Diutronomi 28:29 - Pijin Bible

²⁹ Long midol long de, bae yufala pusum han hemi go olobaot olsem blaen man, an bae yufala no save faendem rod wea yufala wande go long hem. An evrisamting wea yufala duim bae hemi nogud. Olowe nomoa, olketa enemi blong yufala bae i mekful long yufala, an ravem yufala, an no eniwan save sevem yufala.

Pijin Deuterocanon

²⁹ Long midol long de, bae yufala pusum han hemi go olobaot olsem blaen man, an bae yufala no save faendem rod wea yufala wande go long hem. An evrisamting wea yufala duim bae hemi nogud. Olowe nomoa, olketa enemi blong yufala bae i mekful long yufala, an ravem yufala, an no eniwan save sevem yufala.

Diutronomi 28:29 ပူးပေါင်းရင်းမြစ်များ

Jenesis 19:11

An tufala mekem olketa man ya long aotsaet fo blaen an no save faendem doa ya nao.

Nehemaea 9:37

Bat bikos mifala gohed fo mekem sin olowe, olketa king wea yu letem olketa fo rul ovarem mifala, olketa tekem olketa gudfala samting ya wea mifala gohed fo tekemaot long graon. Olketa rul ovarem mifala nogud, mekem olketa save duim enisamting wea olketa laekem long mifala an olketa animol blong mifala. !O God! !Bikfala trabol hemi kasem mifala nao!

Stori abaotem Job 12:25

Olketa lus insaet long barava tudak. Ya, olketa foldaon olobaot nomoa olsem olketa man wea i drang.

Stori abaotem Job 5:14

An nomata long midol long de, hemi mekem tudak hemi kavaremap olketa ya. So olketa no save lukluk olsem wea hemi midol long naet.

Eksodas 10:21

Yawe hemi tok moa olsem long Mosis, “Yu liftimap han blong yu goap long skae, an evri ples long Ijip bae hemi kamap tudak finis. Tudak ya bae hemi barava dak fogud, wea hemi winim enisamting wea hemi blak.”

Aesaea 59:10

Mifala go olobaot nao olsem olketa pipol hu i blaen. Nomata mifala wakabaot long midol long de, bat mifala foldaon nomoa olsem man hemi wakabaot long midol long naet. Nomata sapos mifala stap wetem olketa hu i strong, bat mifala olsem nomoa pipol hu i dae finis.

Jeremaea 9:19

(Profet) Yufala lisin kam long disfala bik krae wea hemi kamaot long Saeon. Olketa kraeaot bikfala olsem, “!Yumi kamap nogud tumas! !Yumi sem fogud! Yumi mas lusim lan blong yumi, bikos olketa ples blong yumi i kamap nogud tumas.”

Lamentesin 4:14

Distaem olketa lida ya i go olobaot long olketa rod olsem blaen man. Han blong olketa nao i fulap long blad, mekem pipol i les fo tasim olketa, nomata kaleko blong olketa tu.

Lamentesin 5:17

From panis ya mifala filnogud tumas, an mifala gohed fo sore an krae go-go mifala no save lukluk nao.

Lamentesin 5:8

Olketa wakaman nomoa i rul ovarem mifala, an no eniwan save tekem mifala aot from paoa blong olketa.

Sefenaea 1:17

Yawe hemi tok olsem, ?Bikos olketa sin agensim mi Yawe, bae mi mekem bikfala trabol fo kasem olketa pipol, an trabol ya bae hemi mekem olketa evriwan fo wakabaot olsem blaen pipol. Blad blong olketa bae hemi kamaot olsem wata nating. An bele blong olketa bae hemi kamaot olsem ravis samting nomoa.?

Aposol 21:24

So yu mas joen wetem olketa an yufala evriwan i mas go kasem Tambuhaos fo falom disfala wei fo kamap klin moa long ae blong God. An yu mas peim evrisamting ya, mekem olketa save katemsot hea blong olketa tu. Long wei ya nao, bae evriwan olketa save dat olketa stori wea olketa bin herem abaotem yu, olketa barava nating tru ya. Bae olketa luksave dat yu barava holestrong nomoa long evrisamting long Lo blong Mosis.

Leta wea Pol hemi raetem go long sios long Rom 11:25

Olketa Kristin fren, mi laekem yufala fo save long disfala bikfala samting wea hemi staphaed, mekem yufala no tingim yufala barava save tumas. Hemi olsem ya, disfala wei blong pipol blong Israel fo no lisin, bae hemi stap nomoa go kasem taem evriwan hu i no Jiu wea God hemi siusim, i kam finis long hem.

Diutronomi 28:28

Yawe bae hemi mekem yufala mentol, an yufala krangge, an bae hemi mekem yufala kamap blaen.

Jajis 10:8

Olketa ya i barava spoelem pipol blong Israel wea i stap long Gilead long eria blong laen blong Amoa long ist saet go long Jodan Riva fo eitinfala yia.

Jajis 13:1

Oraet, bihaen moa, pipol blong Israel i gohed fo duim olketa nogud samting long ae blong Yawe. So hemi mekem olketa fo stap andanit long paoa blong laen blong Filistia fo fotifala yia.

Jajis 3:14

Nao pipol blong Israel i stap andanit long paoa blong hem fo eitin yia.