.

Diutronomi 33:11

Lod Yawe, plis yu blesim olketa long traeb blong Livae, an yu barava hapi long waka blong olketa. Plis yu spoelem olketa enemi blong olketa, an mekem olketa no save kam faetem olketa moa.

Diutronomi 4:37

Nao bikos hemi lavem tumas olketa olo blong yufala bifoa, hemi siusimaot yufala fo kamap pipol blong hem. So long bikfala paoa blong hem, hem nao hemi tekemaot yufala long Ijip.

Jajis 1:21

Bat traeb blong Benjamin hemi no ronemaot laen blong Jebus wea hemi stap long Jerusalem, dastawe olketa letem laen blong Jebus fo stap olowe nomoa wetem olketa long ples ya.

1 Samuel 10:20

Samuel hemi mekem olketa tuelfala traeb fo kam kolsap. Den Yawe hemi siusimaot traeb blong Benjamin.