Diutronomi 28:21 - Pijin Bible

²¹ An bae hemi mekem yufala garem sik olowe, go-go olketa sik ya i spoelem yufala an yufala dae, an no eniwan hemi stap long lan wea yufala go-go long hem fo onam.

Pijin Deuterocanon

²¹ An bae hemi mekem yufala garem sik olowe, go-go olketa sik ya i spoelem yufala an yufala dae, an no eniwan hemi stap long lan wea yufala go-go long hem fo onam.

Diutronomi 28:21 ပူးပေါင်းရင်းမြစ်များ

2 Samuel 24:15

So Yawe hemi sendem kam wanfala ravis sik long pipol blong Israel, stat long datfala moning go kasem taem wea hemi bin talem. Sik wea hemi kasem olketa, hemi stat long taon long Dan long not, an hemi go kasem taon long Beereseba long saot. An 70,000 pipol nao i dae long sik ya.

1 Kings 8:37

“Maet taem blong hanggre, o bikfala sik hemi kam spoelem pipol blong yu, o nogud samting hemi spoelem olketa kaikai long gaden, o olketa grashopa i kamap plande an spoelem olketa gaden, o olketa enemi i kam faetem mifala.

Eksodas 5:3

Nao Mosis an Eron i tok olsem, “God blong mifala Hibru, hemi tok wetem mitufala finis. Plis yu letem mifala wakabaot go fo trifala de long drae eria fo ofarem sakrifaes long Yawe, God blong mifala. Sapos mifala no duim diswan, maet hemi kilim mifala dae long sik o long faet.”

Jeremaea 15:2

Sapos olketa askem yu olsem, ‘?Long wea nao bae mifala go?’, bae yu talem olketa olsem, ‘Yawe nao hemi tok olsem: Olketa wea mi makem fo dae long sik, bae olketa dae long sik. An olketa wea mi makem fo dae long faet, bae olketa dae long faet. An olketa wea mi makem fo dae long hanggre bae olketa dae long hanggre. An olketa wea mi makem fo olketa enemi i fosim olketa fo lusim lan blong olketa an stap long narafala kantri, bae olketa mas go long hem.’

Jeremaea 16:4

“Samfala ya bae olketa dae long bikfala sik, an bae no eniwan hemi sore an krae fo olketa. Bae no eniwan hemi berem olketa bodi ya, an bae olketa i olsem ravis wea hemi stap nomoa long graon. An bae samfala long olketa ya i dae long taem blong faet an long taem blong hanggre, an bae olketa bed wetem olketa wael animol i kaikaim nao olketa bodi ya.”

Jeremaea 24:10

Bae mi sendem olketa enemi fo kam kilim olketa, an mi sendem tu taem blong hanggre an bikfala ravis sik fo kilim olketa, go-go no eniwan long olketa save stap long disfala lan wea mi bin givim long olketa grani blong olketa bifoa.”

Levitikas 26:25

Bae mi letem faet kasem ples blong yufala, fo panisim yufala bikos yufala bin brekem agrimen wea mi mekem wetem yufala. An sapos yufala ranawe go haed long olketa sefples long taon blong yufala, bae mi sendem go enikaen ravis sik fo kasem yufala, an bae mi givim yufala go long olketa enemi blong yufala.

Emos 4:10

?Mi nao bin sendem disfala ravis sik fo kasem yufala, olsem wea mi bin sendem bifoa fo kasem olketa pipol blong Ijip. An mi bin letem olketa enemi fo kilim dae evri yang man blong yufala long faet, an fo tekem olketa hos blong yufala tu. Mi nao bin mekem ples blong yufala fo smel nogud long bodi blong olketa man ya hu i dae finis. !Nomata olsem, yufala nating tanem nomoa tingting blong yufala fo kambaek long mi!

Sekaraea 14:12

Hem ya nao disfala ravis sik wea bae Yawe hemi sendem fo kasem evri pipol wea i bin faet agensim Jerusalem. Taem olketa stap laef yet, bodi blong olketa bae hemi gohed fo roten. Olketa ae blong olketa an tang blong olketa bae hemi roten tu.

Nambas 14:12

!Bae mi sendem go wanfala ravis sik fo kilim olketa dae an raosim olketa ya! Bat bae mi mekem yu fo kamap olo blong narafala traeb wea hemi bikfala moa an strong moa winim olketa ya.”

Nambas 25:9

Bat datfala sik hemi kilim dae finis 24,000 pipol.

Matiu 26:7

Nao taem Jisas hemi gohed fo kaikai, wanfala woman hemi tekem kam wanfala naesfala botol wea hemi fulap long oel wea hemi smelgud tumas an hemi dia tumas tu. Woman ya hemi kapsaetem oel ya antap long hed blong Jisas.