Diutronomi 3:17 - Pijin Bible

¹⁷ An ist saet blong vali long Jodan Riva tu, mi givim go long olketa. An baondri blong lan blong olketa long west hemi long Jodan Riva, stat long Leik Galili long not go kasem Ded Si long saot wea hemi long botom blong maonten long Pisga.

Pijin Deuterocanon

¹⁷ An ist saet blong vali long Jodan Riva tu, mi givim go long olketa. An baondri blong lan blong olketa long west hemi long Jodan Riva, stat long Leik Galili long not go kasem Ded Si long saot wea hemi long botom blong maonten long Pisga.

Diutronomi 3:17 ပူးပေါင်းရင်းမြစ်များ

Jenesis 13:10

Nao Lot hemi luklukraon, an hemi lukim bikfala vali ya long Jodan Riva, an hemi garem plande gudfala wata, olowe go-go kasem taon ya wea olketa kolem Soa long saot. Hemi lukim dat ples ya hemi olsem gudfala ples ya wea Yawe hemi bin wakem fastaem long Iden, an hemi olsem gudfala graon ya long Ijip tu. Long taem ya, Yawe hemi no bin spoelem yet tufala taon ya long Sodom an Gomora.

Jenesis 14:3

Nao olketa faefala king ya i tekem olketa soldia blong olketa, an kam tugeta long Sidim vali. Distaem, Ded Si nao hemi draonem ples ya finis.

2 Kings 14:25

Disfala mektu Jeroboam, hemi tekembaek olketa lan blong Israel stat long Lebo-Hamat long not, go kasem Ded Si long saot. Hemi duim falom Mesij blong Yawe, God blong Israel. Wakaman blong Yawe nao, Jona san blong Amitae, hu hemi profet blong Gat-Hefa, hemi bin talemaot disfala toktok blong Yawe.

Esikiel 47:8

Hemi tok moa olsem long mi, “Wata ya hemi ran gotru long kantri ya long ist, an hemi godaon long flat ples ya long Jodan Riva, an hemi godaon kasem Ded Si. An taem hemi ran go long Ded Si, bae hemi mekem Ded Si ya fo kamap gudfala fres wata moa.

Nambas 23:14

So hemi tekem hem go long open ples long Sofim antap long maonten long Pisga. An long datfala ples tu, hemi wakem sevenfala olta, an hemi sakrifaesim wanfala man buluka an wanfala man sipsip long evriwan long sevenfala olta ya.

Gudnius abaotem Jisas Kraes wea Luk hemi raetem 5:1

Long wanfala taem, Jisas hemi stanap long saet long leik long Genesaret. An plande pipol nao olketa kam raonem hem, wea olketa pus strong fo kam long hem, mekem olketa save herem toktok blong God.

Josua 12:3

Spialaen blong hem long west hemi stat long not long Leik Galili an hemi ka-kam long vali long Jodan Riva go kasem Ded Si long saot. An taon long Bet-Jesimot an maonten long Pisga i insaet long eria blong Sihon.

Josua 13:27

Long Jodan Vali, lan ya hemi go-go kasem olketa taon long Bet-Haran, an long Bet-Nimra, an long Sukot, an long Safon, an evri eria wea Paramaon Sif Sihon blong Hesbon hemi rul ovarem. Spialaen blong olketa lan ya long saet long west nao hemi stat long Jodan Riva go-go kasem Leik Galili long not.

Josua 15:2

Disfala spialaen long saot, hemi stat long en blong Ded si long saot,

Josua 15:5

Long ist saet, spialaen blong distrik ya hemi stat long en blong Ded Si, an hemi falom go saet si ya go-go kasem en blong Jodan Riva wea hemi kasem Ded Si long not. An spialaen long not hemi stat long maos blong riva ya,

Josua 18:19

an hemi gohed fo goraon saet kam long hil long Bet-Hogla. Spialaen ya hemi en long Ded Si long ples wea Jodan Riva hemi en long hem. Hem nao spialaen blong disfala lan long saet long saot.

Josua 19:35

Lan blong olketa ya hemi garem samfala taon wea bikfala wolston nao hemi raonem olketa, an nem blong olketa nao Sidim, an Sea, an Hamat, an Rakat, an Kineret,

Josua 3:16

wata ya hemi stop nao. Haf long riva wea hemi gohed fo ran kamdaon, hemi hipap farawe tumas kolsap long taon long Adam wea hemi kolsap long ples long Saretan. An narafala haf long riva wea hemi gohed fo ran godaon kasem Ded Si hemi kamap barava drae nao. Evriwan i go akros nao long narasaet kolsap long Jeriko.