Diutronomi 29:22 - Pijin Bible

²² “Nao long wanem bae hemi hapen, olketa pikinini blong yufala, wetem olketa wea bae i kamaot bihaen long yufala, an olketa strensa blong olketa narafala kantri farawe, olketa bae i lukim olketa bikfala trabol wea Yawe hemi mekem kam long ples blong yufala, an bae olketa lukim olketa sik wea hemi mekem fo kasem yufala.

Pijin Deuterocanon

²² “Nao long wanem bae hemi hapen, olketa pikinini blong yufala, wetem olketa wea bae i kamaot bihaen long yufala, an olketa strensa blong olketa narafala kantri farawe, olketa bae i lukim olketa bikfala trabol wea Yawe hemi mekem kam long ples blong yufala, an bae olketa lukim olketa sik wea hemi mekem fo kasem yufala.

Diutronomi 29:22 ပူးပေါင်းရင်းမြစ်များ

Jenesis 19:24

Seknomoa, Yawe hemi sendem kamdaon hot ston an hot asis wea i laet, fo hemi fo-foldaon kam from skae olsem ren antap long tufala taon ya long Sodom an Gomora.

Jeremaea 19:8

Bae mi spoelem disfala taon finis, mekem evri pipol hu i lukim bae i tokspoelem hem. Olketa hu i gopas long hem, bae i seke fogud an toknogud long hem.

Jeremaea 20:16

Mi laekem trabol fo kasem man ya olsem trabol hemi kasem olketa taon wea Yawe hemi bin spoelem nogud. Mi laekem hem fo herem olketa pipol krae long moning an olketa enemi singaot long midol long de.

Jeremaea 49:17

“Bae mi spoelem Idom finis, mekem evri pipol hu i lukim bae i tokspoelem hem. Olketa hu i gotru long hem, bae i seke fogud an toknogud long hem.

Jeremaea 49:18

Olsem wea mi spoelem Sodom an Gomora bifoa wetem olketa taon wea i stap raonem tufala ya, long sem wei tu, bae mi spoelem nao Idom, mekem no eniwan save stap long hem.” Hem nao toktok blong Yawe.

Jeremaea 50:13

Bikos mi barava kros tumas long yufala, bae biktaon blong yufala hemi kamap nogud fogud, wea no eniwan hemi save stap long hem. Olketa hu i gopas long Babilon, bae i seke fogud an toknogud long hem.

Hosia 11:8

“!Olketa blong Israel! ?Hao nao bae mi save finis from yufala? !Yufala i pipol blong mi nao! ?Hao nao bae mi save lusim yufala? Mi no save spoelem yufala evriwan olsem wea mi bin duim bifoa long tufala taon long Adma an Seboeim. Long haat blong mi, mi lavem yufala tumas. Mi nating laekem nomoa fo duim eni nogud samting olsem long yufala.

Hibrus 6:8

Bat sapos nilagras nomoa hemi grou long wanfala pisgraon, graon ya hemi ravis nomoa ya. No longtaem, bae God hemi save spoelem disfala graon an bae faea hemi bonem.