Diutronomi 25:16 - Pijin Bible

¹⁶ Bat Yawe hemi barava les long man wea hemi ravem eniwan long bisnis blong hem.”

Pijin Deuterocanon

¹⁶ Bat Yawe hemi barava les long man wea hemi ravem eniwan long bisnis blong hem.”

Diutronomi 25:16 ပူးပေါင်းရင်းမြစ်များ

Provebs 11:1

Yawe les long raverave skel, stretfala skel, hemi hapi long hem.

Provebs 20:23

Yawe heitem raverave skel. Kaen nogud skel olsem, hemi les long hem.

Maeka 6:10

Long evri haos blong olketa nogud pipol, olketa garem plande gudfala samting wea olketa winim long wei wea hemi no stret. An long evri stoa blong olketa evriwan, olketa garem raverave skel an kap fo mesarem olketa samting. Wei ya hemi nogud tumas, an mi barava les long hem.

Diutronomi 18:12

Eniwan hu hemi mekem olketa kaen wei ya, hemi barava nogud tumas long ae blong Yawe. Olketa kaen wei ya i barava nogud tumas long ae blong Yawe, dastawe bae hemi go fastaem long yufala an ronemaot olketa pipol blong lan.

Diutronomi 22:5

“Olketa woman mas no werem kaleko blong man, an olketa man mas no werem kaleko blong woman. Yawe, God blong yufala, hemi barava les long eniwan wea hemi duim disfala samting.

Diutronomi 25:17

Mosis hemi gohed fo tok olsem, “Yufala mas no fogetem olketa samting wea laen blong Amalek i mekem long yufala taem yufala aot long Ijip.

1 Tesalonaeka 4:6

Yufala mas no duim eni ravis samting agensim nara Kristin fren blong yufala, an yufala mas no laea long hem long olketa wei olsem. Mifala talem yufala finis an mifala wonem yufala, Masta blong yumi bae hemi panisim olketa pipol hu i duim olsem.

Revelesin 21:27

Bat olketa samting wea hemi no klin an olketa pipol hu i gohed fo duim olketa ravis samting, o gohed fo laea, olketa ya nao olketa no save kam insaet long biktaon ya. Bat olketa pipol wea nem blong olketa hemi stap insaet long disfala buk blong laef wea Smolfala Sipsip ya hemi garem, olketa pipol ya nao save go insaet long biktaon ya.