Diutronomi 22:29 - Pijin Bible

²⁹ oraet, datfala man hemi mas peim fifti silva seleni go long dadi blong gele ya. An hemi mas maritim gele ya, bikos datfala man hemi bin spoelem hem. An hemi no save divosim gele ya enitaem long laef blong hem.

Pijin Deuterocanon

²⁹ oraet, datfala man hemi mas peim fifti silva seleni go long dadi blong gele ya. An hemi mas maritim gele ya, bikos datfala man hemi bin spoelem hem. An hemi no save divosim gele ya enitaem long laef blong hem.

Diutronomi 22:29 ပူးပေါင်းရင်းမြစ်များ

Eksodas 22:15

Bat sapos animol ya hemi garekil o hemi dae long taem wea ona hemi stap nomoa wetem, man wea hemi gohed fo yusim animol ya hemi no save sensim long hem. Sapos wanfala man hemi haerem wanfala animol fo waka long hem, nao animol ya hemi dae, bae hemi no sensim nao, bikos pei ya fo haerem animol ya hemi kavarem nao praes blong hem.”

Eksodas 22:16

Yawe hemi gohed fo tok olsem, “Sapos wanfala man hemi gohed fo suitim wanfala yang gele hu hemi no slip tugeta yet wetem eni man, nao hemi durong long hem, oraet, man ya mas peim disfala gele long dadi blong hem, an hemi mas maritim disfala gele.

Diutronomi 21:14

Bat sapos man ya hemi no laekem disfala woman afta hemi maritim hem, hemi mas letem woman gofri nomoa. Hemi no save salemaot woman olsem wea hemi slev blong hem, bikos hemi bin slip wetem hem.”

Diutronomi 22:19

Den olketa mas mekem hem peim wanfala faen long 100 silva seleni. Bae olketa mas givim seleni go long dadi blong gele ya, bikos datfala man hemi mekem sem long wanfala gele blong Israel. Gele ya, bae hemi waef blong datfala man olowe nao an hemi nating save divosim gele ya enitaem long laef blong hem.

Diutronomi 22:24

Sapos hemi olsem, yufala mas tekem tufala go aotsaet long geit blong taon blong yufala, an yufala mas sutim tufala long ston, go-go tufala dae. Gele ya hemi mas dae, bikos taem man ya hemi durong wetem hem hemi stap long ples blong yufala an hemi no singaot fo eniwan i helpem hem. An datfala man hemi mas dae bikos hemi spoelem woman blong narafala man. Yufala mas aotem disfala wei nogud from yufala.

Diutronomi 22:28

“Sapos yufala faendemaot wanfala man hemi fosim wanfala gele fo slip wetem hem, an gele ya hemi no enggej,

Diutronomi 22:30

“Hemi tambu fo eni man hemi maritim woman wea fastaem hemi waef blong dadi blong hem, bikos disfala wei hemi meksem long dadi blong hem.”