Diutronomi 20:7 - Pijin Bible

⁷ An sapos eniwan hemi enggej long wanfala gele finis, bat tufala no marit yet, oraet, hemi mas gobaek long hom. Nogud hemi dae long faet an narafala man bae hemi maritim gele ya.’

Pijin Deuterocanon

⁷ An sapos eniwan hemi enggej long wanfala gele finis, bat tufala no marit yet, oraet, hemi mas gobaek long hom. Nogud hemi dae long faet an narafala man bae hemi maritim gele ya.’

Diutronomi 20:7 ပူးပေါင်းရင်းမြစ်များ

Matiu 1:18

Stori abaotem hao Jisas Kraes hemi bon hemi olsem. Taem Meri, mami blong Jisas, olketa mektambu long hem fo hemi maritim Josef an tufala no stap tugeta yet, paoa blong Holi Spirit hemi mekem Meri fo garem pikinini long bele blong hem nao.

Diutronomi 20:6

An sapos eniwan hemi jes plantem plantesin blong grep, bat hemi no tekemaot olketa fas frut blong hem seleva, oraet, hemi mas gobaek long hom. Nogud hemi dae long faet an narafala man bae hemi hapi long frut blong hem.

Diutronomi 24:5

Mosis hemi gohed fo tok olsem, “Sapos wanfala man hemi jes marit, yufala no save sendem hem go fo faet long ami. An yufala no save givim hem eni narafala waka long ami. Yufala mas letem hemi stap wanfala ful yia fastaem wetem waef blong hem, mekem waef blong hem hemi hapi.

Diutronomi 28:30

“Maet olketa mektambu long wanfala man fo maritim wanfala gele, bat olketa narafala man bae kam an spoelem gele ya. Maet wanfala man hemi wakem wanfala haos, bat bae hemi no save slip long hem. Maet wanfala man hemi plantem plantesin blong grep, bat bae hemi no save tekem frut blong hem.

2 Timoti 2:4

Sapos wanfala soldia hemi laek fo mekem komanda blong hem fo hapi long waka blong hem, hemi nogud fo hemi gohed long bisnis blong hem seleva.