Diutronomi 29:2 - Pijin Bible

² Oraet, Mosis hemi kolem kam olketa pipol blong Israel, an hemi tok olsem long olketa, “Yufala lukim finis evrisamting wea Yawe hemi mekem long King blong Ijip, an olketa bikman blong hem, an olketa pipol blong Ijip.

Pijin Deuterocanon

² Oraet, Mosis hemi kolem kam olketa pipol blong Israel, an hemi tok olsem long olketa, “Yufala lukim finis evrisamting wea Yawe hemi mekem long King blong Ijip, an olketa bikman blong hem, an olketa pipol blong Ijip.

Diutronomi 29:2 ပူးပေါင်းရင်းမြစ်များ

Eksodas 19:4

Yufala seleva bin lukim finis olketa samting wea mi duim long olketa pipol blong Ijip. An yufala bin lukim finis tu wei wea mi bin tekem yufala kam long hia. Mi bin tekem yufala kam long ples ya, olsem bikfala igol wea hemi karim pikinini blong hem antap long wing blong hem.

Eksodas 8:12

Taem Mosis an Eron i lusim finis haos blong king, Mosis hemi prea long Yawe an askem hem fo tekemaot olketa frog ya wea hemi sendem kam fo spoelem king ya.

Aesaea 42:20

Yufala bin lukim finis plande samting, bat yufala nating luksave nomoa long enisamting. Ia blong yufala hemi stap nomoa, bat yufala nating heresave nomoa long enisamting.”

Diutronomi 1:30

Yawe, God blong yufala, bae hemi lidim yufala, an faet long saet blong yufala, olsem wea yufala bin lukim finis long Ijip

Diutronomi 11:7

So, yufala save, yufala nao barava lukim wetem ae blong yufala seleva evri bikfala samting wea Yawe hemi bin duim.”

Diutronomi 29:1

Hem nao toktok blong spesol agrimen wea Yawe hemi mekem wetem pipol blong Israel, wea hemi talem Mosis fo talemaot long olketa, taem olketa stap long eria blong Moab. Disfala spesol agrimen hemi adem go moa long spesol agrimen wea Yawe hemi mekem wetem olketa bifoa long maonten long Horeb.

Diutronomi 29:3

Yufala lukim olketa trabol, an olketa mirakol, an olketa bikfala samting wea i somaot paoa blong Yawe.

Josua 24:17

Taem olketa olo blong yumi i wakaslev long Ijip, Yawe nao hemi tekem olketa aot, an hemi mekem yumi evriwan i fri, an mifala bin lukim olketa mirakol wea hemi bin duim long datfala taem. Hem nao hemi gohed fo gadem yumi long evri ples wea yumi bin go long hem, an long ae blong olketa pipol wea yumi gopas long lan blong olketa.

1 Samuel 12:24

Yufala mas tingting strong fo obeim Yawe olowe, an yufala mas falom hem long evri tingting blong yufala. An oltaem, yufala mas tinghevi long olketa bikfala waka wea hemi mekem finis fo yufala.