Diutronomi 25:15 - Pijin Bible

¹⁵ “Taem yufala skelem hevi blong samting, o yufala skelem haomas lita blong samting, yufala mas yusim olketa samting fo mekem hemi stret fogud. Sapos yufala duim olsem, bae yufala save stap longtaem long lan wea Yawe hemi givim long yufala.

Pijin Deuterocanon

¹⁵ “Taem yufala skelem hevi blong samting, o yufala skelem haomas lita blong samting, yufala mas yusim olketa samting fo mekem hemi stret fogud. Sapos yufala duim olsem, bae yufala save stap longtaem long lan wea Yawe hemi givim long yufala.

Diutronomi 25:15 ပူးပေါင်းရင်းမြစ်များ

Sams 34:12

Sapos eniwan hemi laekem gudfala laef an hemi wande stap hapi evri de,

Eksodas 20:12

“Yufala mas tinghae long dadi an mami blong yufala, mekem yufala save laef fo longtaem long lan wea bae mi Yawe, God blong yufala, mi givim long yufala.

Esikiel 45:10

“Yufala mas yusim olketa stret mak an olketa skel wea hemi stret, an no laea long olketa pipol. Taem yufala skelem hevi blong samting, o yufala mesarem haomas lita blong samting, yufala mas duim long wei wea hemi stret fogud. Yufala mas yusim mak fo skelem o fo mesarem wea evriwan long yufala agri dat hemi stretwan.”

Levitikas 19:35

“Yufala mas no ravem eniwan taem yu salem enisamting. Yufala mas no skelem o mesarem datfala samting long ravis wei.

Emos 8:5

Oltaem yufala talem olsem, ??Wataem nao bae olketa Bikde blong Niu Mun hemi finis, mekem yumi salem olketa wit blong yumi? Hemi gud tumas sapos Sabat de hemi finis kuiktaem, mekem yumi save salem moa evrisamting blong yumi. An bae yumi apem olketa praes blong yumi an taetem olketa skel fo ravem gudfala long olketa hu i pei long yumi.

Efesas 6:3

mekem yufala save garem gudfala laef fo longtaem long disfala wol ya.”

Diutronomi 11:9

An bae yufala save stap longtaem long disfala barava gudfala lan wea Yawe hemi promisim long olketa olo blong yufala an long yufala long laen blong olketa.

Diutronomi 17:20

Long disfala wei, bae hemi no praod tumas an tingim dat hemi gud moa winim olketa wantok long Israel. An bae hemi no lusim lo blong Yawe enitaem. Sapos hemi gohed fo tinghae long Yawe olsem, bae hemi stap king longtaem, an olketa long laen blong hem tu bae i save king longtaem long Israel.”

Diutronomi 25:14

An yufala mas no yusim tufala deferen kontena fo skelem kaikai mekem yufala ravem eniwan.

Diutronomi 4:40

Dastawe yufala mas obeim olketa lo an rul blong hem wea mi talemaot long yufala tude. An sapos yufala duim olsem, bae yufala save garem gudfala laef, an olketa pikinini blong yufala wetem olketa wea bae i kamaot bihaen long yufala, olketa save garem gudfala laef. An bae yufala save stap longtaem long lan wea Yawe bae hemi givim long yufala fo onam olowe.”

Diutronomi 5:16

‘Yufala mas tinghae long dadi an mami blong yufala olsem wea mi talem finis, mekem yufala save garem gudfala laef fo long taem long lan wea bae mi Yawe, God blong yufala, mi givim long yufala.

Diutronomi 5:33

Yufala mas obeim olketa evriwan ya. An sapos yufala duim olsem, laef blong yufala bae hemi save gud tumas, an bae yufala save stap longtaem long lan wea bae yufala tekova long hem.”

Diutronomi 6:18

Yufala mas duim olketa samting wea hemi gud an hemi stret long ae blong Yawe. Sapos yufala duim olsem, bae yufala save garem gudfala laef, an yufala save go tekova long lan wea Yawe hemi promis finis fo givim long olketa olo blong yufala.

1 Pita 3:10

Buktambu hemi sei, “Sapos eniwan hemi laekem gudfala laef an hemi wande stap hapi evri de, hemi mas no tok nogud, an hemi mas no laea.