Diutronomi 31:14 - Pijin Bible

¹⁴ Yawe hemi tok olsem long Mosis, “Distaem, taem blong yu fo dae hemi kolsap nao. Kolem kam Josua, an tekem hem kam long Tambu Haostent blong mi. Den bae mi mekem hem fo kamap lida blong Israel.” So Mosis an Josua tufala go long Tambu Haostent.

Pijin Deuterocanon

¹⁴ Yawe hemi tok olsem long Mosis, “Distaem, taem blong yu fo dae hemi kolsap nao. Kolem kam Josua, an tekem hem kam long Tambu Haostent blong mi. Den bae mi mekem hem fo kamap lida blong Israel.” So Mosis an Josua tufala go long Tambu Haostent.

Diutronomi 31:14 ပူးပေါင်းရင်းမြစ်များ

Jenesis 47:29

An taem hemi save dat hemi kolsap taem blong hem fo dae, hemi kolem pikinini blong hem ya Josef fo kam an lukim hem. Nao hemi tok olsem long hem, “Yu kam. Sapos yu barava lavem mi, yu putum kam han blong yu andanit long lek blong mi, an yu mekem promis long mi, sei bae yu no berem mi long hia long Ijip.

1 Kings 2:1

Taem Deved hemi kolsap dae, hemi talem las toktok blong hem long san blong hem, Solomon. Hemi tok olsem,

2 Kings 1:4

From samting ya nao, Yawe hemi tok olsem long king, ‘Bikos yu duim samting ya, bae yu no save goaot from bed blong yu, an bae yu dae.’ ” An Elaeja hemi go duim wanem Yawe hemi talem hem.

2 Kings 20:1

No longtaem bifoa ami blong Asiria hemi kam fo faetem Jiuda, King Hesekaea hemi sik tumas, go-go hemi kolsap dae. Nao Profet Aesaea, san blong Amoj, hemi go an sei long hem, “Yawe nao hemi tok olsem: Hemi gud fo yu stretem evri bisnis blong yu, bikos bae yu dae nao ya. Bae yu no save kamap gud moa.”

Stori abaotem Job 1:6

Wanfala de, taem olketa long heven i kam stanap frant long Yawe, Seitan tu hemi stap long ples ya wetem olketa.

Stori abaotem Job 2:1

Wanfala de moa, taem olketa long heven i kam stanap frant long Yawe, Seitan tu hemi kam wetem olketa.

Eksodas 33:11

Long datfala taem, Yawe hemi gohed fo tok wetem Mosis olsem wea wanfala man hemi save tok nomoa wetem fren blong hem. Evritaem tufala toktok finis, Mosis hemi kambaek moa long ples blong olketa. Bat Josua, san blong Nun, disfala yangman hu hemi gohed fo helpem Mosis, hemi stap kam olowe nomoa insaet long smolfala haostent ya.

Eksodas 33:9

Taem hemi go insaet, wanfala bikfala klaod hemi save kamdaon an stap long doa blong smolfala haostent ya. An Yawe hemi save tok kam long Mosis from insaet long klaod ya.

Eksodas 34:2

Yu mas redi tumoro long moning, fo kamap fo mitim mi antap maonten long Saenae.

Eklesiastes 9:5

Ya, olketa hu i laef yet, olketa save dat bae olketa mas dae. Bat olketa hu i dae finis, olketa nating save long enisamting. Bae olketa no garem eni gudfala samting, an olketa pipol i fogetem olketa finis.

Aesaea 38:1

No longtaem bifoa ami blong Asiria hemi kam fo faetem Jiuda, King Hesekaea hemi sik tumas, go-go hemi kolsap dae. Nao Profet Aesaea, san blong Amoj, hemi go an tok olsem long hem, “Yawe nao hemi tok olsem: Hemi gud fo yu stretem evri bisnis blong yu, bikos bae yu dae nao ya. Bae yu no save kamap gud moa.”

Nambas 27:12

Yawe hemi tok olsem long Mosis, “Yu go antap long bikfala maonten long Abarim, an yu lukluk go long evri ples long lan wea bae mi givim go long yufala.

Nambas 27:13

Taem yu lukluk finis long evri ples, bae yu dae olsem wea brata blong yu Haeprist Eron hemi dae bifoa.

Nambas 27:18

Nao Yawe hemi tok olsem long hem, “Josua, san blong Nun, hem nao man wea paoa blong Spirit blong mi hemi stap wetem hem. Bae yu tekem hem kam fo stanap long ae blong Haeprist Eleasa an olketa pipol, an yu putum han blong yu antap long hed blong hem, an yu prea fo hem. An long ae blong evriwan, bae yu talemaot olsem wea hem nao bae hemi sensim yu.

Leta wea Pol hemi raetem go long sios long Rom 12:1

Olketa Kristin fren, bikos God hemi sore an kaen tumas long yumi, mi tokstrong long yufala. Yufala mas givim laef blong yufala olsem sakrifaes long God. Hemi wanfala sakrifaes wea hemi laef yet an hemi holi, mekem God hemi save hapi long hem. Diswan nao hemi barava wei fo yufala wosipim God.

Diutronomi 31:13

Long wei olsem, olketa hu i no bon yet long pipol blong Israel, an hu i no save long disfala lo, olketa tu save herem an lanem wei fo tinghae long Yawe tu. Olketa mas herem olowe long lan long narasaet Jodan Riva wea bae yufala go fo tekova long hem.”

Diutronomi 31:2

Hemi tok olsem, “Distaem mi olo tumas, mi kasem 120 yia finis. Mi no save lidim yufala moa. An Yawe, God blong yufala, hemi talem mi dat bae mi no save go akros long Jodan Riva.

Diutronomi 31:23

Nao Yawe hemi tok olsem long Josua, “Tingting blong yu mas strong, an yu mas stanap strong olowe. Yu nao bae yu lidim pipol blong Israel go long lan wea mi promis finis fo givim long yufala. An mi nao bae mi stap wetem yu.”

Diutronomi 32:50

Bae yu dae long datfala maonten, barava olsem wea brata blong yu Eron hemi dae long maonten long Hoa.

Diutronomi 34:5

Oraet, Mosis, wakaman blong Yawe, hemi dae long datfala ples long Moab, barava olsem wea Yawe hemi talem.

Diutronomi 4:22

Mi no save go akros long riva ya, bae mi mas dae long disfala ples nomoa. Bat yufala, bae yufala save go akros long riva fo tekova long datfala gudfala lan.

Josua 23:14

“Taem blong mi fo dae hemi kam kolsap nao. An yufala evriwan i savegud nomoa dat Yawe nao hemi givim olketa gudfala samting long yumi, olsem wea hemi bin promisim bifoa. Hemi bin kipim evri promis blong hem wea hemi bin mekem an hemi duim evrisamting wea hemi bin promisim.

Josua 24:1

Josua hemi talem evri traeb blong Israel fo hipap kam long taon long Sekem. Taem olketa kasem ples ya, hemi kolem olketa bikman blong olketa, an olketa lida, an olketa sif, an olketa komanda fo kam an stanap frant long Tambu Haostent blong God.

Jiud 1:24

!Yumi preisim God! Hem nomoa save mekem yumi fo no foldaon long sin. Hem nomoa save mekem yumi kam insaet long laet long bikfala paoa blong hem. Hem nomoa save mekem yumi fo no garem enisamting rong long laef blong yumi. Hem nomoa save mekem yumi barava hapi.

1 Samuel 10:19

Mi nao God blong yufala wea mi bin sevem yufala from olketa trabol an hadtaem blong yufala bifoa. Bat tude, yufala les long mi, an yufala laekem tumas wanfala king. Oraet, yufala mas divaed long olketa traeb an laen blong yufala, nao yufala kam long mi, mekem mi siusim king blong yufala.”

1 Samuel 26:10

Mi talem stret long yu, olsem Yawe hemi laef, hem nao bae hemi mekem king ya fo dae. Maet hemi kamap olo nao hemi dae, o maet hemi dae long faet, bat dae blong hem Yawe nomoa hemi save mekem.