Diutronomi 2:23 - Pijin Bible

²³ An long sem wei tu, olketa lan kolsap long solwata long Mediterenian Si, olketa pipol blong Krit i tekova an stap long hem. Bifoa kam, ples ya hemi ples blong laen blong Avim, bat olketa pipol blong Krit i kilim dae olketa evriwan, an olketa tekova long olketa lan blong olketa go kasem Gasa long saot.

Pijin Deuterocanon

²³ An long sem wei tu, olketa lan kolsap long solwata long Mediterenian Si, olketa pipol blong Krit i tekova an stap long hem. Bifoa kam, ples ya hemi ples blong laen blong Avim, bat olketa pipol blong Krit i kilim dae olketa evriwan, an olketa tekova long olketa lan blong olketa go kasem Gasa long saot.

Diutronomi 2:23 ပူးပေါင်းရင်းမြစ်များ

Jenesis 10:14

an olketa laen blong Patrus, an olketa laen blong Kasluhu, an olketa laen blong Krit. An Krit ya, olketa pipol blong Filistia nao olketa bon kam long laen blong hem. An olketa man blong olketa ples wea olketa gohed fo garem olketa nem ya, olketa i laen blong olketa nao.

Jenesis 10:19

An graon blong olketa ya hemi gohed fo kamap bikfala tumas, an hemi go kasem taon ya wea olketa kolem Saedon long not, an hemi go kasem taon ya wea olketa kolem Gerara, kolsap long taon ya wea olketa kolem Gesa long saot, an hemi go kasem olketa taon ya wea olketa kolem Sodom, an Gomora, an Adma, an Seboeim, kolsap long Lasa, wea olketa stap long saet long ist.

1 Kings 4:24

Hemi kontrolem olketa kantri long west saet long Yufretis Riva, stat long eria long Tifsa, go kasem eria long Gasa. An hemi mekem piis wetem olketa kantri wea i raonem hem.

2 Kings 18:8

Hemi go faetem olketa pipol blong Filistia, an winim olketa, nao hemi tekem evrisamting blong olketa, stat long olketa smol vilij blong olketa go kasem olketa bikfala taon. hemi winim olketa go kasem taon long Gasa an eria raonem hem.

1 Kronikols 1:12

an Patrus, an Kasluhu, an Krit. An Krit ya, olketa pipol blong Filistia i bon kam bihaen long hem.

Jeremaea 25:20

wetem olketa strensa wea i stap long ples ya, an olketa king blong Us, an olketa king blong Filistia long olketa taon long Askelon, an Gasa, an Ekron, an smolfala haf blong Asdod wea hemi stap yet,

Jeremaea 47:4

Taem hemi kam nao fo spoelem finis olketa pipol blong Filistia. Ya, bae Yawe hemi kilim dae olketa ya hu i kamaot long aelan long Krit bifoa. Bae hemi duim olsem, mekem olketa no save helpem tufala taon long Taea an Saedon long Fonisia.

Emos 9:7

Hem ya mesij blong Yawe, ?!Olketa pipol blong Israel! ?Waswe, yufala tingse mi gohed fo tinghevi nomoa long yufala winim olketa pipol blong Kus? !Nomoa ya! Hemi tru, taem bifoa wea yufala stap yet long Ijip, mi nao mi tekem yufala kamaot from datfala ples. !Bat yufala lukim! Olketa pipol blong Filistia, mi nao mi tekem olketa kamaot from Krit. An olketa pipol blong Siria, mi nao mi tekem olketa kamaot from Kia.

Sefenaea 2:4

?Taon long Gasa bae hemi emti, an no eniwan bae stap long taon long Askelon. An pipol blong taon long Asdod, olketa bae ranawe long midol long de. An pipol blong taon long Ekron bae olketa lusim taon ya tu.

Sekaraea 9:5

Taem olketa blong Askelon i lukim olketa samting ya, olketa fraet fogud. An olketa blong Gasa i filnogud tumas long hem. Olketa blong Ekron tu i filnogud, an tingting blong olketa wikdaon fogud. Bae Gasa hemi lusim sif blong hem, an Askelon hemi kamap emti wea no eniwan hemi stap long hem.

Aposol 17:26

Stat kam long wanfala man nomoa, God hemi mekem evri pipol long wol an hemi mekem olketa fo stap long evri ples long disfala wol. Hem seleva hemi bin makem olketa ples blong olketa fo stap an hemi bin makem taem blong olketa.

Josua 10:41

Lan wea olketa tekova long hem long taem blong datfala faet, hemi stat long Kades-Banea long saot go kasem Gasa kolsap long si. An evri ples stat long Gosen go-go kasem Gibeon long not, hemi insaet long disfala lan nao.

Josua 11:22

Josua wetem ami blong hem i kilim dae evri jaean wea i stap long olketa ples ya. Tu-tri nomoa i stap long olketa taon long Gasa, an Gat, an Asdod.

Josua 15:47

An samfala taon moa hemi Asdod wetem evri taon an evri vilij raon long hem, an taon long Gasa wetem evri taon an evri vilij raon long hem, go-go kasem smolfala wata wea hemi makem spialaen long lan blong olketa pipol long Ijip long saot, an hemi go-go kasem Mediterenian Si long west.

Jajis 1:18

Yawe hemi gohed fo helpem traeb blong Jiuda fo winim olketa lan antap long olketa hil. Bat olketa no save winim trifala taon long Gasa, an Askelon, an Ekron wetem eria raon long trifala kolsap long solwata. Hemi olsem bikos olketa long olketa taon ya i garem olketa kaat fo faet wea i garem aean wil.