Diutronomi 21:22 - Pijin Bible

²² Mosis hemi gohed fo tok olsem, “Taem wanfala man hemi duim wanfala rong samting wea hemi fitim fo hemi dae long hem, maet yufala kilim hem dae an hangem bodi blong hem long wanfala tri.

Pijin Deuterocanon

²² Mosis hemi gohed fo tok olsem, “Taem wanfala man hemi duim wanfala rong samting wea hemi fitim fo hemi dae long hem, maet yufala kilim hem dae an hangem bodi blong hem long wanfala tri.

Diutronomi 21:22 ပူးပေါင်းရင်းမြစ်များ

Jenesis 40:19

Hemi no kasem trifala de yet, bae olketa katemaot hed blong yu, an bae olketa hangem bodi blong yu long wanfala pos. An olketa bed bae i kam an kaikaim mit long bodi blong yu.”

2 Samuel 21:10

Oraet, Rispa ya hemi tekem olketa olfala ravis kaleko, an hemi putum go long bikfala ston kolsap long sevenfala ded bodi ya. An hemi stap long dea stat long taem olketa stat fo tekemaot kaikai blong bali, go-go kasem taem hemi stat fo ren. Long olketa de, hemi gohed fo raosim olketa bed from sevenfala ded bodi ya. An long olketa naet, hemi gohed fo stopem olketa wael animol.

2 Samuel 21:6

So mifala laekem yu fo tekem kam sevenfala man long laen blong hem. An mifala bae kilim olketa dae, an hangem olketa long frant long tambuples blong Yawe long Gibea, bikos hemi taon blong Sol wea Yawe bin siusim hem fo kamap king.” So king hemi tok olsem, “Bae mi tekem kam olketa long yufala.”

2 Samuel 21:9

King Deved hemi givim sevenfala ya go long pipol blong Gibeon. Den olketa go kilim sevenfala dae, an olketa hangem sevenfala bodi long wanfala hil kolsap long tambuples blong Yawe. Olketa duim long taem wea olketa stat fo tekemaot bali long olketa gaden.

2 Samuel 4:12

So hemi talem olketa soldia blong hem fo kilim tufala dae. Olketa kilim tufala dae, den olketa katemaot han an lek blong tufala, an hangem bodi blong tufala antap kolsap long raonwata long Hebron. Bat olketa tekem go hed blong King Isboset, an berem long ples wea olketa bin berem Abna long hem.

Nambas 25:4

Den Yawe hemi tok olsem long Mosis, “Yu kolem kam olketa bikman blong pipol an kilim olketa dae, an hangem olketa bodi blong olketa long frant long Tambu Haostent long ae blong pipol. Duim olsem, mekem mi no barava kros fogud long yufala.”

Matiu 26:66

?So wanem nao yufala talem?” Nao olketa sei long hem, “!Man ya, hemi mas dae nao!”

Gudnius abaotem Jisas Kraes wea Mak hemi raetem 14:64

Yufala herem seleva finis nao wea hemi tokspoelem God ya. ?So wanem nao yufala talem?” Nao olketa jajem hem an olketa sei, “Man ya hemi mas dae ya.”

Gudnius abaotem Jisas Kraes wea Luk hemi raetem 23:33

Taem olketa kasem ples wea olketa kolem “Bon blong hed blong man,” olketa soldia olketa nilam Jisas long kros nao. An tufala man fo mekem trabol tu, olketa nilam tufala long tufala kros, an olketa putum wanfala long raetsaet blong Jisas an narawan long lefsaet blong hem.

Aposol 23:29

Mi faendemaot wea olketa agensim hem from olketa samting long saet blong Lo blong olketa Jiu nomoa ya, bat olketa no jajem hem long enisamting wea hemi fitim fo hemi stap long prisin o fo hemi dae long hem ya.

Aposol 25:11

Sapos hemi tru wea mi bin duim samting wea hemi fitim fo mi dae long hem, bae mi dae long hem nao. Bat sapos wanem olketa Jiu i bin talem agensim mi hemi nating tru, bae no eniwan hemi garem paoa fo givim mi go long han blong olketa. So mi laek fo bikfala King long Rom nao hemi jajem kes blong mi.”

Aposol 25:25

Bat mi no luksave long enisamting wea hemi bin duim rong, mekem hemi mas dae. Nao hem seleva hemi laekem bikfala King long Rom fo jajem kes blong hem, so mi bin tingim dat bae mi sendem hem go ya.

Aposol 26:31

an olketa lusim ples ya. An olketa go-gohed fo toktok tugeta long olketa seleva olsem, “Disfala man ya hemi nating duim enisamting, mekem hemi mas stap long prisin o hemi mas dae long hem ya.”

Diutronomi 19:6

Sapos yufala garem wanfala taon fo haed nomoa, maet hemi farawe tumas an man hemi no save kasem hem kuiktaem. Sapos taon fo haed hemi farawe tumas maet wantok blong man hu i dae hemi aftarem man ya an kasem hem an sensimbaek dae ya bikos hemi kros tumas. Kaen wei hemi no stret bikos man ya hemi no tingting fo kros an hemi no minim nomoa fo kilim dae fren blong hem.

Diutronomi 22:26

Bat yufala mas no panisim gele ya, bikos hemi no duim samting nogud wea hemi fitim fo hemi dae from hem. Disfala trabol hemi rong blong man nomoa, an hemi olsem kaen trabol wea man hemi tingting nogud an hemi kilim dae wantok blong hem.

Josua 10:26

Josua hemi kilim dae faefala paramaon sif ya an hemi talem olketa man blong hem fo go hangem bodi blong olketa antap long faefala tri. Olketa stap olsem go-go kasem ivining.

Josua 10:27

Long ivining, Josua hemi talem olketa man blong hem fo tekemdaon bodi blong olketa paramaon sif ya from olketa tri, an torowem go insaet long sem kev wea olketa bin haed long hem fastaem. Olketa satem moa maos blong kev ya long olketa bikfala ston, an olketa ston ya i stap nomoa olsem long datfala ples ka-kam kasem tude.

Josua 8:29

Long taem ya tu, olketa kilim dae paramaon sif blong Ai, an hangem bodi blong hem antap long tri go-go kasem ivining. An long ivining, Josua hemi talem olketa man blong hem fo tekemdaon bodi blong paramaon sif ya, an torowem go long geit blong bikfala wolston long taon ya. Olketa hipimap olketa ston antap long bodi blong hem, an hip ston ya hemi stap nomoa olsem ka-kam kasem tude.

1 Samuel 26:16

!Yu barava slak tumas long waka blong yu! Olsem Yawe hemi laef, mi toktru, hemi fit nomoa fo yufala evriwan i dae. !Yawe hemi siusim masta blong yufala fo kamap king, bat yufala no gadem hem gudfala! !Yu trae lukraon! ?Wea nao spia blong king wea i stap kolsap long hed blong hem? ?An wea nao botol wata blong hem?”