Diutronomi 3:12 - Pijin Bible

¹² Mosis hemi gohed fo tok olsem, “Taem yumi bin tekova long olketa lan blong olketa finis, mi divaedem olketa lan ya go long trifala traeb blong yumi. Bikfala lan wetem olketa taon long hem wea mi givim go long traeb blong Ruben an traeb blong Gad, hemi olsem, hemi stat long taon long Aroa long Anon Riva long saot, an hemi go kasem eria blong Gilead long not wea hemi ples blong maonten.

Pijin Deuterocanon

¹² Mosis hemi gohed fo tok olsem, “Taem yumi bin tekova long olketa lan blong olketa finis, mi divaedem olketa lan ya go long trifala traeb blong yumi. Bikfala lan wetem olketa taon long hem wea mi givim go long traeb blong Ruben an traeb blong Gad, hemi olsem, hemi stat long taon long Aroa long Anon Riva long saot, an hemi go kasem eria blong Gilead long not wea hemi ples blong maonten.

Diutronomi 3:12 ပူးပေါင်းရင်းမြစ်များ

2 Kings 10:33

King ya hemi tekem lan blong olketa long narasaet blong Jodan Riva long ist, stat long eria long Basan long not, go kasem eria long Gilead, wetem taon long Aroa long Anon Riva long saot. Lan ya hemi olketa lan blong Manase long ist, an blong Gad, an blong Ruben.

Nambas 32:40

An Mosis hemi givim eria blong Gilead long traeb blong Makia mekem olketa stap olowe nao long hem.

Diutronomi 2:36

Long taem ya, Yawe hemi helpem yumi fo tekova long evri taon blong olketa, stat long Aroa long saet long Anon Riva, an taon long flat ples kolsap long riva ya, go-go kasem ples long Gilead long not. No eni taon hemi garem wolston wea hemi hae tumas o strong tumas, mekem yumi no save winim.

Diutronomi 29:7

“Taem yufala kasem disfala ples, Paramaon Sif Sihon blong Hesbon, an Paramaon Sif Og blong Basan, tufala kam fo faet agensim yufala, bat yufala winim tufala.

Diutronomi 29:8

An yufala tekova long lan blong tufala. An yumi divaedem olketa fo givim go long traeb blong Ruben, an long traeb blong Gad, an long haf blong traeb blong Manase.

Diutronomi 3:13

An narafala haf blong eria blong Gilead wetem eria long Basan, mi givim long haf blong traeb blong Manase. Hem nao eria wea narafala nem blong hem Agob, wea Paramaon Sif Og hemi bin rul ovarem.” Yu save eria ya long Basan, bifoa olketa sei hemi ples blong olketa jaean wea olketa kolem Refaem.