Diutronomi 28:34 - Pijin Bible

³⁴ Olketa ravis samting wea yufala lukim, bae hemi mekem tingting blong yufala i krangge nogud.

Pijin Deuterocanon

³⁴ Olketa ravis samting wea yufala lukim, bae hemi mekem tingting blong yufala i krangge nogud.

Diutronomi 28:34 ပူးပေါင်းရင်းမြစ်များ

Stori abaotem Job 41:9

Hemi nating tru sapos eniwan hemi tingse hemi save winim Leviatan. Taem eni man hemi lukim disfala maeti animol, bae hemi fraet fogud an seksek tumas.

Aesaea 33:14

(Profet) Distaem olketa pipol long Jerusalem hu i falom wei blong sin i seksek an fraet fogud, an olketa tok olsem, “Taem Yawe hemi jajem man, panis blong hem hemi olsem faea wea hemi barava bonem olketa samting. No eniwan hemi fitim fo stap kolsap long faea ya.”

Jeremaea 39:6

Long Ribla ya, King Nebukadnesa hemi talem olketa man blong hem fo kilim dae olketa san blong Sedekaea, stret long ae blong hem, an kilim dae tu olketa bikman blong Jiuda.

Diutronomi 28:28

Yawe bae hemi mekem yufala mentol, an yufala krangge, an bae hemi mekem yufala kamap blaen.

Diutronomi 28:33

Bae yufala wakahad tumas fo plantem olketa gaden blong yufala, bat olketa man blong narafala kantri bae i kam tekemaot olketa kaikai blong hem. An oltaem nomoa, bae olketa gohed fo barava mekful nogud long yufala.

Diutronomi 28:35

Yawe bae hemi mekem lek blong yufala i fulap long olketa ravis boela wea i no save finis, an olketa boela ya bae olketa kavaremap yufala, stat long fut blong yufala go kasem hed blong yufala.

Diutronomi 28:68

Nomata Yawe hemi talem finis olsem bae yufala no save gobaek long Ijip moa, bat bae hemi putum yufala long olketa sip, an sendem yufala gobaek long dea. An taem yufala stap long dea, bae yufala save askem olketa enemi blong yufala fo kam baem yufala, mekem yufala go waka olsem slev blong olketa, bat bae hemi no garem eni man wea hemi hapi fo baem yufala.”