Diutronomi 2:37 - Pijin Bible

³⁷ Bat yumi no go long lan blong laen blong Amon, nomata long Jabok Riva o antap long olketa maonten, bikos Yawe, God blong yumi, hemi stopem yumi.”

Pijin Deuterocanon

³⁷ Bat yumi no go long lan blong laen blong Amon, nomata long Jabok Riva o antap long olketa maonten, bikos Yawe, God blong yumi, hemi stopem yumi.”

Diutronomi 2:37 ပူးပေါင်းရင်းမြစ်များ

Jenesis 32:22

Nao long naet ya, Jekob hemi getap, an hemi tekem tufala waef blong hem, wetem tufala slev woman blong tufala, an olketa levenfala pikinini blong hem, nao olketa lusim ples ya fo krosim Jabok Riva ya, nao hemi tekem olketa an katkros go long narasaet.

Nambas 21:24

Bat ami blong Israel i kilim dae Paramaon Sif Sihon wetem plande soldia blong hem. An pipol blong Israel i tekova long olketa lan blong olketa, stat long Anon Riva, go kasem Jabok Riva long not wea hemi baondri long eria blong Amon. Bat olketa no save go moa long narasaet, bikos olketa pipol blong Amon i strong tumas.

Diutronomi 2:19

Taem yufala lusim ples ya, bae yufala go kolsap long eria blong laen blong Amon. Olketa ya i long laen blong Lot, an mi bin givim finis lan ya long olketa. Bae yufala mas no raoa o faet wetem olketa, bikos bae mi no save givim lan blong olketa long yufala.’”

Diutronomi 2:5

Yufala mas no faetem olketa, bikos bae mi no save givim eni smol pisgraon blong olketa fo yufala. Mi givim finis disfala lan long maonten long Seia long laen blong Iso.

Diutronomi 2:9

Yawe hemi tok olsem long mi, ‘Mosis, yufala mas no raoa o faet wetem olketa pipol blong Moab bikos mi no save givim yufala eni lan blong olketa. Olketa ya long laen blong Lot, an mi givim finis ples long Ara long olketa.’”

Diutronomi 3:16

An narafala haf blong eria ya wetem lan wea hemi go kasem Anon Riva long saot, mi givim long traeb blong Ruben wetem traeb blong Gad. Lan blong olketa, baondri blong hem long saot hemi stap stret long midol long riva Anon, an baondri blong hem long ist hemi stap long Jabok Riva, an olketa pipol blong Amon i stap long narasaet.

Josua 12:2

Wanfala long tufala paramaon sif ya nao Sif Sihon. Hemi paramaon sif long laen blong Amoa long taon long Hesbon. Sif Sihon hemi rul ovarem saot haf long eria long Gilead. Spialaen blong eria blong hem long saot hemi disfala Anon Riva. Spialaen blong hem long ist hemi stat long taon long Aroa long ist long Anon vali an go kasem disfala Jabok riva, an hemi makemaot eria blong laen blong Amon long ist. Spialaen blong hem long not hemi disfala Jabok Riva an vali long Jodan riva tu.

Jajis 11:15

An olketa tok olsem, “Hem nao toktok blong Jefta. Hemi tok olsem: Olketa grani blong mifala bifoa i no tekem olketa lan blong laen blong Moab o blong laen blong Amon. Toktok wea yu talem hemi nating tru ya.

Jajis 11:22

Olketa lan wea pipol blong Israel i tekem finis wea fastaem hemi blong laen blong Amoa, hemi stat long Anon Riva long saot an hemi godaon kasem Ded Si an Jodan Riva long west an hemi go kasem Jabok Riva long not an go kasem drae eria long ist.