Diutronomi 3:11 - Pijin Bible

¹¹ Yu save, Paramaon Sif ya, hemi las man long laen blong olketa jaean wea olketa kolem Refaem. An taem hemi dae, olketa wakem kofin blong hem long blakfala ston wea hemi foa mita long, an kolsap tu mita waed. Disfala ston kofin hemi stap yet kam kasem tude long taon long Raba wea hemi taon blong pipol blong Amon.

Pijin Deuterocanon

¹¹ Yu save, Paramaon Sif ya, hemi las man long laen blong olketa jaean wea olketa kolem Refaem. An taem hemi dae, olketa wakem kofin blong hem long blakfala ston wea hemi foa mita long, an kolsap tu mita waed. Disfala ston kofin hemi stap yet kam kasem tude long taon long Raba wea hemi taon blong pipol blong Amon.

Diutronomi 3:11 ပူးပေါင်းရင်းမြစ်များ

Jenesis 14:5

Oraet, long mekfotin yia, King Kedolama wetem trifala narafala king ya wea i fren, olketa soldia blong olketa i kam fo faet long ples ya. Fastaem, olketa kam long ples ya wea olketa kolem Astarot Kenaem, an faet wetem olketa soldia long laen blong Refaem, an winim olketa. An bihaen, olketa kam long ples ya wea olketa kolem Ham, an faet wetem olketa long laen blong Susim, an winim olketa ya tu. Taem olketa kam long vali ya wea olketa kolem Kiriataem, olketa faet wetem olketa long laen blong Emim, an winim olketa ya moa.

Jenesis 6:15

Bae yu mas wakem wea longfala blong hem hemi mas kasem 133 mita, an bikfala blong hem hemi mas kasem 22 mita, an hae blong hem hemi mas kasem 13 mita.

2 Samuel 11:1

Long taem tukol an ren hemi finis, an hemi fitim fo olketa king i go faet, King Deved hemi sendem Joab wetem olketa komanda, an ami blong Israel, fo go faetem pipol blong Amon. Olketa ya i barava spoelem ami blong Amon, an olketa go hipap fo faet long taon long Raba wea hemi kapitol blong Amon. Bat King Deved hemi stap nomoa long Jerusalem.

2 Samuel 12:26

Long datfala taem, Joab an ami blong hem i gohed fo faetem ami blong Raba, disfala taon wea hemi kapitol blong kantri long Amon. Nao hemi tekova finis long strongfala sefples blong king.

Jeremaea 49:2

Bat taem bae hemi kam wea olketa pipol blong biktaon long Raba i herem bikfala noes long trampet blong olketa enemi. Bae enemi ya i brekemdaon olketa taon, an bonem olketa vilij raonem olketa. Bae Israel i kam fo raosim olketa pipol blong Amon hu bin raosim olketa.” Hem nao toktok blong Yawe.

Esikiel 21:20

Makem wanfala rod wea disfala naef save falom go long taon long Raba, long kantri long Amon. An makem narawan fo go long Jerusalem wea hemi garem bikfala wolston raonem an olketa narafala ples long Jiuda.

Esikiel 25:5

Bae mi mekem bikfala taon long Raba fo hemi kamap wanfala ples wea olketa kamel save kaikaim gras long hem, an evri taon long kantri long Amon fo hemi kamap ples wea olketa sipsip an nanigot save res gud long hem. From samting ya nao, bae yufala savegud dat mi nao Yawe.

Emos 1:14

hem nao bae mi letem olketa enemi fo panisim olketa. Bae hemi olsem wea faea hemi save bonem evrisamting long kapitol ya Raba an olketa strongfala sefples blong olketa. Long taem blong faet, bae olketa enemi i singaot bikfala, an bae olketa spoelem yufala finis olsem wea saekloun hemi spoelem finis evrisamting.

Emos 2:9

?Yufala mas tingim dat mi nao bin helpem yufala, mi nao mi kilim dae olketa pipol long laen blong Amoa. Nomata olketa i olsem wanfala tolfala an strongfala tri, mi save spoelem frut blong hem, an mi save katemaot nomoa rut blong hem.

Diutronomi 2:11

Tufala laen ya, plande pipol nao i kolem olketa olsem Refaem, bat olketa pipol blong Moab i kolem olketa ya Emim.

Diutronomi 2:20

Yu save, bifoa kam, eria blong laen blong Amon hemi ples blong olketa strongfala man wea olketa kolem Refaem. Bat olketa pipol blong Amon i kolem olketa man ya Samsumim.

Josua 12:4

An narawan nao Sif Og, wea hemi paramaon sif blong eria long Basan. Paramaon sif ya hemi laswan long olketa Refaem pipol an hemi rul ovarem tufala taon long Astarot an Edrei.

Josua 13:12

Lan ya hemi gohed moa go-go kasem evri ples long distrik wea Paramaon sif Og hemi rul ovarem, wetem tufala taon long Astarot an Edrei wea i kapitol taon blong hem. Disfala paramaon sif nao hemi laswan long olketa laen blong Refaem long bifoa. Mosis wetem olketa pipol blong Israel nao i bin winim olketa pipol ya wetem ples blong olketa long faet.

Revelesin 21:17

An enjel ya hemi mesarem moa wolston blong hem, wea hae blong hem hemi 144 peikos. (Wei wea enjel ya hemi mesarem olketa samting, hemi olsem hao yumi mesarem enisamting.)

1 Samuel 17:4

Nao wanfala strongman fo faet blong ami blong Filistia wea nem blong hem Golaeat, an hemi blong taon long Gat, hemi kamaot from ples blong olketa. An hemi kam stanap long daon long vali ya. Strongman ya hemi tol kolsap kasem trifala mita.