Diutronomi 29:16 - Pijin Bible

¹⁶ “Yufala savegud long watkaen had laef yumi garem bifoa long Ijip. An yufala save tu hao yumi gotru long lan blong olketa narafala pipol fo kam kasem disfala ples.

Pijin Deuterocanon

¹⁶ “Yufala savegud long watkaen had laef yumi garem bifoa long Ijip. An yufala save tu hao yumi gotru long lan blong olketa narafala pipol fo kam kasem disfala ples.

Diutronomi 29:16 ပူးပေါင်းရင်းမြစ်များ

Esikiel 20:7

Mi tok olsem long olketa, ‘Evriwan long yufala mas stop fo no mekem yufala seleva fo kamap no klin long ae blong mi from olketa ravis kaving ya blong Ijip. Torowem olketa kaving ya wea yufala bin gohed fo wosipim. Mi nao Yawe God blong yufala.’

Diutronomi 2:19

Taem yufala lusim ples ya, bae yufala go kolsap long eria blong laen blong Amon. Olketa ya i long laen blong Lot, an mi bin givim finis lan ya long olketa. Bae yufala mas no raoa o faet wetem olketa, bikos bae mi no save givim lan blong olketa long yufala.’”

Diutronomi 2:24

Mosis hemi tok moa olsem, “Long datfala taem Yawe hemi sei, ‘Distaem yufala mas go akros long Anon Riva. Mi putum Sihon, Paramaon Sif long laen blong Amoa long Hesbon, long han blong yufala, hem wetem evri lan blong olketa. Yufala mas go faetem hem, an stat fo tekova long lan blong olketa.

Diutronomi 2:4

An hemi talem mi fo tokstrong olsem, ‘Bae yufala gotru long eria long Seia wea hemi lan blong olketa wantok blong yufala long laen blong Iso. Olketa ya bae i fraetem yufala. So yufala mas tingting gudfala.

Diutronomi 2:9

Yawe hemi tok olsem long mi, ‘Mosis, yufala mas no raoa o faet wetem olketa pipol blong Moab bikos mi no save givim yufala eni lan blong olketa. Olketa ya long laen blong Lot, an mi givim finis ples long Ara long olketa.’”

Diutronomi 29:15

Mi mekem spesol agrimen wetem yufala evriwan wea i stanap long hia, an mi mekem tu wetem olketa hu i no bon yet wea bae i kamaot bihaen long yufala.’

Diutronomi 29:17

An yufala bin lukim olketa tambu kaving long timba, an ston, an silva an gol, wea i barava nogud tumas.